காதல் ஓவியம் முதல் இதயகோவில் வரை - நடிகை ராதாவின் 10 பிரபல படங்கள்
நடிகை ராதாவை அலைகள் ஓய்வதில்லை படத்தில் ஹீரோயினாக அறிமுகப்படுத்தினார் பாரதிராஜா. முதல் படமே சூப்பர் ஹிட். அதை தொடர்ந்து அவர் நடித்த பெரும்பாலான படங்கள் கமர்ஷியல் ஹிட். தமிழ், தெலுங்கு, இந்தி, கன்னடம் மலையாளத்தில் 200 படங்களில் நடித்தார்.
அப்போது பெரும்பாலான முன்னணி ஹீரோக்களுடன் ஹோம்லி, கிளாமர் என இரண்டிலும் முத்திரை பதித்தார்.
தென் இந்தியாவில் முக்கியமான ஹீரோயின்களில் ஒருவராக இடம் பிடித்த நடிகை ராதாவுக்கு இன்று பிறந்தநாள்.
'குழல் ஊதும் கண்ணனுக்கு' பாடலை மறக்க முடியுமா?
அவருடன் பழகியவர்கள், சினிமாகாரர்களிடம் ராதா குறித்து பிபிசி தமிழ் சார்பில் பேசினோம்.
ராதா நடித்த அம்மன் கோயில் கிழக்காலே, மெல்லத்திறந்தது கதவு, இதயகோயில் உள்ளிட்ட படங்களில் ஒளிப்பதிவாளர் ராஜராஜன், ''இன்றும் என்னிடம் பேசுபவர்கள் அம்மன் கோவில் கிழக்காலே படம் பற்றி, ராதா நடிப்பு, பாடல் பற்றி அவ்வளவு பேசுகிறார்கள்.'' என்கிறார்.
''விஜயகாந்த், இளையராஜா, ஆர்.சுந்தர்ராஜன் என பல ஜாம்பவான்கள் இருந்தாலும், ராதாவும் தனித்தன்மையுடன் இருந்தார். ராதாவின் வெற்றி ஈஸியாக கிடைக்கவில்லை.அவர் கடுமையான உழைப்பாளி, குறிப்பாக, நேரம் விஷயத்தில் சரியாக இருப்பார். காலையில் 7 மணிக்கு படப்பிடிப்பு என்றால் மேக்கப்புடன் தயாராக இருப்பார். நாங்கள் பல ஆங்கிளில் படமாக்குவோம். பாடல்காட்சிகளில் இன்னும் அதிகம்.
இத்தனை படங்களில் என்னுடன் பணியாற்றி இருந்தாலும் ஒருமுறை கூட அவர் முகம் சுளித்தது இல்லை. அவர் முகமும், கண்களும் அவ்வளவு அழகு. அதனால், அவரை அதிகமாக குளோஸ்-அப் எடுப்போம். நான் ஒளிப்பதிவு செய்யாவிட்டாலும் ராதா படங்களில் முதல்மரியாதை பிடிக்கும். அந்த படத்தை பலதடவை பார்த்து இருக்கிறேன்.'' என்கிறார்.
''அவர் பாடல்களில் எனக்கு பிடித்தது மெல்ல திறந்தது கனவு படத்தில் வரும் குழல் ஊதும் கண்ணனுக்கு பாடல். அதை நான்தான் கோவை சிறுவாணி பகுதிகளில் படமாக்கினேன். எத்தனை முறை பார்த்தாலும் ராதா முகபாவங்கள், சின்ன, சின்ன நளினங்கள் சலிக்காது. அம்மன்கோயில் கிழக்காலே படத்தை மேட்டுப்பாளையத்தில் எடுத்தோம். அந்த நாட்களை மறக்கமுடியாது'' என்கிறார்
Skip அதிகம் படிக்கப்பட்டது and continue reading
அதிகம் படிக்கப்பட்டது
Mother, Children, Bond, Naxalite, Pregnancy
'குழந்தை இல்லையே என ஏங்கிய காலம் உண்டு' - கருத்தடை செய்துகொண்ட முன்னாள் நக்சல்கள் குழந்தை பெறுவது எப்படி?
உடலில் வாயு வெளியேறும்போது துர்நாற்றம் வீசுவது ஏன்? சரிசெய்ய முடியுமா?
நம் உடலில் வாயு வெளியேறும் போது துர்நாற்றம் வீசுவது ஏன்? அதனை கட்டுப்படுத்துவது எப்படி?
வசீம் அக்ரம் தனது நண்பர்களான மிஸ்பா, ஃபகர் ஆகியோருடன் ஹஜ் செய்யச் சென்றிருந்தார்.
வசீம் அக்ரம் ஹஜ் பயணத்தில் பௌலிங் பாணியில் மத சடங்கை செய்தது ஏன்?
மீன் இனம், விஞ்ஞானிகள், பாலினமற்ற இனப்பெருக்கம், உயிரினங்கள், பரிணாம வளர்ச்சி
'ஆண் மீன்களே இல்லை' - 1 லட்சம் ஆண்டுகளாக வாழும் இந்த பெண் மீன் இனம் விஞ்ஞானிகளை ஆச்சரியப்படுத்துவது ஏன்?
End of அதிகம் படிக்கப்பட்டது
Actress, Radha, Birthday, Movieபட மூலாதாரம்,Radhanair/Instagram
மூத்த பத்திரிகையாளர் மக்கள்குரல் ராம்ஜி நடிகை ராதா பற்றி பிபிசி தமிழிடம் கூறுகையில், '' தமிழ் ரசிகர்களை வசீகரித்த ஜோடி ரஜினிகாந்த் - ஸ்ரீ பிரியா. ராதாவோடு கமல்ஹாசன் அதிக படங்களில் ஜோடி சேரவில்லை, இவர்கள் இணைந்த படங்களை விரல் விட்டு எண்ணி விடலாம். 1981ல் பாரதிராஜாவின் அலைகள் ஓய்வதில்லை சினிமாவில் அறிமுகமான ராதா இந்த வெற்றியின் சூட்டோடு சூட்டாக இரண்டு ஆண்டுகளுக்குப் பிறகு சீனியர் கமலோடும், ரஜினியோடும் இணை சேர்ந்தார் '' என்கிறார்
'சிவாஜிகணேசனே ராதாவை பாராட்டினார்'
வாட்ஸ்அப் விளம்பரம் - ஐ புறக்கணித்துவிட்டு தொடர்ந்து படிக்கவும்
வாட்ஸ்அப் விளம்பரம் - படம்
வாட்ஸ்ஆப்பில்
பிபிசி தமிழ் செய்திகளை செல்போனிலேயே படிக்கலாம்
பின்தொடர கிளிக் செய்யவும்
வாட்ஸ்அப் விளம்பரம் - முடிவு
இயக்குனர் பாரதிராஜாவின் நெருங்கிய நண்பரும், கிழக்குசீமையிலே, கருத்தம்மா, கடல்பூக்கள் படங்களின் கதாசிரியரும், எழுத்தாளருமான ரத்னகுமார் பிபிசி தமிழிடம், ''நடிகை ராதா பற்றி பலமுறை என்னிடம் இயக்குனர் பாரதிராஜா வியந்து பேசியிருக்கிறார். குறிப்பாக, முதல்மரியாதை படத்தில் சிவாஜிகணேசன், ராதாவை புகழ்ந்ததை, பெருமையாக பேசியதை என்னிடம் சொல்லியிருக்கிறார்.
'அந்த சின்ன பொண்ணு நடிப்பில் கலக்கிவிட்டது. சில காட்சிகளில் வசனம் பேசாமலே மிரட்டி விட்டாள். குறிப்பாக, ஜெயிலில் இருந்து வந்து பேசும் சீனில் என்னம்மா நடித்துவிட்டாள்' என்று சிவாஜி கணேசன் கூறியதாக என்னிடம் சொல்லியிருக்கிறார். அப்போது ராதா சிறப்பாக நடிப்பார், அதனால்தான் இந்த படத்தில் அவரை நடிக்க வைத்தேன் என பாரதிராஜா சொல்லியிருக்கிறார்.
முதல் மரியாதை படத்தில் மலேசியா வாசுதேவன் முதலில் நடிப்பதாக இருந்தது. ஆனால், சிவாஜி கணேசன், ராதா நடித்தது படத்தை எங்கேயோ கொண்டு போய்விட்டது. சிவாஜிகணேசன் படங்களிலும் முதல்மரியாதைக்கு முக்கியமான இடமுண்டு. அதில் ராதா நடிப்பையும் பேசாமல் இருக்க முடியாது. அதேபோல் அம்மன் கோயில் கிழக்காலே படத்திலும் துறுதுறு நடிப்பில் சிறப்பாக நடித்து இருப்பார்'' என்கிறார்.
'அம்பிகாவை மிஞ்சினார் ராதா'
அந்த கால சினிமா பத்திரிகையாளரும், மூத்த பி.ஆர்.ஓ.வுமான நெல்லை சுந்தர்ராஜன் பிபிசி தமிழிடம், ''நான், ராதா அக்கா அம்பிகாவின் மேலாளராக பணியாற்றினேன். அந்தவகையில் ராதாவுடன் நல்ல பழக்கம். அவர் வெற்றிக்கு முக்கியமான காரணம், அவர் நேரம் தவறாமை மற்றும் நடிக்கிற கேரக்டராகவே மாறும் விதம். அவர் கமிட்டான படங்கள் வரிசையாக வெற்றி பெற, தமிழில் மட்டுமல்ல, தெலுங்கிலும் முன்னணி நடிகை ஆனார்.
அவர் கடும் உழைப்பாளி, காலையில் தமிழ் படம், மாலையில் தெலுங்கு படம் என்று ஓடிக்கொண்டே இருப்பார். அவரை இந்த அளவுக்கு வெற்றி பெற வைத்ததில் அவர் அம்மா சரசம்மாவுக்கும் பங்கு உண்டு. அவர் அக்கா அம்பிகா சிறந்த நடிகை என்றாலும், பாடல் காட்சிகளில் அக்காவை ராதா மிஞ்சினார் என்றே சொல்லலாம்.''என்கிறார்
Actress, Radha, Birthday, Movie, Alaigal Oyvadhillai, First Movieபட மூலாதாரம்,4KCinemas/Youtube
படக்குறிப்பு,தமிழில் நடிகையாக ராதா அறிமுகமான முதல் திரைப்படமான அலைகள் ஓய்வதில்லை.
குருநாதர் மீது அவ்வளவு மரியாதை
இயக்குனர் பாரதிராஜா படங்களில் பணியாற்றியவரும், ராதா மகள் கார்த்திகா நடித்த அன்னக்கொடி படத்தின் ஒளிப்பதிவாளருமான சாலை சகாதேவன், ''தன்னை அறிமுகப்படுத்திய பாரதிராஜா மீது இன்றும் ராதாவுக்கு அவ்வளவு பாசம், மரியாதை. அன்னக்கொடி படத்தில் பாரதிராஜா இயக்கத்தில் அவர் மகள் கார்த்திகா நடித்தபோது அவ்வளவு சந்தோஷப்பட்டார். அலைகள் ஓய்வதில்லை படத்தில் அவரை அறிமுகப்படுத்திய பாரதிராஜா, முதல்மரியாதையில் சிறந்த நடிப்பை வெளிப்படுத்தவும் காரணமாக இருந்தார். அதை பல இடங்களில் சொல்லி மகிழ்ந்து இருக்கிறார் ராதா'' என்றார்
'சினிமாவால் எல்லாம் கிடைத்தது' - நடிகை ராதா
Actress, Radha, Birthday, Movieபட மூலாதாரம்,Radhanair/Instagram
தனது பிறந்தநாள் குறித்து பிபிசி தமிழிடம் நடிகை ராதா பேசுகையில் ''நான் உதயசந்திரிகாவாக பிறந்தேன். ராதாவாக மாறியது இரண்டாவது பிறப்பது. அப்படி மாற்றியது சினிமா, அதனால்தான் இவ்வளவு புகழ், பெருமை, சந்தோஷம் எல்லாமே. அதற்கு காரணமான இயக்குனர் பாரதிராஜா, அடுத்தடுத்து எனக்கு பட வாய்ப்புகளை, நல்ல கேரக்டர்களை கொடுத்த சினிமா கலைஞர்கள் அனைவரையும் நான் எப்போதும் நன்றியுடன் நினைத்து பார்க்கிறேன். பலருக்கும் கிடைக்காத பாக்கியம், அதிர்ஷ்டம் நான் 1980களில் நடித்தது. சிவாஜிசார் தொடங்கி, என்.டி.ராமாராவ், சிரஞ்சீவி, கிருஷ்ணா, ஷோபன்பாபு, சத்யராஜ், கமல், ரஜினி, கார்த்திக், மோகன் என பலருடன் இணைந்து நடித்தேன். அவர்களின் ரசிகர்களும் என்னை விரும்பினார்கள்'' என்றார்.
தமிழில் ராதா நடித்த படங்களில் ரசிகர்களால் அதிகம் விரும்பப்பட்ட படங்கள் எவை?
Actress, Radha, Birthday, Movie, MuthalMariyadhai, SivajiGanesanபட மூலாதாரம்,Pyramid-Audio/Youtube
படக்குறிப்பு,நடிகர் சிவாஜி கணேசனுடன் ராதா நடித்த முதல் மரியாதை திரைப்படம்.
1) முதல் மரியாதை
பாரதிராஜா இயக்கிய இந்த படத்தில் ஏழை படகோட்டி பெண்ணாக குயில் என்ற கேரக்டரில் நடித்திருப்பார் ராதா. அந்த ஊர் தலைவரான, தன்னை விட வயதில் முதிர்ந்த சிவாஜியின் மீது உண்மையான காதல் கொண்டிருப்பார். அவருக்காக, அவர் குடும்பத்துக்காக தியாகம் செய்வார். தமிழ் சினிமாவில் மிக முக்கியமான படமாக இன்றும் கொண்டாடப்படுகிறது முதல்மரியாதை.
2) அலைகள் ஓய்வதில்லை
பாரதிராஜா இயக்கிய இந்த படத்தில் மேரி என்ற கிறிஸ்துவ பெண் கேரக்டரில் அறிமுகம் ஆனார். காதலுக்கு மதம் இல்லை என்று உணர்ந்தும் கதை. முதல் படம் என்றாலும் அழுத்தமான நடிப்பை ராதா தந்திருந்தார். பாடல்களும் ஹிட்.
3) அம்மன் கோயில் கிழக்காலே
தமிழ் சினிமாவின் சிறந்த கமர்ஷியல் படங்களில் ஒன்றாக பார்க்கப்படுகிறது. விஜயகாந்த் ஜோடியாக வரும் ராதாவின் சுட்டிதனம், திருமணம் ஆனவுடன் மாறுகிற அவரின் நடிப்பும் டாப். இளையராஜாவின் இசையும், ஆர்.சுந்தரராஜின் இயக்கமும் படத்தையும், ராதா கேரக்டரையும் சூப்பர் ஹிட்டாக்கின.
4) காதல் ஓவியம்
பாரதிராஜா இயக்கத்தில் புதுமுகம் கண்ணன் ஜோடியாக ராதா நடித்த படம். காதலும், இசையும், பரதநாட்டியும் படத்தின் பிரதானமான விஷயங்கள். இளையராஜாவின் இசையும், பாடல்களும் இன்றும் ராதாவை கொண்டாட வைக்கின்றன.
5) மெல்ல திறந்தது கதவு
ஆர். சுந்தர்ராஜனின் இயக்கத்தில் மோகன், அமலா நடித்த இந்த படத்தில் ராதாவுக்கு அழுத்தமான கேரக்டர். அவர் நடிப்பிலும் மிரட்டியிருப்பார். குறிப்பாக, குழலூதும் கண்ணனுக்கு பாடல் இன்றும் கச்சேரிகளில் பாடப்படுகிறது.
6) இதயகோயில்
மணிரத்னம் இயக்கத்தில் இந்த படத்தில் ராதா, குடிப்பழக்கத்துக்கு ஆளான மோகனை மீட்கும் கேரக்டரில் வருவார். இந்த படத்தில் மோகன் காதலியாக கௌரவ வேடத்தில் நடித்தவர் அவர் அக்கா அம்பிகா.
Actress, Radha, Birthday, Movie, rajathi raja, Rajinikanth, Superstarபட மூலாதாரம்,TamilMovies/Youtube
படக்குறிப்பு,ஆர்.சுந்தர்ராஜன் இயக்கிய ராஜாதி ராஜா திரைப்படத்தில் நடிகர் ரஜினிகாந்துக்கு ஜோடியாக ராதா நடித்தார்.
7) காதல் பரிசு
கமல்ஹாசன் ஜோடியாக ராதா நடித்தபடம். இதில் அவர் அக்கா அம்பிகாவும் ஒரு ஹீரோயின். அக்காவுடன் போட்டிபோட்டு நடித்து, டான்ஸ் ஆடிய படம். காதல் மகராணி, ஹே உன்னை தானே பாடலில் ரசிகர்களை கவர்ந்து இருப்பார்.
Actress, Radha, Birthday, Movie, Jappanil Kalyanaraman, Kamalhasanபட மூலாதாரம்,TamilMovieCollection/Youtube
படக்குறிப்பு,ஜப்பானில் கல்யாணராமன் திரைப்படத்தில் நடிகர் கமல்ஹாசனுடன் நடிகை ராதா.
8) ஜப்பானில் கல்யாணராமன்
எஸ்.பி.முத்துராமன் இயக்கத்தில் கமல்ஹாசன் உடன் ராதா நடித்த படம். பேய்க்கதை, காமெடி இருந்தாலும் கமல்ஹாசன் - ராதா காதல் காட்சிகள் இதமாக இருக்கும்.
9) தூங்காதே தம்பி தூங்காதே
எஸ்.பி.முத்துராமன் இயக்கத்தில் கமல்ஹாசன் நடித்த வெற்றி படம். இதில் துணிச்சலான பத்மினி என்ற கேரக்டரில் ராதா வருவார். அவர் கேரக்டரில் கதையில் திருப்பு முனையை ஏற்படுத்தும்
10) ராஜாதி ராஜா
ஆர்.சுந்தர்ராஜன் இயக்கிய இந்த படத்தில் ரஜினிக்கு ஜோடியாக கிராமத்து பெண்ணாக வருவார். தமிழில் பல படங்களில் ராதா கிராமத்து பெண்ணாக, ஹோம்லியாக நடித்தார். தெலுங்கில் நேர் எதிர். பல படங்களில் கிளாமராக நடித்தார்.
