Showing posts with label world. Show all posts
, ,

October 12, 2026

 


செளதி அரேபியாவின் தலைநகர் ரியாத்தில் உள்ள சர்வதேச விமான நிலையத்தின் மீது நடத்தப்பட்ட இரண்டாவது தாக்குதலில் ஒருவர் உயிரிழந்தார். 11 பேர் காயமடைந்தனர் என்று அதிகாரிகள் தெரிவித்துள்ளனர்.

ஞாயிற்றுக்கிழமை கிங் காலித் சர்வதேச விமான நிலையத்தின் மீது ஏவுகணை போன்ற ஒரு பொருள் விழுந்ததாக செளதி ராணுவ செய்தித் தொடர்பாளர் தெரிவித்தார். இதனால், பயணிகள் முனையங்களில் ஒன்றில் தீப்பற்றியது. இந்தத் தாக்குதலில் பாகிஸ்தானைச் சேர்ந்த ஒருவர் உயிரிழந்ததாக செளதி அரேபியாவின் சிவில் விமானப் போக்குவரத்து ஆணையம் எக்ஸ் தளத்தில் வெளியிட்ட அறிக்கையில் தெரிவித்துள்ளது.

இதற்கு முந்தைய நாளில், இதே விமான நிலையத்தின் மீது நடத்தப்பட்ட தாக்குதலில் 13 பேர் உயிரிழந்ததாகவும், 308 பேர் காயமடைந்ததாகவும் தெரிவிக்கப்பட்டது.

ரியாத்தில் உள்ள கிங் காலித் சர்வதேச விமான நிலையத்தின் மீது நடத்தப்பட்ட தாக்குதல்கள், ஏற்கெனவே பதற்றமும் மோதல்களும் நிலவும் பிராந்தியத்தில் மீண்டும் ஓர் ஆபத்தான சூழலை உருவாக்கியுள்ளன.

, ,

October 12, 2026


 

டெல்லியிலிருந்து சென்னைக்குச் சென்ற இண்டிகோ (IndiGo) விமானத்தில் பயணி ஒருவரின் பவர் பேங்க் (power bank) தீப்பிடித்ததைத் தொடர்ந்து, ஷம்ஷாபாத்தில் உள்ள ராஜீவ் காந்தி சர்வதேச விமான நிலையத்தில் அந்த விமானம் அவசரமாகத் தரையிறங்கியதாகத் தகவல்கள் தெரிவிக்கின்றன. இச்சம்பவம் 6E6115 என்ற விமானத்தில் நிகழ்ந்ததாகத் தகவல்கள் குறிப்பிடுகின்றன

, ,

October 11, 2026


ரியாத் ஏர்போர்ட் டெர்மினல் 3-ல் பயங்கர தீ! 😱 வானத்தை முட்டும் கரும்புகை! 🚨✈️ சவுதி அரேபியாவின் தலைநகர் ரியாத்தில் இருக்கும் கிங் காலித் சர்வதேச ஏர்போர்ட்டின் (King Khalid International Airport) டெர்மினல் 3 (Terminal 3) பகுதியில் இருந்து பிரம்மாண்டமான கரும்புகை மூட்டங்கள் வெளியேறும் அதிர்ச்சியூட்டும் காட்சிகள் சோஷியல் மீடியாவில் வெளியாகிப் பெரும் பரபரப்பைக் கிளப்பியுள்ளன! யேமன் அன்சாருல்லா படைகளின் தொடர் ஏவுகணை மற்றும் ட்ரோன் தாக்குதல்களைத் தொடர்ந்து, பயணிகள் முனையமான டெர்மினல் 3-க்கு அருகிலேயே இந்த அடர்ந்த புகை மண்டலம் எழுவது சர்வதேச அளவில் பெரும் பதற்றத்தை ஏற்படுத்தியுள்ளது. 💥🛑 இதனால் பல சர்வதேச விமானங்கள் உடனடியாக ரத்து செய்யப்பட்டு அல்லது மாற்றுப் பாதைகளில் திருப்பி விடப்பட்டு, விமான நிலைய செயல்பாடுகள் முற்றிலுமாக ஸ்தம்பித்துப் போயுள்ளன! பயணிகள் அலறியடித்து வெளியேறும் காட்சிகள் மிடில் ஈஸ்ட் போர்ப் பதற்றத்தின் உச்சகட்ட தீவிரத்தைக் காட்டுகின்றன! 🌍🚨 சர்வதேச ஏர்போர்ட்களை குறிவைத்து அடுத்தடுத்து நடக்கும் இந்த அதிரடித் தாக்குதல்களைப் பற்றி நீங்கள் என்ன நினைக்கிறீர்கள்? நிலைமை இன்னும் மோசமாகுமா? உங்களது கருத்தை Comments-ல் சொல்லுங்கள்! 👇

, ,

October 06, 2026

 


தமிழ்நாட்டின் செங்கல்பட்டு மாவட்டம் மதுராந்தகம் (தனி), திருப்பூர் மாவட்டம் தாராபுரம் (தனி) ஆகிய இரண்டு சட்டப்பேரவைத் தொகுதிகளுக்கான இடைத்தேர்தல் வாக்குப்பதிவு நிறைவடைந்துள்ளது. சில வாக்குச்சாவடிகளில் வாக்குப்பதிவு நேரம் நிறைவடைவதற்கு முன்பே வந்துவிட்ட வாக்காளர்களுக்கு வாக்களிக்க வாய்ப்பு அளிக்கப்பட்டது. வாக்குப்பதிவு நிறைவடைந்ததும், வாக்குப்பதிவு இயந்திரங்களை அலுவலர்கள் பாதுகாப்பாக சீல் வைத்தனர்.


மதுராந்தகத்தில் 85.99% , தாராபுரத்தில் 80.31% வாக்குகள் பதிவாகியிருந்ததாக தேர்தல் ஆணைய இணையதளத்தில் (இரவு 7.30 மணியளவில்)தெரிவிக்கப்பட்டிருந்தது.


தவெக, திமுக, அதிமுக, நாம் தமிழர் கட்சி மற்றும் இடதுசாரிகள் என முக்கிய அரசியல் கட்சிகள் களமிறங்கியுள்ளதால், இரு தொகுதிகளிலும் 5 முனைப் போட்டி நிலவுகிறது.


அக்டோபர் 9-ஆம் தேதி வாக்குகள் எண்ணப்பட உள்ளன.


இதே போல் புதுச்சேரி தட்டாஞ்சாவடியிலும் இடைத்தேர்தல் வாக்குப்பதிவு நிறைவடைந்துள்ளது. அங்கு மாலை 7.30 மணியளவில் 80.81% வாக்குகள் பதிவாகியிருந்தது.


ஷார்ட் வீடியோ

Play video, "இடைத்தேர்தலில் வாக்களித்த வேட்பாளர்கள்", கால அளவு 1,24

01:24


காணொளிக் குறிப்பு,இடைத்தேர்தலில் வாக்களித்த வேட்பாளர்கள்

தேர்தல் பணியாளர் மாற்றம்

தாராபுரம் சட்டமன்றத் தொகுதிக்கு உட்பட்ட கொழிஞ்சிவாடி பகுதியில் வாக்குச்சாவடி மையத்துக்குள் விசில் சின்னத்திற்கு வாக்களிக்க பிரசாரம் செய்ததாக வழங்கப்பட்ட புகாரின் அடிப்படையில், தேர்தல் பணியாளர் மாற்றம் செய்யப்பட்டுள்ளார்.


பிபிசி தமிழிடம் பேசிய தாராபுரம் தொகுதி தேர்தல் நடத்தும் அலுவலர் பெலிக்ஸ் ராஜா, "தேர்தல் பணியாளர்களில் ஒருவர் மீது திமுகவினர் புகார் அளித்தனர். மூதாட்டி ஒருவர் வாக்களித்த வந்த போது அவரிடம் விசில் சின்னத்தை அழுத்துமாறு கூறியதாக புகார் தெரிவித்தனர். அந்த புகாரின் அடிப்படையில் சம்பந்தப்பட்ட பணியாளரை மாற்றி, மற்றொருவர் நியமிக்கப்பட்டுள்ளார்" என்றார்.


Skip அதிகம் படிக்கப்பட்டது and continue reading

அதிகம் படிக்கப்பட்டது

மோவெம்பரின் தூதராக, பென் தனது நண்பர்களின் நலனை அவ்வப்போது கேட்டறிந்து, ஒருவருக்கொருவர் அக்கறையுடன் இருக்குமாறு ஆண்களை ஊக்குவிக்கிறார்.

'விதைப்பையில் மகன் அடித்ததால் ஒரு வாரமாக குறையாத வலி... இறுதியில் இதுவே தந்தை உயிரை காப்பாற்றியதா?'

நேஹா போரா: பாஜக ஆதரவு குடும்பத்தில் பிறந்து இளைஞர், இடதுசாரி இயக்கத்தின் முகமாக இவர் மாறியது எப்படி? 

பாஜக ஆதரவு குடும்பத்தில் பிறந்து இளைஞர், இடதுசாரி இயக்கத்தின் முகமாக மாறிய நேஹா போரா


மூதாட்டி வாக்களித்து வெளியே வந்த பிறகு, இந்த விவகாரம் குறித்து வாக்குச்சாவடி மையத்தில் திமுகவினருக்கும் தவெகவினருக்கும் இடையே வாக்குவாதம் ஏற்பட்டது. இதையடுத்து வாக்குப் பதிவு நிறுத்தப்பட்டிருந்தது. தேர்தல் அதிகாரிகளின் விளக்கத்துக்கு பிறகு வாக்குப் பதிவு மீண்டும் தொடர்ந்து நடைபெற்றது.

தாராபுரம் தொகுதி தவெக வேட்பாளர் சத்யபாமா மீது நடவடிக்கை எடுக்கக் கோரி தேர்தல் ஆணையத்திடம் திமுக புகார் அளித்துள்ளது.


சமூக வலைதளங்களில் சத்யபாமா பேசியதாக சொல்லி பகிரப்படும் வீடியோவை குறிப்பிட்டு, திமுகவின் துணை அமைப்புச் செயலாளர் ஆஸ்டின் புகார் வழங்கியிருந்தார். அந்த வீடியோ சித்தரிக்கப்பட்டது என்று சத்யபாமா செவ்வாய்கிழமை காலை தெரிவித்திருந்தார்.


"தேர்தல் பிரசாரத்துக்காக வருகை தந்த அமைச்சர்கள், கட்சி முக்கியஸ்தர்கள் தங்குவதற்கு 14 லட்சம் செலவு செய்ததாக அந்த வீடியோவில் குறிப்பிட்டிருந்தார். மக்கள் பிரதிநிதித்துவ சட்டம் 1951-ன் 77வது பிரிவின்படி ஒரு வேட்பாளர் அதிகபட்சமாக ரூ.40 லட்சம் செலவு செய்யலாம் என்று கூறுகிறது. செய்யப்படும் செலவுகளுக்கு உரிய அதிகாரிகளிடம் தினந்தோறும் கணக்கு காட்ட வேண்டும்" என்று செய்தியாளர்களிடம் பேசிய ஆஸ்டின் தெரிவித்தார்.


''வீடியோவில் குறிப்பிடப்படும் செலவுத் தொகை, சத்யபாமா சமர்ப்பித்த கணக்குடன் ஒத்துப் போகிறதா என்று சரி பார்த்து, இல்லையென்றால் அவர் மீது நடவடிக்கை எடுக்க வேண்டும்'' எனவும் அவர் கொடுத்த புகார் மனுவில் குறிப்பிடப்பட்டுள்ளது.


பகிரப்பட்ட வீடியோவில் இருப்பது சித்தரிக்கப்பட்டவை என்று தவெக வேட்பாளர் சத்யபாமா தெரிவித்தது குறித்து செய்தியாளர்கள் கேட்ட போது, "இவ்வாறான வீடியோ வெளியான பிறகு, எவரும் அதை ஒப்புக் கொள்ள மாட்டார்கள்" என்று ஆஸ்டின் பதிலளித்தார்.

தாராபுரம் தொகுதியில் வீராச்சிமங்கலம் கன்னிமார் கோவில் பகுதி வாக்குச்சாவடி அருகே தமிழக வெற்றி கழகத்தினருக்கும் , அதிமுகவினருக்கும் இடையே வாக்குவாதமும் தள்ளுமுள்ளும் ஏற்பட்டதால் அப்பகுதியில் பரபரப்பு நிலவியது.


வெளியூரில் இருந்து வாக்கு சேகரிக்க வந்தவர்கள் விதிகளை மீறி தொகுதிக்குள் இருந்ததாக எழுப்பப்பட்ட குற்றச்சாட்டு குறித்து தவெக, அதிமுக, திமுக கட்சியினருக்கு இடையே வாக்குவாதம் ஏற்பட்டது.


தாராபுரம் அதிமுக வேட்பாளர் பானுமதியின் ஆதரவாளர்கள், த.வெ.க-வினரின் வாகனங்களைச் சூழ்ந்து சோதனை செய்தனர்.


இதனைத் தொடர்ந்து தமிழக வெற்றி கழகம் மற்றும் அதிமுகவினரும் ஒருவரை ஒருவர் குற்றம்சாட்டி வாக்குவாதத்தில் ஈடுபட்டனர். இதனால் அப்பகுதியில் சிறிது நேரம் பதற்றம் நிலவியது.


மதுராந்தகம் தொகுதிக்குட்பட்ட எலப்பாக்கம் பகுதியில் உள்ள வாக்குச்சாவடி மையத்தில் பொருத்தப்பட்டுள்ள சிசிடிவி கேமரா திடீரென பழுதானதால் வாக்குப்பதிவு நிறுத்தப்பட்டுள்ளது. சிசிடிவி கேமரா பழுது பார்க்கும் பணி நடந்து வருகிறது. அதனைத் தொடர்ந்து வாக்குப் பதிவு தொடங்கும் என அதிகாரிகள் தெரிவித்தனர்.


மேலும், மதுராந்தகம் தொகுதிக்கு உட்பட்ட தண்டரைபுதுச்சேரியில் உள்ள வாக்குச் சாவடியில் குறிப்பிட்ட கட்சியின் சின்னத்தில் அடையாள மை இருந்ததாக புகார் எழுந்தது. இதனால் சிறிது நேரம் வாக்குப்பதிவு நிறுத்தப்பட்டது. அந்த இயந்திரம் மாற்றப்பட்டு புதிய இயந்திரம் வைக்கப்பட்டது. சுமார் அரைமணி நேர தாமதத்துக்கு பிறகு வாக்குப்பதிவு தொடங்கி நடைபெற்று வருகிறது.


அதே போன்று, தாராபுரம் கொட்டாப்புளிபாளையம் பகுதியில் உள்ள ஊராட்சி ஒன்றிய தொடக்கப்பள்ளியில் அமைக்கப்பட்டுள்ள 128-வது வாக்குச்சாவடியில் மின்னணு வாக்குப்பதிவு இயந்திரத்தில் ஏற்பட்ட தொழில்நுட்பக் கோளாறு காரணமாக ஒரு மணி நேரத்துக்கும் மேலாக வாக்குப்பதிவு பாதிக்கப்பட்டது.


தாராபுரம் அடுத்த குண்டடம் மானூர்பாளையத்தில் இயந்திர கோளாறு ஏற்பட்ட நிலையில் 10 நிமிடம் தாமதமாக வாக்குபதிவு தொடங்கியது.


2 தொகுதிகளிலும் ஏன் இடைத்தேர்தல்?

கடந்த சட்டப்பேரவைத் தேர்தலில் அதிமுக சார்பில் வெற்றி பெற்ற உறுப்பினர்கள் பின்னர் பதவியை ராஜிநாமா செய்ததைத் தொடர்ந்து மதுராந்தகம் மற்றும் தாராபுரம் தொகுதிகள் காலியாகின. இதையடுத்து இந்த இரண்டு தொகுதிகளுக்கும் இடைத்தேர்தல் அறிவிக்கப்பட்டது.


இந்தத் தேர்தலில் தவெக சார்பில் போட்டியிடும் வேட்பாளர்கள் முன்பு அதிமுக சார்பில் வெற்றி பெற்று ராஜிநாமா செய்தவர்கள் என்பதால், அவர்களின் அரசியல் நிலைப்பாடு இந்தத் தேர்தலின் முக்கியப் பிரசாரப் பொருளாக மாறியுள்ளது.


தவெக வேட்பாளர்கள் கட்சி மாறி மீண்டும் தேர்தலில் போட்டியிடுவதாக திமுகவும் அதிமுகவும் விமர்சித்துள்ளன. அதேவேளையில், தங்களது வேட்பாளர்களுக்கு மக்கள் ஆதரவு அளிப்பார்கள் என்று தவெக தரப்பு பிரசாரம் செய்துள்ளது.


யார் யார் போட்டி?

மதுராந்தகம் தொகுதியில் தவெக சார்பில் மரகதம் குமரவேல், திமுக சார்பில் பரந்தாமன், அதிமுக சார்பில் கணிதா சம்பத், மார்க்சிஸ்ட் கம்யூனிஸ்ட் கட்சி சார்பில் சுகந்தி, நாம் தமிழர் கட்சி சார்பில் ஜானகிராமன் ஆகியோர் வேட்பாளர்களாக உள்ளனர்.


தாராபுரம் தொகுதியில் தவெக சார்பில் சத்யபாமா, திமுக சார்பில் சுகன்யா, அதிமுக சார்பில் பானுமதி, இந்திய கம்யூனிஸ்ட் கட்சி சார்பில் லட்சுமணன், நாம் தமிழர் கட்சி சார்பில் கார்த்திகா ஆகியோர் களத்தில் உள்ளனர்.


தாராபுரத்தில் வாக்களிக்க காத்திருக்கும் மக்கள் 

தவெக வேட்பாளர்களை ஆதரித்து முதலமைச்சரும் அக்கட்சித் தலைவருமான விஜய் பிரசாரம் செய்தார். மதுராந்தகத்திலும் தாராபுரத்திலும் அவர் சாலைப் பேரணிகளிலும் பொதுக்கூட்டங்களிலும் பங்கேற்றார்.


தாராபுரத்தில் இறுதிக்கட்ட பிரசாரத்தின்போது சத்யபாமாவை ஆதரித்து விஜய் ரோட்ஷோ நடத்தினார். ஹெலிகாப்டரில் தாராபுரம் வந்த அவர், பல்வேறு பகுதிகள் வழியாக சாலைப் பேரணி மேற்கொண்டார்.


அப்போது பேசிய விஜய், தேர்தல் நேரத்தில் மட்டும் மக்களைச் சந்திக்க வருபவர் தான் அல்ல என்றும், தனது சொந்தங்களாகக் கருதும் மக்களை எப்போது வேண்டுமானாலும் சந்திப்பேன் என்றும் கூறினார்.


சத்யபாமா குறித்து திமுக தரப்பில் தெரிவிக்கப்பட்ட விமர்சனங்களுக்கும் அவர் பதிலளித்தார். பெண்களைப் பற்றி அவதூறாகப் பேசுவதை ஏற்க முடியாது என்றும், தன்னைப் பற்றி என்ன வேண்டுமானாலும் பேசலாம், ஆனால் குடும்பப் பெண்களைப் பற்றி பேசினால் அமைதியாக இருக்க மாட்டேன் என்றும் அவர் கூறினார்.


இரண்டு தொகுதிகளின் இடைத்தேர்தல் ஏன் முக்கியம்?

தமிழ்நாட்டில் தவெக ஆட்சி அமைந்துள்ள நிலையில், இந்த இரண்டு தொகுதிகளுக்கான இடைத்தேர்தல் அந்த அரசுக்கு முக்கியமான சோதனையாகப் பார்க்கப்படுகிறது.


தவெக வேட்பாளர்களை வெற்றிபெறச் செய்வதன் மூலம் அரசுக்கு மக்கள் ஆதரவு இருப்பதை நிரூபிக்க முடியும் என்று அக்கட்சியின் தரப்பு கருதுகிறது. மறுபுறம், தவெக வேட்பாளர்களை தோற்கடிப்பதன் மூலம் ஆளும் கட்சிக்கு எதிரான மனநிலையை வெளிப்படுத்த முடியும் என்று எதிர்க்கட்சிகள் பிரசாரம் செய்துள்ளன.


இரு தொகுதிகளிலும் வாக்குப்பதிவு மாலை 6 மணி வரை நடைபெறும்.


பிரசாரம் அக்டோபர் 4ஆம் தேதி மாலை 6 மணியுடன் நிறைவடைந்தது. அதன் பிறகு தேர்தல் நடத்தை விதிகளின்படி பொதுக்கூட்டங்கள், ஊர்வலங்கள் உள்ளிட்ட பிரசார நடவடிக்கைகளுக்குத் தடை விதிக்கப்பட்டுள்ளது.


மதுராந்தகம் தொகுதியில் மொத்தம் 2,13,788 வாக்காளர்கள் உள்ளனர். இவர்களில் 1,04,926 பேர் ஆண்கள், 1,08,797 பேர் பெண்கள், 65 பேர் மூன்றாம் பாலினத்தவர். வாக்களிக்க 285 வாக்குச்சாவடிகள் அமைக்கப்பட்டுள்ளன.


தாராபுரம் தொகுதியில் மொத்தம் 2,23,306 வாக்காளர்கள் உள்ளனர். இவர்களில் 1,07,285 பேர் ஆண்கள், 1,16,013 பேர் பெண்கள், 8 பேர் மூன்றாம் பாலினத்தவர். இங்கு 320 வாக்குச்சாவடிகள் அமைக்கப்பட்டுள்ளன.


காலை 7 மணி முதல் மாலை 6 மணி வரை வாக்குப்பதிவு நடைபெறுகிறது. வாக்கு எண்ணிக்கை அக்டோபர் 9ஆம் தேதி நடைபெற உள்ளது.


முதலமைச்சர் என். ரங்கசாமி, தட்டாஞ்சாவடி மற்றும் மங்கலம் ஆகிய இரு தொகுதிகளில் வெற்றி பெற்றிருந்த நிலையில், தட்டாஞ்சாவடி தொகுதி எம்எல்ஏ பதவியை ராஜிநாமா செய்ததைத் தொடர்ந்து இந்த இடைத்தேர்தல் நடைபெறுகிறது.


இந்தத் தேர்தலில் மொத்தம் 11 வேட்பாளர்கள் போட்டியிடுகின்றனர். ஆளும் என்.ஆர். காங்கிரஸ் சார்பில் அசோக் ஆனந்த், காங்கிரஸ் சார்பில் இ. விநாயகம், திமுக சார்பில் கே. சேதுசெல்வம் ஆகியோர் முக்கிய வேட்பாளர்களாக உள்ளனர். இந்திய கம்யூனிஸ்ட் கட்சி மற்றும் நாம் தமிழர் கட்சி சார்பிலும் வேட்பாளர்கள் களத்தில் உள்ளனர்.


தொகுதியில் சுமார் 27 ஆயிரம் வாக்காளர்கள் உள்ள நிலையில், 31 வாக்குச்சாவடிகள் அமைக்கப்பட்டுள்ளன.


தாராபுரம் சட்டமன்றத் தொகுதியிலிருந்து செய்தியாளர் சேவியர் செல்வகுமாரும், மதுராந்தகம் சட்டமன்றத் தொகுதியிலிருந்து செய்தியாளர் விஜயானந்த் ஆறுமுகமும் களத் தகவல்களை வழங்கி வருகின்றனர்.


, ,

October 05, 2026

 


நேற்று இரவு இங்கிலாந்து நாட்டில் 

ஒரே படகில் 120 பேர் ஏதிலிகளாக  வந்திறங்கியதால் பெரும் பரபரப்பு ஏற்பட்டது!


அவர்களை உடனடியாக திருப்பி அனுப்புமாறு போராட்டத்தில் இறங்கி விட்டனர் உள்ளூர் British மக்கள்!


France நாட்டில் Normandy பகுதியில் உள்ள Utah Beach ⛱️-ல் கிளம்பிய ஒரு

படகில் English கால்வாய் வழியாக 120 பேரை UK - Gosport துறைமுகத்தில் இறக்கி உள்ளார்கள்.


UK Police 🚓அவர்களை மீட்டு மருத்துவமனை மற்றும் Detention Centre-க்கும் அனுப்பி உள்ளது!


போராட்டக்காரர்கள் கலவரத்தில் இறங்கி விடாமலும் வந்தவர்கள் மீது தாக்குதல் நடத்தி விடாமலும் தடுக்க அந்த சாலையை முற்றிலுமாக மூடி விட்டது காவல்துறை!


இந்த ஆண்டில் இது மூன்றாவது முறை Gosport ல் ஏதிலிகள் வருவது!


இந்த ஆண்டில் மட்டும் 19,451 பேர் இதுவரை இங்கிலாந்து உள்ளே படகுகளில் ஏதிலிகளாக வந்துள்ளனர்.


~ உலகம் முழுவதும் மக்களை அகதிகளாக/ ஏதிலிகளாக இடம்பெயர முதல் காரணம் British பேரரசு தான்!


உலக நாடுகளை அடிமையாக வைத்திருந்த பிறகு அங்கிருந்து வெளியேறும் போது 

De- Colonization முழுமையாக செய்யாமல் வெளியேறியதன் காரணமாக தான் இன்று உலகம் முழுவதும் போர்கள் வெடிக்கின்றன!


இன்றும் MI6 உளவு நிறுவனம் உலகம் முழுவதும் அரசுகளை கவிழ்ப்பதும்.., தலைவர்களை Assassination செய்வதையும் தொடர்கிறது!


ஆப்பிரிக்க மக்களுக்கு எளிதாக தஞ்சம் புகும் நாடுகளாக ஐரோப்பா இருப்பது மேற்குலகம் செய்யும் குற்றங்களுக்கு குறைந்த பட்ச உடனடி தண்டனை தான் Immigration Crisis.

, ,

October 05, 2026

 


Day - 1094

🇵🇸vs🇮🇱🇺🇲


இந்த நூறு வருடங்களில் முதல் முறையாக பாரசீக வளைகுடா மற்றும்

 Gulf Of Oman -ல்


Day - 1094

🇵🇸vs🇮🇱🇺🇲


இந்த நூறு வருடங்களில் முதல் முறையாக பாரசீக வளைகுடா மற்றும்

 Gulf Of Oman -ல்


அமெரிக்க இராணுவ கப்பல்கள் நிற்காத நிலமை இந்த வாரம் நடந்துள்ளது!


கிட்டத்தட்ட ஈரானில் இருந்து 1,000 கி.மீ தாண்டி சென்று விட்டன அனைத்து USA போர் கப்பல்-களும் என்கிறது ஈரான். நடந்துள்ளது!


கிட்டத்தட்ட ஈரானில் இருந்து 1,000 கி.மீ தாண்டி சென்று விட்டன அனைத்து USA போர் கப்பல்-களும் என்கிறது ஈரான்.

, ,

October 04, 2026



பள்ளி கல்லூரிகளில் போதுமான இட வசதி இல்லை! போதுமான ஆசிரியர்கள் இல்லை! உரிய நிதி கல்விக்கு வழங்கப்படவில்லை! -உள்ளிட்ட பல கோரிக்கைகளை வலியுறுத்தி மாணவர்கள் துவங்கிய போராட்டம் கலவரமாக வெடித்துள்ளது! 5000 மாணவர்கள் கைதானதாக கூறப்படுகிறது!
, ,

October 03, 2026

 

விமானத்தை விபத்துக்கு உள்ளாக்க துணை விமானி முயன்றதாகக் குற்றம் சாட்டப்பட்டுள்ளது. துணை விமானி ஓமன் நாட்டைச் சேர்ந்தவர் என்று இஸ்ரேல் பிரதமர் பெஞ்சமின் நெதன்யாகு தெரிவித்துள்ளார்.


இருப்பினும், துணை விமானியின் குடியுரிமை குறித்து ஃப்ளைதுபை நிறுவனம் இதுவரை அதிகாரபூர்வமாக எதுவும் தெரிவிக்கவில்லை. ஆனால், சர்வதேச ஊடகங்கள் துணை விமானி குறித்துப் பல்வேறு தகவல்களை வெளியிட்டு வருகின்றன.


ஏபிசி நியூஸ் இதுகுறித்த செய்தியில், "துணை விமானி ஓமன் நாட்டைச் சேர்ந்தவர். இவர் ஓமன் ஏர் நிறுவனத்தால் பாதுகாப்பு அச்சுறுத்தலாக அடையாளம் காணப்பட்டு, விமானம் இயக்கத் தடை விதிக்கப்பட்டவர்" என்று தெரிவித்துள்ளது.



மேலும், அந்தச் செய்தி, "2024இல் ஓமன் ஏர் நிறுவனத்தில் பயிற்சி துணை விமானியாகப் பணியாற்றியபோது, ஹமாம் அல்-ஹமாமி என்ற இந்தத் துணை விமானியிடம் பயங்கரவாதப் பொருட்கள் இருப்பது கண்டறியப்பட்டதாக அதிகாரிகள் தெரிவித்தனர். இருப்பினும், அவருக்கு அந்த விமான நிறுவனத்திலேயே நிர்வாக ரீதியிலான பணியில் தொடர அனுமதி அளிக்கப்பட்டது என்று வட்டாரங்கள் தெரிவிப்பதாக" குறிப்பிடுகிறது.


இந்தச் சம்பவம் குறித்து அதிகாரிகள் விசாரணை நடத்தி வருவதாகக் கூறும் ஏபிசி செய்தி, சந்தேகத்திற்குரிய தாக்குதல் நடத்தியவர் பின்னர் எவ்வாறு ஃப்ளைதுபை நிறுவனத்தில் பறப்பதற்கான அனுமதியைப் பெற்றார் என்றும் இஸ்ரேல் செல்லும் விமானத்தின் காக்பிட்டில் முதல் அதிகாரியாக எவ்வாறு நுழைந்தார் என்பதையும் கண்டறிய முயன்று வருகின்றனர்" என்று அதிகாரபூர்வ வட்டாரங்களை மேற்கோள் காட்டி தெரிவிக்கிறது.


அதிகாரபூர்வ வட்டாரங்களின் தகவல்படி, அல் ஹமாமி வியாழக்கிழமை சௌதி அரேபியாவில் இருந்து ஐக்கிய அரபு எமிரேட்ஸுக்கு கொண்டு வரப்பட்டார். விசாரணை குறித்து அறிந்த வட்டாரங்கள் கூறுகையில், அவர் இந்தச் சம்பவம் குறித்து விசாரணை நடத்தும் அதிகாரிகளுக்கு "ஒத்துழைப்பு" அளித்து வருவதாகவும், விமானத்தை இஸ்ரேலில் மோதி விபத்துக்கு உள்ளாக்கத் திட்டமிட்டு இருந்ததாக உணர்த்தியுள்ளதாகவும் தெரிவித்தனர்.


ஃப்ளைதுபை, ஓமன் ஏர், ஓமன் தூதரகத்தின் பிரதிநிதிகளிடம் ஏபிசி நியூஸின் கருத்து கோரியபோது அவர்கள் உடனடியாகப் பதிலளிக்கவில்லை.



ஃப்ளைதுபை நிறுவனம் வெள்ளிக்கிழமை முன்னதாகத் தனது தலைமை நிர்வாக அதிகாரியை மேற்கோள்காட்டி அறிக்கை ஒன்றை வெளியிட்டிருந்தது. அதில், அதிகாரிகளின் வேண்டுகோளின் பேரில், ஃப்ளைதுபை டெல் அவிவ் நகருக்கான விமான சேவைகளை மறு அறிவிப்பு வரும் வரை தற்காலிகமாக நிறுத்தி வைத்துள்ளதாகத் தெரிவிக்கப்பட்டுள்ளது.


அந்த அறிக்கையில், "சம்பந்தப்பட்ட அதிகாரிகளின் தலைமையில், ஃப்ளைதுபையின் முழு ஒத்துழைப்புடன் அதிகாரபூர்வ விசாரணை நடைபெற்று வருகிறது. விமானத்தின் கேப்டன் சுமித் மச்சர், தாக்குதல் நடத்தியவரை எதிர்த்துப் போராடியதாலும், பல பயணிகள் அவரை அடக்கியதாலும் ஒரு பெரிய பேரழிவு தவிர்க்கப்பட்டது. தாக்குதல் நடத்தியவர் ஏற்கெனவே விமானத்தை வேகமாகக் கீழே இறக்கத் தொடங்கியிருந்தார்" என்றும் கூறப்பட்டுள்ளது.


வால்ஸ்ட்ரீட் ஜர்னல் இதைப் பற்றி வெளியிட்ட செய்தியில், "தடை விதிக்கப்பட்டிருந்த போதிலும், அந்த விமானி ஃப்ளைதுபை நிறுவனத்தால் பணியமர்த்தப்பட்டுள்ளார் எனக் கூறப்படுகிறது. ஐக்கிய அரபு எமிரேட்ஸ், இஸ்ரேல் இடையிலான முக்கியமான வழித்தடத்தில் பறக்க அவர் அனுமதிக்கப்பட்டார். விசாரணை குறித்து அறிந்த மற்றவர்கள், குற்றம் சாட்டப்பட்ட நபர் ஹமாம் அல்-ஹமாமி என்ற ஓமன் நாட்டவர் என்று தெரிவித்தனர். விமானியின் பயங்கரவாதப் போக்கு குறித்த தனது கவலைகளை ஓமன் பிற நாடுகளுடனோ அல்லது விமான நிறுவனங்களுடனோ பகிர்ந்து கொண்டதா என்பது தெரியவில்லை. அவரது பயங்காரவாதப் போக்கின் தன்மையும் அறியப்படவில்லை" என்று கூறியுள்ளது.


வால்ஸ்ட்ரீட் ஜர்னலின் செய்திப்படி, இந்தச் சம்பவத்திற்கான விசாரணையை ஐக்கிய அரபு எமிரேட்ஸ் தலைமை தாங்கி நடத்தி வருகிறது. தாக்குதல் நடத்தியவருடைய ஓமனில் இருந்த கடந்த காலப் பதிவுகள் குறித்து கருத்து தெரிவிக்க ஐக்கிய அரபு எமிரேட்ஸின் செய்தித் தொடர்பாளர் மறுத்துவிட்டார். அவ்வாறு செய்வது விசாரணையின் முடிவை முன்முடிவு செய்வதையோ அல்லது அதன் நடைமுறையில் தலையிடுவதையோ தவிர்க்கவே என்றும் அவர் விளக்கினார்.


ஃப்ளைதுபை விமானம்பட மூலாதாரம்,Getty Images

வெள்ளிக் கிழமை, ஐக்கிய அரபு எமிரேட்ஸ் அதிபரின் மூத்த ராஜாங்க ஆலோசகர் அன்வர் முகமது கர்காஷ், ஃப்ளைதுபை விமானத்தைக் கடத்த முயன்ற சம்பவத்தை முதல்முறையாக ஒரு பயங்கரவாதச் செயல் என்று விவரித்தார்.


"முதன்மை விமானியான சுமித் மச்சர் பாராட்டுக்குரியவர். கடுமையான பயங்கரவாத அச்சுறுத்தல் மற்றும் சாத்தியமான பேரழிவை எதிர்கொண்ட போதிலும், அவர் உண்மையான தைரியத்தையும் பொறுப்பையும் வெளிப்படுத்தினார்," என்று கர்காஷ் எக்ஸ் பக்கத்தில் பதிவிட்டுள்ளார்.


"நிகழ்வுகளின் எளிமைப்படுத்தப்பட்ட விளக்கங்கள் அல்லது சதிக் கோட்பாடுகளின் பரவலுக்கு அப்பால், பயங்கரவாத அச்சுறுத்தல்களைக் கையாள்வதில் விழிப்புணர்வுடனும் எச்சரிக்கையுடனும் செயல்படுவது அவசியம்," என்றும் கர்காஷ் கூறினார்.


இஸ்ரேல் பிரதமர் நெதன்யாகு, "தாக்குதல் நடத்தியவர் இஸ்லாமிய அடிப்படைவாதத்தில் ஈர்ப்பு கொண்டவர். விமானத்தில் இருந்த பயணிகளுடன் சேர்த்து அதை விபத்துக்கு உள்ளாக்கும் எண்ணத்துடன் வந்திருந்தார்" என்றார்.


விமானப் பாதுகாப்பு ஆய்வாளர்கள், இந்தச் சம்பவம் பாதுகாப்பு அமைப்பிலுள்ள ஒரு தீவிர குறைபாட்டைப் பிரதிபலிப்பதாகக் கூறியுள்ளனர். சோதனையில் ஏற்பட்ட தவறு ஓர் ஆயுதம் விமானத்தை அடைய அனுமதித்திருக்கலாம், ஆனால் தாக்குதல் நடத்தும் எண்ணம் கொண்ட ஒரு நபரை விமான நிலையத்தை அடைவதற்கு முன்பே அடையாளம் கண்டு தடுத்திருக்க வேண்டும் என்று அவர்கள் கூறினர்.


போது தெளிவாகி வருவதாக நெதன்யாகு கூறினார். தாக்குதல் நடத்தியவர் ஓமன் நாட்டவர் என்று கூறிய நெதன்யாகு, அவரது அடையாளம் தொடர்பான பிற விவரங்கள் இன்னும் தெளிவாகத் தெரியவில்லை என்றார்.


தாக்குதல் நடத்திய விமானி தனியாகச் செயல்பட்டாரா அல்லது வேறு யாருடனாவது சேர்ந்து பணியாற்றினாரா என்பது குறித்து இஸ்ரேல் விசாரித்து வருவதாகவும் அவர் தெரிவித்தார்.


வெள்ளிக்கிழமை, கேப்டன் சுமித் மச்சர் இந்திய பிரதமர் நரேந்திர மோதியிடம் பேசுகையில், துணை விமானி தன் மீது தொடர்ந்து தாக்குதல் நடத்தியபோது, தான் தரையில் படுத்தபடியே காக்பிட் கதவைத் திறந்ததாகத் தெரிவித்தார்.


"அந்த நிமிடத்தில், என் உயிரைக் காப்பாற்ற நான் போராடிக் கொண்டிருந்தேன். நான் மிகவும் பலத்த காயமடைந்ததால் கீழே விழுந்துவிட்டேன், என்னால் எழ முடியாவிட்டால் என்னவாகும் என்று யோசித்தது நினைவிருக்கிறது. அந்த நிமிடத்தில், நான் தள்ள வேண்டும் என்று மட்டுமே எனக்குத் தெரிந்திருந்தது. கதவு அங்கேயே இருந்தது. பின்னர் நான் அதைத் திறந்தேன், அனைவரும் உள்ளே வந்தார்கள்," என்று சுமித் மச்சர் கூறினார்.


விமானத்தின் கேப்டன் மற்றும் துணை விமானி வியாழக்கிழமை சௌதி அரேபியாவில் இருந்து ஐக்கிய அரபு எமிரேட்ஸுகு கொண்டு வரப்பட்டனர். விமானம் சௌதி அரேபியாவில் அவசரமாகத் தரையிறக்கப்பட்டது. தாக்குதல் நடத்திய நபரை விசாரணை செய்ய முடியும் என இஸ்ரேல் நம்புகிறது.



அமெரிக்க செய்தி நிறுவனமான சிஎன்என் வெளியிட்ட செய்தியில் புதிய தகவல் இடம்பெற்றுள்ளது. "ஃப்ளைதுபை விமானத்தில் கேப்டனை தாக்கியதாக சந்தேகிக்கப்படும் விமானி, ஓமனின் தேசிய விமான நிறுவனத்தில் அவர் வகித்த வேலையில் இருந்து நீக்கப்பட்டுள்ளார். அவரது பயங்கரவாதக் கருத்துகள் குறித்த கவலைகள் எழுந்ததைத் தொடர்ந்து இந்த நடவடிக்கை எடுக்கப்பட்டதாக இந்த விவகாரம் குறித்து அறிந்த இரண்டு வட்டாரங்கள் சிஎன்என் சேனலிடம் தெரிவித்தன."


"அதிகாரபூர்வ வட்டாரத்தின்படி, அந்த விமானி ஹமாம் அல்-ஹமாமி, ஓமன் நாட்டைச் சேர்ந்தவர். அவர் ஐக்கிய அரபு எமிரேட்ஸில் ஓர் ஓமனிய தந்தைக்கும் சிரியாவை சேர்ந்த தாய்க்கும் பிறந்தவர். அவர் தனது வாழ்வின் பல ஆண்டுகளை ஐக்கிய அரபு எமிரேட்ஸில் கழித்தார். ஓர் இஸ்ரேலிய அதிகாரியும் அல்-ஹமாமியின் அடையாளத்தை உறுதி செய்துள்ளார். சௌதி அரேபியாவின் அரசு ஊடகமும் அவரது அடையாளத்தை உறுதி செய்துள்ளது" என்று சிஎன்என் செய்தி தெரிவிக்கிறது.


மேலும் அந்தச் செய்தியில், "ஹமாம் அல்-ஹமாமி என்ற பெயரிலான லிங்கட்இன் கணக்கின்படி, அவர் ஓமன் ஏர் நிறுவனத்தில் ஏழு ஆண்டுகள் பணிபுரிந்து பிப்ரவரி 2025இல் விலகினார். பின்னர் ஜூன் 2025இல் ராயல் ஏர் மாரோக் நிறுவனத்தில் இணைந்து ஜனவரி 2026இல் விலகினார். அதில் ஃப்ளைதுபை பற்றிய குறிப்புகள் எதுவும் இல்லை" என்றுள்ளது.


அந்தச் செய்தியின்படி, புதன்கிழமை நடந்த சம்பவத்தில் தொடர்புடைய ஃப்ளைதுபை விமானிக்குச் சொந்தமானதுதான் அந்தக் கணக்கு என்பதை ஒரு வட்டாரம் உறுதிப்படுத்தியது. அந்தக் கணக்கு தற்போது நீக்கப்பட்டுள்ளது. இது தொடர்பாக மேலும் கருத்து கேட்க லிங்க்ட்இன் நிறுவனத்தை சிஎன்என் தொடர்பு கொண்டுள்ளது.


இதற்கிடையில், இந்த விவகாரத்தை அறிந்த பிராந்திய ராஜதந்திர வட்டாரம் ஒன்று சிஎன்என் சேனலிடம் பேசியபோது, சந்தேக நபர் தனது பயங்கரவாதக் கருத்துகள் காரணமாக விமானப் பயிற்சியில் இருந்து நீக்கப்பட்டு, ஓமனின் தேசிய விமான நிறுவனத்தில் வேறு பொறுப்பு வழங்கப்பட்டதாகக் கூறியது.


சிஎன்என் செய்தியின்படி, "அந்த லிங்க்ட்இன் கணக்கில் இரண்டு பதிவுகள் மட்டுமே போடப்பட்டுள்ளன, மேலும் இரண்டும் புதன்கிழமை சம்பவம் நடந்த சுமார் ஒன்பது மணிநேரத்திற்குப் பிறகு குறுகிய இடைவெளியில் வெளியிடப்பட்டுள்ளன. இந்தப் பதிவுகளை யார் வெளியிட்டார்கள் அல்லது அவை முன்கூட்டியே திட்டமிடப்பட்டு பதிவிடப்பட்டவையா என்பது தெளிவாகத் தெரியவில்லை. முதல் பதிவில் போயிங் 737 மேக்ஸ் (Boeing 737 Max) விமானத்தின் காக்பிட்டில் எடுக்கப்பட்ட பல காணொளிகள் இடம்பெற்றிருந்தன. புதன்கிழமை சம்பவத்தில் சௌதி அரேபியாவுக்கு திருப்பி விடப்பட்ட விமானம் ஃப்ளைதுபை 737 மேக்ஸ் 8 ரக விமானமாகும்."


துபை சர்வதேச விமான நிலையத்தில் இருந்து சிஎன்என் பெற்ற ஒரு காணொளியில், வீடியோ எடுத்தவர் இஸ்ரேலிய விமான நிறுவனமான எல் அல் (El Al) நிறுவனத்திற்குச் சொந்தமான விமானத்தைப் பெரிதாக்கி (zoom) காட்டுகிறார்.


"காணொளியில் உள்ள காக்பிட் திரையானது OMA624 என்ற விமான எண் மற்றும் அக்டோபர் 11, 2023 என்ற தேதியைக் காட்டியது. இந்த விமான எண் வழக்கமாக துபையில் இருந்து மஸ்கட் செல்லும் விமானங்களைக் குறிக்கிறது. இந்தத் தேதி அவர் ஓமன் ஏர் நிறுவனத்தில் பணிபுரிந்த காலகட்டத்துடன் ஒத்துப் போகிறது. காணொளியில் உள்ள பிற துணுக்குகள் மேலும் பல எல் அல் விமானங்களையும், ஆர்கியா என்ற மற்றொரு இஸ்ரேலிய விமான நிறுவனத்திற்குச் சொந்தமான விமானத்தையும் காட்டுகின்றன."



இஸ்ரேலை அங்கீகரிக்காத ஓமன் நாட்டின் குடிமகன் ஒருவர், டெல் அவிவ் செல்லும் விமானத்தில் விமானியாகப் பணியாற்ற எவ்வாறு அனுமதிக்கப்பட்டார் என்ற கேள்விகள் எழுப்பப்படுகிறது.


ஐக்கிய அரபு எமிரேட்ஸின் அதிகாரபூர்வ செய்தி நிறுவனமான WAM-இன் படி, இந்த விமானம் ஐக்கிய அரபு எமிரேட்ஸில் பதிவு செய்யப்பட்டுள்ளதால், இந்தச் சம்பவத்தை விசாரிக்க ஐக்கிய அரபு எமிரேட்ஸுக்கு அதிகாரம் உள்ளது. ஐக்கிய அரபு எமிரேட்ஸ் சட்டத்தின்படி, அதன் விமானங்களில் செய்யப்படும் குற்றங்கள், நாட்டின் எல்லைக்கு வெளியே நடந்திருந்தாலும், ஐக்கிய அரபு எமிரேட்ஸ் சட்டத்திற்கு உட்பட்டவை.


நெதன்யாகு புதன்கிழமை பிற்பகுதியில் சிஎன்என் சேனலின் ஜிம் சியூட்டோவிடம் பேசுகையில், விமானம் அவசரமாகத் திருப்பி விடப்பட்ட சௌதி அரேபியாவில் வைத்துத் தாக்குதல் நடத்தியவரிடம் விசாரணை நடத்தப்பட்டதாகத் தெரிவித்தார். இந்த விசாரணையில் இஸ்ரேலும் ஈடுபட்டுள்ளதாக அவர் கூறினார்.


"நான் ஐக்கிய அரபு எமிரேட்ஸ் அதிபர் ஷேக் முகமது பின் சயீத்திடம் பேசினேன். விசாரணையில் இஸ்ரேல் ஈடுபடும் என்பதற்கு அவர் ஒப்புக் கொண்டார்," என்று அவர் கூறினார். மேலும், "சந்தேகத்திற்குரிய ஓமனிய விமானி எவ்வாறு விமானத்தில் ஏறினார் என்று நெதன்யாகுவிடம் கேட்கப்பட்டபோது, இஸ்ரேலுடன் ராஜதந்திர உறவு இல்லாத நாடுகளைச் சேர்ந்த விமானிகள் பொதுவாக இஸ்ரேலில் பறக்க அனுமதி வழங்கப்படுவதில்லை என்று கூறினார்.


மேலும் அவர், "தெளிவாக, இங்கு விதிமுறைகளில் ஒரு குறைபாடு இருந்துள்ளது, அதை நாங்கள் பிற விஷயங்களுடன் சேர்த்துச் சரிசெய்து வருகிறோம். இதில் எமிரேட்ஸ் அரசிடம் இருந்து எங்களுக்கு முழு ஆதரவு கிடைத்து வருகிறது. இது மீண்டும் நிகழாமல் இருப்பதை உறுதி செய்யவே நாங்கள் விரும்புகிறோம்" என்றார்.


ஐக்கிய அரபு எமிரேட்ஸை போலன்றி, ஓமன் இஸ்ரேலுடன் முறைப்படி ராஜதந்திர உறவுகளை ஏற்படுத்திக் கொள்ளவில்லை.

,

September 30, 2026


 துபையில் இருந்து டெல் அவிவ் நோக்கிப் புறப்பட்ட ஃப்ளைதுபை பயணிகள் விமானம் புதன் கிழமை காலை செளதி அரேபியாவுக்கு திருப்பிவிடப்பட்டு, அங்கு அவசரமாகத் தரையிறக்கப்பட்டது.


விமானிகளுக்கு இடையே விமானத்தில் சண்டை ஏற்பட்டதாக இஸ்ரேலிய ஊடகங்கள் தெரிவித்தன. இதையடுத்து, விமானத்தில் இருந்து அவசர நிலை தகவல்கள் அனுப்பப்பட்டதால், விமானம் கடத்தப்பட்டு இருக்கலாம் என்ற அச்சமும் சிறிது நேரம் ஏற்பட்டது.


இரு விமானிகள் இடையே ஏற்பட்டதாகக் கூறப்படும் 'சண்டை'க்குப் பிறகே அவசரக்கால அலாரம் ஒலிக்கப்பட்டதாக தகவல்கள் தெரிவிக்கின்றன. இந்த விமானத்தில் பயணித்த இஸ்ரேலிய பயணி ஒருவர், விமானக் குழுவினர் உதவி கேட்டதாகவும், அதன் பிறகு பயணிகள் விமானிகளில் ஒருவரைக் கட்டுப்படுத்தி, அவரைக் கட்டிப் போட்டதாகவும் செய்தியாளர்களிடம் தெரிவித்துள்ளார்.


இஸ்ரேல் பிரதமர் பெஞ்சமின் நேதன்யாகு வெளியிட்டுள்ள அறிக்கையில், நிலைமை கட்டுக்குள் இருப்பதாகவும், சௌதி அரேபியாவில் இருந்து இஸ்ரேலிய பயணிகளை தாய்நாட்டிற்குக் கொண்டு வரும் முயற்சிகள் நடைபெற்று வருவதாகவும் தெரிவித்துள்ளார்.



பயணிகளின் நிலை என்ன?

FZ1073 என்ற விமான எண் கொண்ட அந்த விமானத்தில் சுமார் 180 இஸ்ரேலிய பயணிகள் இருந்தனர். முதலில், பொதுவான அவசர நிலையைக் குறிக்கும் 7700 என்ற ஸ்குவாக் குறியீட்டை விமானம் அனுப்பியது. பின்னர், விமானத்தில் அனுமதியற்ற தலையீடு ஏற்பட்டு இருப்பதைக் குறிக்கும் 7500 என்ற குறியீட்டுக்கு அது மாற்றப்பட்டது. அதன் பிறகு, மீண்டும் 7700 என்ற ஆரம்பக் குறியீட்டுக்கு விமானம் திரும்பியது.


இந்தச் சம்பவத்தின்போது, சாத்தியமான அவசர நிலையை எதிர்கொள்ளும் வகையில் இஸ்ரேலிய விமானப் படை தனது உஷார் நிலையை அதிகரித்ததாக ஜெருசலேம் போஸ்ட் செய்தி வெளியிட்டது.


ஃப்ளைட்ராடார்24 தரவுகளின்படி, செளதியின் வான்வெளியில் விமானம் திடீரெனத் தனது பாதையை மாற்றி, வானில் உயரத்தைக் குறைத்த சிறிது நேரத்திற்குப் பிறகு, சுமார் ஏழு நிமிடங்களுக்கு அவசர நிலை சமிக்ஞையை வெளியிட்டது.


ஃப்ளைதுபை நிறுவனம், தனது விமானம் "ஒரு சம்பவத்தை எதிர்கொண்டது" என்பதை உறுதி செய்திருப்பதுடன், "அனைத்து பயணிகளும் பாதுகாப்பாக இருப்பதாகவும், அவர்களின் இருப்பிடம் உறுதி செய்யப்பட்டு இருப்பதாகவும்" தெரிவித்துள்ளது.



ஒருவர் தோள்வலியால் அவதிப்படுவது போன்ற புகைப்படம்

மாரடைப்பு அறிகுறிகள் மார்பு தவிர்த்து உடலில் வேறு எங்கெல்லாம் தோன்றும்? அறிவது எப்படி?

சௌதியில் மரண தண்டனை விதிக்கப்பட்ட இலங்கை தமிழ் இளைஞன் - தற்போதைய நிலைமை என்ன?

சிவராசா அனோஜன்: சௌதியில் மரண தண்டனை நிறைவேற்று சிறைக்கு மாற்றப்பட்ட இலங்கைத் தமிழர் - என்ன சிக்கல்?

பெண்களின் பாலுறுப்பு அழகின் குறியீட்டில் இருந்து 'அவமானத்தின்' குறியீடாக மாறியது எப்படி?

அழகுக்கான சான்றாக விளங்கிய பெண்ணுறுப்பு 'அவமானத்தின்' குறியீடாக மாறியது எப்படி?

துபை - இஸ்ரேல் விமானத்தில் விமானிகள் இடையே நடுவானில் ஏற்பட்ட மோதல் - இதுவரை கிடைத்த மற்றும் தெளிவாகாத தகவல்கள்

துபை - இஸ்ரேல் விமானத்தில் நடுவானில் விமானிகள் மோதல் - இதுவரை கிடைத்த தகவல்கள் மற்றும் தெளிவாகாத விஷயங்கள்

End of அதிகம் படிக்கப்பட்டது

மேலும், "2026 செப்டம்பர் 30 அன்று, துபை சர்வதேச விமான நிலையத்தில் இருந்து பென் குரியன் சர்வதேச விமான நிலையம் நோக்கி இயக்கப்பட்ட FZ 1073 விமானம், பயணத்தின்போது ஒரு சம்பவத்தை எதிர்கொண்டது என்பதை ஃப்ளைதுபை உறுதிப்படுத்துகிறது" என்று அந்த அறிக்கையில் கூறப்பட்டுள்ளது.


"அந்த விமானம் தபூக் விமான நிலையத்தில் பாதுகாப்பாகத் தரையிறக்கப்பட்டுள்ளது. அனைத்து பயணிகளும் பாதுகாப்பாக உள்ளனர் மற்றும் அவர்களின் இருப்பிடம் உறுதி செய்யப்பட்டுள்ளது. எங்கள் பயணிகள் மற்றும் விமானக் குழுவினரின் பாதுகாப்பும் நலனுமே எப்போதும் எங்கள் மிக முக்கியமான முன்னுரிமை. எங்கள் குழுக்கள் தொடர்புடைய அதிகாரிகளுடன் இணைந்து செயல்பட்டு வருகின்றன. உறுதிப்படுத்தப்பட்ட விவரங்கள் கூடுதலாகக் கிடைக்கும்போது மேலும் தகவல்கள் வெளியிடப்படும்" என்று அந்த அறிக்கை தெரிவிக்கிறது.


பிரச்னையை எதிர்கொண்டு சௌதியில் தரையிறங்கிய ஃப்ளைதுபை நிறுவனத்தின் விமானத்தில் பயணித்த ஒருவரின் தாயார் யாஸ்மின்பட மூலாதாரம்,Reuters

படக்குறிப்பு,பிரச்னையை எதிர்கொண்டு சௌதியில் தரையிறங்கிய ஃப்ளைதுபை நிறுவனத்தின் விமானத்தில் பயணித்த ஒருவரின் தாயார் யாஸ்மின்

'விமானம் கட்டுப்பாட்டை இழக்கத் தொடங்கியபோது உதவி கேட்டு கத்திய விமானி'

விமானம் தரையிறங்க வேண்டியிருந்த இஸ்ரேலின் பென் குரியன் விமான நிலையத்தில் செய்தியாளர்களிடம் பேசியுள்ள யாஸ்மின் அபுகாசிஸ் வழங்கிய கூடுதல் தகவல்களை வழங்கியுள்ளார்.


துபையில் இருந்து டெல் அவிவுக்கு சென்ற அந்த விமானத்தில் பயணித்த தனது மகள், விமானி ஒருவர் உதவி கோரி கத்திக் கொண்டிருந்ததால் விமானத்தில் அலறல் சத்தங்கள் கேட்டதாகத் தன்னிடம் அலைபேசியில் தெரிவித்ததாக யாஸ்மின் கூறுகிறார்.


"விமானம் கட்டுப்பாட்டை இழக்கத் தொடங்கியது. அதனால் அனைத்து பயணிகளும் அலறினர். அவர்கள் இறந்துவிடப் போவதாக அஞ்சினர்," என்று யாஸ்மின் ஏபி செய்தி முகமையிடம் கூறியுள்ளார். மேலும், ராய்ட்டர்ஸ் செய்தி முகமையிடம் பேசிய யாஸ்மின், "வேறு இரண்டு விமானிகள் விமானத்தின் கட்டுப்பாட்டைத் தம்வசப்படுத்திய அதே நேரத்தில் மற்ற பயணிகள் கையில் கத்தி வைத்திருந்த ஒருவரை நோக்கி ஓடிச் சென்றதாகவும்" கூறினார்.


யாஸ்மின் அபுகாசிஸ், "தனது மகள் மிரியம் அந்த விமானத்தில் இருந்ததாகவும், விமானத்தில் அலறல் சத்தங்கள் கேட்டதாகவும் ராய்ட்டர்ஸிடம் தெரிவித்தார். அதோடு, கத்தி வைத்திருந்த நபர் விமானிகளில் ஒருவரை தரையில் தள்ளியதாகவும், எங்கும் ரத்தம் காணப்பட்டதாகவும் அவரது மகள் தெரிவித்ததாக" கூறினார்.


துபையில் இருந்து டெல் அவிவுக்கு சென்ற அந்த விமானத்தில் என்ன நடந்தது என்பது குறித்து இஸ்ரேலிய ஊடகங்களில் மேலும் பல தகவல்கள் வெளியாகி வருகின்றன. ஜெருசலேம் போஸ்ட் ஊடகத்திடம் பெயரைக் குறிப்பிட வேண்டாமென்ற நிபந்தனையுடன் பேசிய பயணி ஒருவர், "ஒரு விமானி, உடனிருந்த மற்றொரு விமானியால் குத்தப்பட்டார். ஆனால் விமானத்தின் முன்பகுதியில் இருந்த பயணிகள் தாக்குதலில் ஈடுபட்ட அவரை காக்பிட்டில் இருந்து வெளியேற்ற உதவினர்" எனத் தெரிவித்துள்ளார்.


மேலும், அந்த நேரத்தில் விமானத்தின் பின்புறத்தில் வேறு இரண்டு விமானிகள் இருந்ததாக அவர் குறிப்பிட்டார். "நான் அவர்களிடம் ஓடிச் சென்று விமானத்தின் கட்டுப்பாட்டைப் பெறும்படி கத்தினேன்," என்று அந்தப் பயணி ஜெருசலேம் போஸ்டிடம் தெரிவித்தார். காயமடைந்த விமானிக்கு விமானத்தில் இருந்த ஒரு பல் மருத்துவர் உயிர் காக்கும் சிகிச்சை அளித்ததாகவும் அந்தப் பயணி கூறினார்.


குறிப்பு: இந்தக் கூற்றுகளை பிபிசியால் சுயாதீனமாக உறுதிப்படுத்த முடியவில்லை.


இஸ்ரேல் சென்ற விமானம் விமானிகள் சண்டையால் திடீரென சௌதியில் தரையிறக்கம் - நிலவரம் என்ன?பட மூலாதாரம்,LightRocket via Getty Images


'ரத்தத்தில் தோய்ந்துள்ள சட்டைகள்' - நேரில் கண்ட பயணிகள்

இஸ்ரேலிய நாளிதழான இஸ்ரேல் ஹேயோமுக்கு அளித்த பேட்டியில், விமானத்தில் இருந்த ஒரு பெண் பயணி, விமானம் வேகமாக கீழிறங்கத் தொடங்கியதை உணர்ந்த தருணத்தை "மிகவும் பதற்றமான" அனுபவமாக விவரித்தார்.


"விமானிகள் கட்டுப்பாட்டை இழந்துவிட்டார்கள் என்பதை நாங்கள் புரிந்துகொண்டோம்," என்று அவர் கூறியதுடன், பயணிகளின் அச்சமூட்டும் அலறல்களையும் நினைவுகூர்ந்தார். தாக்குதலில் ஈடுபட்ட நபர் அவரிடமிருந்து இழுத்து அகற்றப்படுவதற்கு முன், ஒரு விமானி கடுமையான குத்துக் காயங்களுக்கு ஆளானதாகவும் அவர் அந்த நாளிதழிடம் கூறியுள்ளார்.


அதோடு, "இங்கே சிலரின் சட்டைகள் முழுவதும் ரத்தத்தில் தோய்ந்துள்ளன. இப்போது நாங்கள் நலமாக இருக்கிறோம்; வீட்டிற்குத் திரும்ப விரும்புகிறோம்," என்றும் தெரிவித்தார்.


குறிப்பு: இந்தக் கணக்கை பிபிசியால் சுயாதீனமாக உறுதிப்படுத்த முடியவில்லை.


'நடுவானில் விமானிகள் இடையே கைகலப்பு'

இஸ்ரேலிய தொலைக்காட்சி நிறுவனமான N12 நியூஸின் தலைமை அரசியல் ஆய்வாளர் அமித் செகல் தனது எக்ஸ் பக்கத்தில், "விமானம் நடுவானில் இருந்தபோது இரு விமானிகளுக்கும் இடையே கைகலப்பு ஏற்பட்டதாகத் தெரிகிறது. இதனால் மத்திய கிழக்கு முழுவதும் எச்சரிக்கை நிலை அதிகரிக்கப்பட்டது" என்று பதிவிட்டார்.


அவரது பதிவை மறுபதிவு செய்த இஸ்ரேலுக்கான அமெரிக்க தூதர் மைக் ஹக்கபி, "இன்று காலை நடந்த சம்பவம் மத்திய கிழக்கு முழுவதும், குறிப்பாக இஸ்ரேலில் உள்ள பொது மக்களையும் பாதுகாப்பு அமைப்புகளையும் முழு உஷார் நிலையில் வைத்துள்ளது. நிலைமை மேலும் மோசமடையாதது நல்ல விஷயம். ஆனால், விமானம் பறந்து கொண்டிருக்கும்போது விமானிகள் கைகலப்பில் ஈடுபட்டு, விமானத்தை வேறு இடத்திற்குத் திருப்ப வேண்டிய நிலை ஏற்பட்டிருப்பது நிச்சயமாக வழக்கமான சம்பவம் அல்ல" என்று தெரிவித்தார்.


சௌதியில் இருந்து இஸ்ரேலிய பயணிகளை தாய்நாடு அழைத்து வருவதற்கான முயற்சிகள் நடந்து வருவதாக இஸ்ரேல் பிரதமர் பெஞ்சமின் நெதன்யாகு தெரிவித்துள்ளார்பட மூலாதாரம்,Ryan Murphy/Getty Images

படக்குறிப்பு,சௌதியில் இருந்து இஸ்ரேலிய பயணிகளை தாய்நாடு அழைத்து வருவதற்கான முயற்சிகள் நடந்து வருவதாக இஸ்ரேல் பிரதமர் பெஞ்சமின் நெதன்யாகு தெரிவித்துள்ளார்

பெயர் வெளியிட விரும்பாத இஸ்ரேலிய அதிகாரி ஒருவர், விமானிகள் இடையே கைகலப்பு ஏற்பட்டதைத் தொடர்ந்து அவர்கள் அவசர நிலை சமிக்ஞைகளை அனுப்பியதாக ராய்ட்டர்ஸ் செய்தி முகமையிடம் தெரிவித்துள்ளார். எனினும், விமானிகளில் யாரேனும் வேண்டுமென்றே அவசர நிலை சமிக்ஞையை அனுப்பினார்களா என்பது உடனடியாகத் தெரியவில்லை.


முன்னதாக, மூன்று இஸ்ரேலிய பாதுகாப்பு அதிகாரிகள் ராய்ட்டர்ஸ் செய்தி முகமையிடம், இந்த விமானம் தொடர்பாக பிரதமர் பெஞ்சமின் நெதன்யாகு அதிகாரிகளுடன் ஆலோசனை நடத்தியதாகத் தெரிவித்தனர். "ராணுவ தலைமைத் தளபதி அயால் ஜமீரும் விமானப் படைத் தளபதி மற்றும் பிற ராணுவ அதிகாரிகளுடன் நிலைமை குறித்து ஆய்வு செய்ததாக" இஸ்ரேலிய ராணுவம் வெளியிட்ட அறிக்கையில் தெரிவிக்கப்பட்டுள்ளது.


ஃப்ளைதுபை நிறுவனம் துபையில் இருந்து டெல் அவி செல்லும் தினசரி விமானங்களை இயக்கி வருகிறது. இந்த விமானப் பாதை இஸ்ரேலியர்கள் இடையே மிகவும் பிரபலமானதாக விளங்குகிறது.


'இரு நிமிடங்களில் 17,000 அடிக்கும் மேல் கீழிறங்கிய விமானம்'

துபையில் இருந்து புறப்பட்டு இரண்டு மணிநேரத்திற்கும் மேலான நேரத்திற்குப் பிறகு, டெல் அவிவ் நோக்கிச் சென்ற இந்த விமானம் சௌதி அரேபியாவின் வான்வெளியில் மிகவும் வேகமாகத் தனது உயரத்தை இழந்ததை பிபிசி வெரிஃபை ஆய்வு செய்த ஃப்ளைட்ரேடார்24 விமானக் கண்காணிப்புத் தரவுகள் காட்டுகின்றன.


குறிப்பாக, இரண்டு நிமிடங்களுக்கும் குறைவான நேரத்தில், அது 17,000 அடிக்கும் அதிகமாகக் கீழிறங்கியது. சுமார் 10 நிமிடங்கள் கழித்து, விமானத்தில் இருந்து அவசரக் கால சிக்னல் ஒன்று அனுப்பப்பட்டது.


மேலும், சௌதி அரேபியாவின் தபூக் விமான நிலையம் நோக்கிய மீதமுள்ள பயணம் முழுவதும் விமானத்தின் உயரத்தில் குறிப்பிடத்தக்க ஏற்றத் தாழ்வுகள் தொடர்ந்ததும் இதுவரை கிடைக்கக்கூடிய தரவுகள் காட்டுகின்றன.

,

September 30, 2026

 ‘விமானம் கிடைத்து விட்டது!



விமானத்தில் இருந்த 160 Zionist-கள் இடையில் சண்டை நடந்துள்ளது!


உடனடியாக Emergency Signal


7500 - Hi Jack பட்டனை அழுத்தி உள்ளார் Pilot.


உடனடியாக அனைத்து தரப்பினரும் விமானம் கடத்தப்பட்டதாக கூறி விட்டனர்.


பின்னர் 7700 Emergency Landing யை அழுத்தி தற்போது சவூதி  Tabuk விமான நிலையத்தில் தரையிறங்கி உள்ளது!


பயணிகள் இடையிலான சண்டை தற்போது Pilot வரை பரவியுள்ளது!

,

September 30, 2026

பிரான்ஸ் அதிபர் Emmanuel Macron மீது நம்பிக்கை உள்ளதாக 18 % மக்கள் மட்டுமே ஆதரவு தெரிவித்துள்ளனர்.


Odoxa-Mascaret - என்ற நிறுவனம் எடுத்த மாதாந்திர சர்வேயில் கடந்த மாதத்தை விட 7% இவரின் மீதான நம்பிக்கை மக்களிடையே குறைந்துள்ளது தெரிய வந்துள்ளது!

,

September 27, 2026


 தென்னாபிரிக்காவின் தென்கிழக்கு பிராந்தியத்தில் உள்ள கிராமப்புற நகரமொன்றில் இன்று காலை இடம்பெற்ற துப்பாக்கிச்சூட்டில் உயிரிழந்தவர்களின் எண்ணிக்கை 27 ஆக உயர்ந்துள்ளதாக பொலிஸார் தெரிவித்துள்ளனர்.


முதலாவது சம்பவம் இரவு சுமார் 9.30 மணியளவில் மதுபான விடுதியொன்றில் இடம்பெற்றுள்ளது. அங்கு நுழைந்த ஆயுததாரிகள் வாடிக்கையாளர்கள் மீது துப்பாக்கிச்சூடு நடத்தியதில் 13 ஆண்கள் மற்றும் நான்கு பெண்கள் உட்பட 17 பேர் உயிரிழந்துள்ளனர்.


துப்பாக்கிதாரிகள் AK-47 ரக துப்பாக்கிகள் மற்றும் கைத்துப்பாக்கிகளைப் பயன்படுத்தியதாகவும், சில வாடிக்கையாளர்களின் கையடக்கத் தொலைபேசிகளைப் பறித்துக்கொண்டு இரண்டு வாகனங்களில் தப்பிச் சென்றதாகவும் தெரிவிக்கப்பட்டுள்ளது. சம்பவத்தின்போது இரண்டு வாகனங்களும் தீவைத்து எரிக்கப்பட்டுள்ளன.


மற்றொரு சம்பவம் கேப் டவுன் நகருக்கு அருகிலுள்ள லுவாண்ட்லே பகுதியில் இன்று அதிகாலை இடம்பெற்றுள்ளது. அங்குள்ள உணவகப் பகுதியில் நுழைந்த ஆயுததாரிகள் வாடிக்கையாளர்கள் மீது துப்பாக்கிச்சூடு நடத்தியதில் 10 பேர் உயிரிழந்ததுடன், மேலும் 11 பேர் காயமடைந்துள்ளனர்.


இரு சம்பவங்கள் தொடர்பிலும் தென்னாப்பிரிக்க பொலிஸார் விசாரணைகளை முன்னெடுத்து வருகின்றனர். 


இதுவரை சந்தேகநபர்கள் எவரும் கைது செய்யப்படவில்லையென்பதும் குறிப்பிடத்தக்கது.


,

September 27, 2026

 


அமெரிக்கா மற்றும் இஸ்ரேலியப் படைகள் நடத்திய வான்வழித் தாக்குதலில், டெஹ்ரானில் உள்ள வைத்தியசாலை இடிபாடுகளுக்குள் இருந்து ஈரானின் உயர் தலைவர் மொஜ்தபா கொமெய்னி பாதுகாப்பாக மீட்கப்பட்டதாகத் தகவல்கள் வெளியாகியுள்ளன.


ஈரானின் நிபுணர்கள் குழுவைச் சேர்ந்த முக்கிய நிர்வாகியான மொஹ்சென் ஹைதாரி (Mohsen Heydari), தொலைக்காட்சி ஒன்றிற்கு அளித்த நேர்காணலில் இத்தகவலை உறுதிப்படுத்தியுள்ளார்.


முன்னதாக நடைபெற்ற கூட்டுத் தாக்குதலில் காயமடைந்த மொஜ்தபா கொமெய்னி, சிகிச்சைக்காக டெஹ்ரானில் உள்ள வைத்தியசாலை ஒன்றில் அனுமதிக்கப்பட்டிருந்தார். 


இந்நிலையில், அந்த வைத்தியசாலை வளாகத்தையும் இலக்கு வைத்து குண்டுவீச்சு நடத்தப்பட்டதில் கட்டடம் பலத்த சேதமடைந்தது. தீவிர மீட்புப் பணிகளுக்குப் பிறகு, இடிபாடுகளுக்குள் சிக்கியிருந்த அவர் உயிருடன் மீட்கப்பட்டார்.


மீட்கப்பட்ட மொஜ்தபா கொமெய்னி தற்போது இரகசியமான, அதிபாதுகாப்பு நிறைந்த இடத்திற்கு மாற்றப்பட்டுள்ளதாகவும், அங்கிருந்தபடியே நாட்டின் முக்கிய நிர்வாக நடவடிக்கைகளை வழிநடத்தி வருவதாகவும் ஈரானிய தரப்பு தெரிவிக்கின்றது.


அவர் ஆரோக்கியமாக இருப்பதாக அரசுத் தரப்பில் கூறப்பட்ட போதிலும், இத்தாக்குதலுக்குப் பிறகு அவர் நேரடியாக பொதுமக்கள் முன் தோன்றவில்லை என்பது குறிப்பிடத்தக்கது.

, ,

September 27, 2026

 


கொங்கோ மக்களாட்சிக் குடியரசின் (DR Congo) கிழக்குப் பகுதியில் அமைந்துள்ள கிவு ஏரியில் 50-க்கும் மேற்பட்ட பயணிகளுடன் சென்ற படகு ஒன்று எதிர்பாராதவிதமாக கவிழ்ந்து விபத்துக்குள்ளானது. 


தெற்கு கிவு மாகாணத்தில் உள்ள இட்ஜ்வி (Idjwi) தீவுப் பகுதியில் நேற்று இரவு இச்சம்பவம் நிகழ்ந்துள்ளது. இந்த விபத்தில் 12 பேர் உயிரிழந்தது உறுதி செய்யப்பட்டுள்ளதுடன், பலர் ஏரி நீரில் மூழ்கி மாயமாகியுள்ளனர்.


விபத்து குறித்து தகவலறிந்த உள்ளூர் மீட்புக் குழுவினரும் மீனவர்களும் உடனடியாக தேடுதல் பணியில் ஈடுபட்டனர். இதுவரை 15-க்கும் மேற்பட்ட பயணிகள் பாதுகாப்பாக மீட்கப்பட்டு வைத்தியசாலையில் அனுமதிக்கப்பட்டுள்ளனர். 


இருப்பினும், ஏரியின் ஆழமான பகுதி மற்றும் இரவு நேரம் காரணமாக தேடுதல் பணியில் சவால்கள் நீடித்த போதிலும், மாயமானவர்களை மீட்கும் பணிகள் தொடர்ந்து தீவிரமாக நடைபெற்று வருகின்றன. இதனால் பலி எண்ணிக்கை மேலும் உயரக்கூடும் என அஞ்சப்படுகிறது.


கொங்கோவில் ஏரி மற்றும் நதிகளிலேயே பெரும்பாலான போக்குவரத்து நடைபெற்று வரும் நிலையில், போதிய பராமரிப்பின்மை, அளவுக்கு அதிகமான பயணிகளை ஏற்றுவது மற்றும் மோசமான வானிலை காரணமாக இது போன்ற படகு விபத்துகள் அடிக்கடி நிகழ்கின்றன. 


இப்போதைய விபத்துக்கான துல்லியமான காரணம் குறித்து அரசு அதிகாரிகளும் உள்ளூர் பொலிஸாரும் விசாரணை மேற்கொண்டு வருகின்றனர்.


,

September 24, 2026

 


அமெரிக்காவுடன் இதுவரை நேரடி பேச்சு வார்த்தையை மறுத்து வந்த ஈரான் தற்போது நேரடி பேச்சுவார்த்தைக்கு தயார் என்று அறிவித்துள்ளது. 


மேலும் போர்ப் பதற்றத்தை தணிக்கவும், போரை முடிவுக்குக் கொண்டுவரவும் விருப்பம் தெரிவித்துள்ளது.


இதன் காரணமாக போர் விரைவில் முடிவுக்கு வரும் என்ற நம்பிக்கையில் மசகு எண்ணெய் விலை சர்வதேச சந்தையில் இரண்டே நாளில் ஒரு சதவீதம் வரை குறைந்துள்ளது.


மேலும் இந்த விலை குறைவு மேலும் சில நாட்களுக்கு தொடரும் என்றும் எதிர்பார்க்கப்படுகிறது.


இதேவேளை, அமெரிக்காவின் மசகு எண்ணெய் இருப்பு கடந்த வாரம் 3 மில்லியன் பீப்பாய்கள் அதிகரித்து 426.4 மில்லியன் பீப்பாய்களாக உயர்ந்துள்ளதாக அமெரிக்க அரசு அறிக்கை வெளியிட்டது. 


இதுவும் சர்வதேச சந்தையில் மசகு எண்ணெய் விலை குறைய ஒரு முக்கியக் காரணம் என்று கூறப்படுகிறது. 

Subscribe to: Posts (Atom)

இணையவழி,குறுந்தகவல் மூலமாக, பொருட்களைச்,சந்தைப்படுத்துங்கள்! On WEB-ceylon24.com On Twitter @ceylon24 Tel:0777 761 477, 0759 761 477

Powered by Blogger.