#மூதூர்_கிண்ணியா_பிரதேச_வாகனங்கள்_விபத்து
=========
இன்று(10) அதிகாலை 4:30 மணி அளவில் புடவைக்கட்டு பாலத்துக்கு அருகில் புல்மோட்டையில் இருந்து கருவாட்டு மீன் ஏற்றி வந்த கிண்ணியா மற்றும் மூதூர் வாகனங்கள் மோதி விபத்துக்குள்ளகியுள்ளது.
சம்பவம் தொடர்பாக பொலீசார் மேலதிக நடவடிக்கைகளை முன்னெடுத்து வருகின்றனர்.
.jpeg)
பாறுக் ஷிஹான்
பாண்டிருப்பு – 02, கிருஷ்ணா வீதியைச் சேர்ந்த ஆறுமுகம் கிருபாகரன் என்பவரே இவ்வாறு சடலமாக மீட்கப்பட்டுள்ளார்.
குறித்த நபர் இன்று பிற்பகல் 4.40 மணியளவில் பாண்டிருப்பு – 02 விஷ்ணு கோவிலுக்கு அருகிலுள்ள கடற்கரைப் பகுதிக்குக் குளிப்பதற்காகச் சென்றுள்ளார். இதன்போது எதிர்பாராத விதமாக நீரில் மூழ்கி அடித்துச் செல்லப்பட்டுள்ளார்.
இதனையடுத்து மேற்கொள்ளப்பட்ட தேடுதலின்போது, மாலை 5.20 மணியளவில் மருதமுனை கடற்கரைப் பகுதியில் அவரது சடலம் கரையொதுங்கிய நிலையில் மீட்கப்பட்டுள்ளது.
குறித்த நபர் அதிகளவு மதுபோதையில் கடலில் குளிக்கச் சென்றதாகவும், இதனால் நீரில் மூழ்கி உயிரிழந்திருக்கலாம் எனவும் பொலிஸாரின் ஆரம்பகட்ட விசாரணைகளில் தெரியவந்துள்ளது.
இச்சம்பவம் தொடர்பான மேலதிக விசாரணைகளைப் பெரியநீலாவணைப் பொலிஸார் மேற்கொண்டு வருகின்றனர்.
(பாறுக் ஷிஹான்)
சிறிய முட்டை... பெரிய நன்மைகள்! தம்பிலுவிலில் 25 கர்ப்பிணித் தாய்மார்களுக்கு இலவசமாக முட்டைகள் வழங்கி வைப்பு!
(ஜே.கே.யதுர்ஷன் )
உலக முட்டை தினத்தை முன்னிட்டு, கர்ப்பிணித் தாய்மார்களின் போசாக்கு நிலையை மேம்படுத்தும் நோக்கில், திருக்கோவில் பிரதேசத்தைச் சேர்ந்த 25 கர்ப்பிணித் தாய்மார்களுக்கு தலா 25 முட்டைகள் அடங்கிய பொதிகள் இலவசமாக வழங்கி வைக்கப்பட்டன.
கிழக்கு மாகாண கால்நடை உற்பத்தி மற்றும் சுகாதாரத் திணைக்களம் மற்றும் திருக்கோவில் அரச கால்நடை வைத்திய அலுவலகம் ஆகியவற்றின் ஏற்பாட்டில், இவ்விசேட நிகழ்வு இன்று (09.10.2026) ஆம் திகதி காலை தம்பிலுவில் 01, கிழக்கு கிளீனிக் சென்டரில் நடைபெற்றது.
திருக்கோவில் அரச கால்நடை வைத்திய அதிகாரி டாக்டர் U. கதீஸ்வரன் தலைமையில் நடைபெற்ற இந்நிகழ்வு, “சிறிய முட்டை... பெரிய நன்மைகள் – ஆரோக்கியமான நாளைக்காக முட்டைகளை உட்கொள்வோம்!” என்ற தொனிப்பொருளில் முன்னெடுக்கப்பட்டது.
இதன்போது, அன்றாட உணவில் முட்டைகளைச் சேர்த்துக்கொள்வதால் கிடைக்கக்கூடிய உயர்தரப் புரதச்சத்து மற்றும் ஏனைய போசாக்கு நன்மைகள் தொடர்பில் கர்ப்பிணித் தாய்மார்களுக்கு விழிப்புணர்வு ஏற்படுத்தப்பட்டது.
குறிப்பாக, கருவின் மூளை மற்றும் உடல் வளர்ச்சிக்கு உதவுதல், கண் ஆரோக்கியத்தைப் பேணுதல், நோய் எதிர்ப்புச் சக்தியை ஆதரித்தல் மற்றும் எலும்புகளின் ஆரோக்கியத்தைப் பேணுதல் உள்ளிட்ட முட்டை உணவின் முக்கியத்துவம் குறித்து அதிகாரிகளால் விளக்கமளிக்கப்பட்டது.
இதனைத் தொடர்ந்து, திருக்கோவில் பிரதேசத்தைச் சேர்ந்த 25 கர்ப்பிணித் தாய்மார்களுக்கு தலா 25 முட்டைகள் அடங்கிய பொதிகள் இலவசமாக வழங்கி வைக்கப்பட்டன.
இந்நிகழ்வில் திருக்கோவில் அரச கால்நடை வைத்திய அலுவலகத்தின் வைத்திய அதிகாரி மற்றும் உத்தியோகத்தர்கள், திருக்கோவில் பொதுச் சுகாதார வைத்திய அதிகாரி அலுவலகத்தின் பொதுச் சுகாதாரப் பரிசோதகர்கள் உள்ளிட்ட பலரும் கலந்துகொண்டனர்.
கர்ப்பிணித் தாய்மார்களின் போசாக்கு தொடர்பான விழிப்புணர்வை மேம்படுத்தி, தாய்மார்களின் ஆரோக்கியத்தையும் எதிர்காலச் சந்ததியினரின் நலனையும் பாதுகாக்கும் நோக்கில் இந்நிகழ்வு முன்னெடுக்கப்பட்டமை குறிப்பிடத்தக்கது.
(ஜே.கே.யதுர்ஷன் )
.jpeg)
%20(1).jpg)
அம்பாறை மாவட்டம், நாவிதன்வெளி மற்றும் அதனை அண்டிய நற்பிட்டிமுனை, கிட்டங்கி ஆகிய பகுதிகளில் காட்டு யானைகளின் ஊடுருவல் நாளுக்கு நாள் அதிகரித்து வருவதனால் பொதுமக்களின் இயல்பு வாழ்க்கை கடுமையாகப் பாதிக்கப்பட்டுள்ளதுடன், இதற்குரிய நிரந்தரத் தீர்வை உடனடியாக வழங்குமாறு அப்பகுதி மக்கள் கோரிக்கை விடுத்துள்ளனர்.
நூருல் ஹுதா உமர்
பாடசாலை முடிந்து மற்றுமொரு ஆசிரியரின் மோட்டார் சைக்கிளில் பின்னால் அமர்ந்து மட்டக்களப்பு நோக்கிப் பயணித்துக்கொண்டிருந்தபோது, திமிலைதீவு எரிபொருள் நிரப்பு நிலையத்திற்கு அருகில் இந்த விபத்து இடம்பெற்றுள்ளது.
மட்டக்களப்பு நோக்கி மண் ஏற்றிச் சென்ற டிப்பர் வாகனத்தின் சக்கரத்தில் சிக்கி ஆசிரியர் சம்பவ இடத்திலேயே உயிரிழந்துள்ளார். மோட்டார் சைக்கிளை செலுத்திய ஆசிரியர் சிறு காயங்களுடன் உயிர் தப்பியுள்ளார்.
ஆசிரியர் தினமான இன்று இந்தச் சம்பவம் இடம்பெற்றுள்ளமை அப்பகுதி மக்கள் மத்தியில் பெரும் சோகத்தை ஏற்படுத்தியுள்ளது.
சம்பவம் தொடர்பில் மட்டக்களப்பு போக்குவரத்து பொலிஸார் விசாரணைகளை முன்னெடுத்து வருகின்றனர்.
விபத்துக்குப் பின்னர் டிப்பர் வாகன சாரதி அங்கிருந்து விலகிச் சென்றுள்ளதாக தெரிவிக்கப்படுகின்றது.
உயிரிழந்த ஆசிரியரின் சடலம் பிரேத பரிசோதனைக்காக மட்டக்களப்பு போதனா வைத்தியசாலைக்கு கொண்டு செல்லப்பட்டுள்ளது.
(வி.ரி. சகாதேவராஜா)
ஆலையடிவேம்பு நிருபர்
“ஹரீஸின் குரலை நசுக்க முடியாது; சமூக நீதிக்கான போராட்டம் தொடரும்” : கல்முனையில் சமூக செயற்பாட்டாளர்கள் அதிரடி குரல் – ஆறு பேருக்கும் நியாயமான தீர்வு கோரிக்கை
எம்.வை.அமீர், நூருல் ஹுதா உமர்
கல்முனை ஆதார வைத்தியசாலையில் முஸ்லிம் தாதிய உதவியாளர்களின் ஆடை தொடர்பாக எழுந்துள்ள சர்ச்சை குறித்து கருத்துத் தெரிவித்ததாகக் கூறப்படும் ஆறு பேருக்கு எதிராக மேற்கொள்ளப்பட்டுள்ளதாகத் தெரிவிக்கப்படும் சட்ட நடவடிக்கைகள் தொடர்பில் நீதி கோரி, கல்முனையில் சிவில் சமூகப் பிரதிநிதிகள், சமூக செயற்பாட்டாளர்கள், முன்னாள் உள்ளூராட்சி உறுப்பினர்கள், சட்டத்தரணிகள், வர்த்தகர்கள், மீனவர் அமைப்புகளின் பிரதிநிதிகள் உள்ளிட்ட பல்வேறு தரப்பினர் கூட்டாகக் குரல் எழுப்பியுள்ளனர்.
“எமக்கான சமூக நீதி எழட்டும்” என்ற தொனிப்பொருளில் நடைபெற்ற இந்த ஊடகவியலாளர் சந்திப்பு இன்று (04) கல்முனை மயோன் வரவேற்பு மண்டபத்தில் இடம்பெற்றது.
கல்முனை மாநகர சபையின் முன்னாள் பிரதி முதல்வர் ஏ.ஏ. பஷீர், கல்முனை மாநகர சபையின் முன்னாள் உறுப்பினர்களான சட்டத்தரணி ஏ.எல்.எம். றிபாஸ், ஏ.ஆர். அமீர், ஏ. கலீலுர்ரஹ்மான், யூ.எல். தௌபீக், எம்.எம். முஸ்தபா, பி.டி. ஜமால் உள்ளிட்ட முன்னாள் உள்ளூராட்சி பிரதிநிதிகள், சமூக அமைப்புகளின் பிரதிநிதிகள், உலமாக்கள், சட்டத்தரணிகள் மற்றும் கல்முனை பிராந்தியத்தைச் சேர்ந்த பல்வேறு துறைகளின் பிரதிநிதிகள் இதில் கலந்து கொண்டனர்.
ஊடகவியலாளர் சந்திப்பில் கருத்துத் தெரிவித்தவர்கள், முஸ்லிம் சமூகத்துக்கு அவ்வப்போது ஏற்படும் பிரச்சினைகள் தொடர்பில் குரல் எழுப்பும் சமூக செயற்பாட்டாளர்களின் குரல் சட்ட நடவடிக்கைகள் மூலம் நசுக்கப்படக் கூடாது என வலியுறுத்தினர்.
கல்முனை ஆதார வைத்தியசாலையில் முஸ்லிம் பெண்கள் தாதிய உதவியாளர்களின் ஆடை தொடர்பாக எழுந்துள்ள பிரச்சினை ஒரு நிர்வாக விடயமாக மாத்திரம் பார்க்கப்படக் கூடாது என்றும், அது முஸ்லிம் பெண்களின் கலாசார மற்றும் வாழ்வியல் அடையாளங்களுடன் தொடர்புடைய விடயமாகவும் அணுகப்பட வேண்டும் என்றும் அவர்கள் தெரிவித்தனர்.
இந்த விவகாரம் தொடர்பில் முன்னாள் இராஜாங்க அமைச்சர் எச்.எம்.எம். ஹரீஸ் அதிகாரிகளுடன் பேச்சுவார்த்தைகளை மேற்கொண்டதுடன், அரசின் முக்கிய அமைச்சரொருவரைச் சந்தித்து தற்காலிகத் தீர்வொன்றை பெற்றுக்கொள்வதற்கும் முயற்சிகளை மேற்கொண்டதாகவும் ஊடகவியலாளர் சந்திப்பில் தெரிவிக்கப்பட்டது.
சமூகப் பிரச்சினைகள் எழும் ஒவ்வொரு சந்தர்ப்பத்திலும் அரசியல் கட்சிகளின் எல்லைகளைக் கடந்து புத்திஜீவிகள், இளைஞர்கள், சட்டத்தரணிகள் மற்றும் சிவில் சமூகப் பிரதிநிதிகள் முன்வந்து சமூக உரிமைகளுக்காகக் குரல் கொடுக்க வேண்டும் என்றும் வலியுறுத்தப்பட்டது.
ஊடகவியலாளர்களின் கேள்விகளுக்கு பதிலளித்த பிரதிநிதிகள், முன்னாள் இராஜாங்க அமைச்சர் எச்.எம்.எம். ஹரீஸ் தொடர்பில் பல்வேறு அரசியல் கருத்துக்கள் முன்வைக்கப்பட்டு வருவதாகக் குறிப்பிட்டனர். ஹரீஸ் தற்போது எந்த அரசியல் நிலைப்பாட்டில் இருந்தாலும், அவர் கல்முனை மற்றும் சிறுபான்மை மக்களின் பிரச்சினைகள் தொடர்பில் குரல் கொடுத்த காலப்பகுதியை தனிப்பட்ட அரசியல் போட்டிகளின் அடிப்படையில் மாத்திரம் மதிப்பிட முடியாது என்றும் அவர்கள் தெரிவித்தனர்.
ஹரீஸ் அரசியல் அதிகாரத்தில் இல்லாத நிலையிலும் சமூகப் பிரச்சினைகள் தொடர்பில் தொடர்ந்து குரல் கொடுத்து வருவதாகவும், அவருக்கு எதிராக முன்னெடுக்கப்படும் அரசியல் நடவடிக்கைகள் கல்முனை மக்களுக்கும் முஸ்லிம் சமூகத்துக்கும் இழைக்கப்படும் அநீதியாக தாம் கருதுவதாகவும் சிலர் கருத்து தெரிவித்தனர்.
கல்முனை ஆதார வைத்தியசாலை ஆடை விவகாரம் தொடர்பில் பொதுவெளியில் கருத்துத் தெரிவித்தவர்களுக்கு எதிராக சட்ட ரீதியான சவால்கள் ஏற்பட்டுள்ளதாகவும், இவ்விடயம் அரசியல்வாதிகளால் மட்டுமே கையாளப்பட வேண்டியதல்ல என்றும் அவர்கள் சுட்டிக்காட்டினர்.
இரு சமூகங்களையும் சேர்ந்த சிவில் அமைப்புகள், சட்டத்தரணிகள் மற்றும் சமூக செயற்பாட்டாளர்கள் ஒன்றிணைந்து இந்த விடயங்களுக்கு சட்ட ரீதியானதும் ஜனநாயக ரீதியானதுமான தீர்வுகளை பெற்றுக்கொள்ள நடவடிக்கை எடுக்க வேண்டும் என்றும் கோரிக்கை விடுக்கப்பட்டது.
இதேவேளை, சிவராசா அனோஜன் விவகாரம் மற்றும் கல்முனை ஆதார வைத்தியசாலை ஆடை விவகாரம் ஆகிய இரு பிரச்சினைகளும் அரசியல் நோக்கங்களுக்காக பயன்படுத்தப்படுகின்றன என்ற கருத்துக்கள் சமூகத்தில் நிலவி வருவதாகவும் ஊடகவியலாளர் சந்திப்பில் சுட்டிக்காட்டப்பட்டது.
எனவே, அரசியல்வாதிகளை ஒரு புறம் வைத்து, இரு சமூகங்களையும் சேர்ந்த சிவில் அமைப்புகள் ஒன்றிணைந்து இவ்வாறான பிரச்சினைகளுக்கு தீர்வு காண முன்வர வேண்டும் என்றும் அவர்கள் கேட்டுக்கொண்டனர்.
கடந்த காலங்களுடன் ஒப்பிடுகையில் தற்போதைய அரசியல் சூழல் பெரிதும் மாறியுள்ளதாகவும், இளைஞர்கள் இந்த மாற்றங்களையும் நுண்ணரசியல் நகர்வுகளையும் புரிந்துகொண்டு செயற்பட வேண்டியது அவசியம் என்றும் வலியுறுத்தப்பட்டது.
சமூக உரிமைகள் தொடர்பில் செயற்படும் முற்போக்கு சக்திகள், சட்டத்தரணிகள் மற்றும் சிவில் அமைப்புகள் ஒன்றிணைந்து செயற்பட வேண்டிய காலகட்டம் இதுவெனவும் அவர்கள் தெரிவித்தனர்.
முஸ்லிம் மக்களின் அரசியல் வரலாற்றில் கல்முனைக்கு முக்கிய இடம் இருப்பதாகக் குறிப்பிட்ட பிரதிநிதிகள், முஸ்லிம் சமூகத்தின் அரசியல் அபிலாஷைகள் மற்றும் உரிமைகளைப் பாதுகாப்பதற்காக உருவாக்கப்பட்ட அரசியல் இயக்கங்களின் தற்போதைய செயற்பாடுகள் தொடர்பிலும் கவலை வெளியிட்டனர்.
முஸ்லிம் சமூகத்தை பிரதிநிதித்துவப்படுத்தும் அரசியல் கட்சிகள் ஆட்சியில் பங்கேற்பதற்கும் அமைச்சுப் பதவிகளைப் பெறுவதற்கும் அப்பால், சமூகத்தின் அடிப்படைப் பிரச்சினைகளில் வலுவான நிலைப்பாடுகளை எடுக்க வேண்டும் என்றும் அவர்கள் வலியுறுத்தினர்.
சமூக செயற்பாட்டாளர்களுக்கு எதிராக சட்ட நடவடிக்கைகள் மேற்கொள்ளப்படுவதாகத் தெரிவிக்கப்படும் நிலையில், அரசியல் கட்சிகளும் சிவில் சமூகமும் உரிய முறையில் பதிலளிக்க வேண்டும் என்றும் கேட்டுக்கொண்டனர்.
கல்முனை தொடர்பான சட்டப் போராட்டங்களுக்கும் முஸ்லிம் தரப்பில் உரிய ஆதரவு வழங்கப்பட வேண்டும் என்றும், பிராந்திய அரசியல் பிரமுகர்கள், பொது அமைப்புகள் மற்றும் தனவந்தர்கள் அனைவரும் ஒன்றிணைந்து இப்பிரச்சினைகளை எதிர்கொள்ள வேண்டும் என்றும் கோரிக்கை முன்வைக்கப்பட்டது.
அம்பாறை மாவட்ட ஆழ்கடல் மீனவர் கூட்டுறவு சங்கத் தலைவர் நஸீர், மீனவர் சமூகத்தின் சார்பில் கருத்துத் தெரிவிக்கையில், முஸ்லிம் சமூகத்துக்கு எதிராக பல்வேறு பிரச்சினைகள் தொடர்ச்சியாக உருவாகி வருவதாகக் குறிப்பிட்டார். கல்முனை ஆதார வைத்தியசாலையில் முஸ்லிம் தாதிய உதவியாளர்களின் ஆடை தொடர்பில் ஏற்பட்ட பிரச்சினையிலும் பல்வேறு அரசியல் மற்றும் சமூக செயற்பாட்டாளர்கள் குரல் கொடுத்ததாக அவர் தெரிவித்தார்.
முன்னாள் இராஜாங்க அமைச்சர் எச்.எம்.எம். ஹரீஸ், கல்முனை மட்டுமன்றி அம்பாறை மாவட்டம் மற்றும் கிழக்கு மாகாணத்தின் பல்வேறு பகுதிகளில் முஸ்லிம்களுக்கு பிரச்சினைகள் ஏற்பட்ட சந்தர்ப்பங்களில் களத்தில் நின்று செயற்பட்டதாக நஸீர் குறிப்பிட்டார். இந்தப் பின்னணியில், கல்முனை ஆதார வைத்தியசாலை ஆடை விவகாரத்திலும் சமூகத்தின் சார்பில் ஹரீஸ் மேற்கொண்டு வரும் நடவடிக்கைகளுக்கு ஆதரவு வழங்க வேண்டும் என அவர் கேட்டுக்கொண்டார்.
கல்முனை ஆதார வைத்தியசாலை தாதிய உதவியாளர்களின் ஆடை விவகாரம் தொடர்பில் கருத்துத் தெரிவித்ததாகக் கூறப்படும் ஆறு பேருக்கு எதிராக சட்ட நடவடிக்கை எடுக்கப்பட்டுள்ளதாகத் தாம் அறிந்திருப்பதாகவும், அவர்களுக்கு நியாயமான தீர்வைப் பெற்றுக்கொடுப்பதற்கு முஸ்லிம் அரசியல் கட்சிகளின் தலைமைகள், சட்டத்தரணிகள் மற்றும் சமூகப் பிரதிநிதிகள் ஒன்றிணைந்து செயற்பட வேண்டும் என்றும் நஸீர் வலியுறுத்தினார்.
முஸ்லிம் அரசியல் கட்சிகளின் தலைவர்கள், சமூகத்தின் சட்டத்தரணிகள் மற்றும் அரசியல் செல்வாக்கு கொண்ட பிரமுகர்கள் அனைவரும் இவ்விடயத்தில் ஒன்றிணைந்து செயற்பட வேண்டும் என்றும், எதிர்காலத்தில் சமூகப் பிரச்சினைகள் ஏற்படும் ஒவ்வொரு சந்தர்ப்பத்திலும் முன்வந்து உதவ வேண்டும் என்றும் அவர் மீனவர் சமூகத்தின் சார்பில் வேண்டுகோள் விடுத்தார்.
ஊடகவியலாளர் சந்திப்பில் பங்கேற்ற பல்வேறு தரப்பினரும், தனிப்பட்ட அரசியல் வேறுபாடுகளை விட சமூக உரிமைகளும் நீதியும் முன்னிலைப்படுத்தப்பட வேண்டும் என வலியுறுத்தினர்.
கல்முனை ஆதார வைத்தியசாலை ஆடை விவகாரம் ஒரு தனிப்பட்ட நிர்வாகப் பிரச்சினையாக மட்டும் பார்க்கப்படாமல், அதனுடன் தொடர்புடைய கலாசார உரிமைகள், கருத்துச் சுதந்திரம் மற்றும் சட்டத்தின் முன் சமத்துவம் போன்ற பரந்த விடயங்களின் அடிப்படையில் அணுகப்பட வேண்டும் என்றும் கருத்துத் தெரிவிக்கப்பட்டது.
சமூகப் பிரச்சினைகளில் கருத்துத் தெரிவிக்கும் சமூக செயற்பாட்டாளர்களுக்கு எதிராக சட்ட நடவடிக்கைகள் மேற்கொள்ளப்படும் சூழ்நிலை உருவாகுமானால், அவர்களுக்கு தேவையான சட்ட உதவிகளை வழங்குவதற்கும், உண்மையான பிரச்சினைகளை சட்டரீதியாகவும் ஜனநாயக ரீதியாகவும் முன்வைப்பதற்கும் சிவில் அமைப்புகள் தயாராக இருக்க வேண்டும் என்றும் வலியுறுத்தப்பட்டது.
முஸ்லிம் சமூகத்தின் உரிமைகள், கலாசார அடையாளம் மற்றும் சமூக செயற்பாட்டாளர்களின் கருத்துச் சுதந்திரம் பாதுகாக்கப்பட வேண்டும் என்பதே ஊடகவியலாளர் சந்திப்பின் பிரதான வலியுறுத்தலாக அமைந்தது.
அரசியல் வேறுபாடுகளுக்கு அப்பால் சமூக நீதிக்காக அனைவரும் ஒன்றிணைய வேண்டும் என்றும், கல்முனை ஆதார வைத்தியசாலை ஆடை விவகாரம் தொடர்பில் சட்ட சிக்கல்களை எதிர்கொள்கின்றதாகத் தெரிவிக்கப்படும் ஆறு பேருக்கும் உரிய சட்டப் பாதுகாப்பும் நியாயமான அணுகுமுறையும் வழங்கப்பட வேண்டும் என்றும் பங்கேற்றவர்கள் கோரிக்கை விடுத்தனர்.
கல்முனை மற்றும் அம்பாறை மாவட்ட முஸ்லிம் சமூகத்தின் அரசியல், சமூக, கலாசார மற்றும் வாழ்வியல் உரிமைகள் தொடர்பான பிரச்சினைகளில் அரசியல் கட்சிகள் மட்டுமன்றி சட்டத்தரணிகள், சிவில் சமூக அமைப்புகள், இளைஞர்கள், வர்த்தகர்கள், மீனவர் அமைப்புகள் மற்றும் கல்வியாளர்கள் ஒன்றிணைந்து செயற்பட வேண்டிய காலம் இதுவெனவும் அவர்கள் தெரிவித்தனர்.
“சமூக நீதிக்கான குரல்கள் நசுக்கப்படாமல், நியாயத்திற்கான குரல்கள் மேலும் வலுப்பெற வேண்டும்” என்பதே கல்முனையில் நடைபெற்ற இந்த ஊடகவியலாளர் சந்திப்பின் பிரதான செய்தியாக அமைந்தது.
.jpeg)
பாறுக் ஷிஹான்
.jpeg)
பாறுக் ஷிஹான்
1976 ஆம் ஆண்டு ஆரம்பிக்கப்பெற்ற கதிரவன் கலைக் கழகத்தின் பொன்விழா கடந்த 27.09.2026 (ஞாயிற்றுக்கிழமை) பி.ப 3.00 மணி தொடக்கம் இரவு 8.00 மணி வரை மட்டக்களப்பு ஈஸ்ட் லகூன் ஹோட்டலில் கதிரவன் த.இன்பராசா தலைமையில் கோலாகலமாக இடம் பெற்றது.
பாறுக் ஷிஹான்
பாறுக் ஷிஹான்
பாறுக் ஷிஹான்
பாறுக் ஷிஹான்
