Showing posts with label Culture. Show all posts
, ,

October 11, 2026


 (வி.ரி. சகாதேவராஜா,)


கிழக்கு மாகாண பண்பாட்டு அலுவல்கள் திணைக்களம், கல்முனை பிரதேச செயலகத்தின் ஒத்துழைப்புடன் ஏற்பாடு செய்த ‘கிழக்கின் கலைச்சங்கமம் – Eastern Art Fusion’ கலை விழா  சாய்ந்தமருது வொலிவேரியன் கிராமத்தில் உள்ள கலாச்சார மண்டபத்தில் ஐந்து நாட்களாக நடைபெற்று நிறைவுக்கு  வந்துள்ளது.

முன்னொருபோதும் நடைபெறாத அளவில் ஐந்து நாட்கள் கொண்ட பல்வேறு கலை வடிவங்களை உள்ளடக்கியதான இந்த மாபெரும் கலைச்சங்கமம் எனும் பெருவிழா நடைபெற்றது.

 கிழக்கு மாகாண பண்பாட்டலுவல்கள்  பணிப்பாளர் திருமதி மேனகா புவிக்குமாரின் தலைமையில்  சிரேஸ்ட கலாச்சார உத்தியோகத்தர் ஏ.எல்.தௌபீக் ஒழுங்கமைப்பில் இப் பெருவிழா நடைபெற்றது.

நான்காம் நாள் நிகழ்வில் பிரதம அதிதியாக அம்பாறை மாவட்ட மேலதிக அரசாங்க அதிபர் சிவ.ஜெகராஜன் கலந்து சிறப்பித்தார்.
கௌரவ அதிதிகளாக சம்மாந்துறை பிரதேச செயலாளர் எஸ்எல்எம்.ஹனிபா, தென்கிழக்கு பல்கலைக்கழக பிரதி பதிவாளர் சஞ்சீவி சிவகுமார், சாய்ந்தமருது பிரதேச செயலக நிருவாக உத்தியோகத்தர் பளீல் ஓய்வுபெற்ற உதவிக் கல்விப் பணிப்பாளர் வி.ரி.சகாதேவராஜா  உள்ளிட்ட அதிதிகள் பலரும் கலந்து கொண்டனர்.

முதல் நாளான 06 ஆம் திகதி செவ்வாய்க்கிழமை தமிழ், முஸ்லிம் பாரம்பரியக் கலைக் கலாசார நிகழ்வுகள், பரதநாட்டியம், காவடி, கும்மி, கோலாட்டம், பொம்மலாட்டம், கரகாட்டம், பக்தர் கலை, சீனடி உள்ளிட்ட தமிழர் முஸ்லீம்களின் கலை நிகழ்வுகள் சிறப்பாக இடம்பெற்றன.

 நாட்கள் கலை நிகழ்ச்சிகள் நடைபெற்று 09 ஆம் திகதி சனிக்கிழமை நிறைவு பெற்றது.

இதேவேளை அக்கரைப்பற்றில் கடந்த திங்கட்கிழமை ஆரம்பித்த கிழக்கின் கலைச் சங்கமம் ஏலவே நிறைவுற்றமை குறிப்பிடத்தக்கது.


, ,

October 09, 2026

 


( வி.ரி. சகாதேவராஜா,)


கிழக்கு மாகாண பண்பாட்டு அலுவல்கள் திணைக்களம், கல்முனை பிரதேச செயலகத்தின் ஒத்துழைப்புடன் ஏற்பாடு செய்த ‘கிழக்கின் கலைச்சங்கமம் – Eastern Art Fusion’ கலை விழா  கடந்த (6) செவ்வாய்க்கிழமை இரவு சாய்ந்தமருது வொலிவேரியன் கிராமத்தில் உள்ள கலாச்சார மண்டபத்தில் ஆரம்பமாகி நடைபெற்று வருகிறது.

முன்னொருபோதும் நடைபெறாத அளவில் ஐந்து நாட்கள் கொண்ட பல்வேறு கலை வடிவங்களை உள்ளடக்கியதான இந்த மாபெரும் கலைச்சங்கமம் எனும் பெருவிழா நடைபெறுகிறது.

 கிழக்கு மாகாண பண்பாட்டலுவல்கள்  பணிப்பாளர் திருமதி மேனகா புவிக்குமாரின் வழிகாட்டலில் சிரேஸ்ட கலாச்சார உத்தியோகத்தர் ஏ.எல்.தௌபீக் தலைமையில் இப் பெருவிழா ஆரம்பமானது.

சாய்ந்தமருது பிரதேச செயலக நிருவாக உத்தியோகத்தர் பளீல் ஓய்வுபெற்ற உதவிக் கல்விப் பணிப்பாளர் வி.ரி.சகாதேவராஜா ஓய்வுபெற்ற அதிபர்களான கே.சந்திரலிங்கம் வி.பிரபாகரன் உள்ளிட்ட அதிதிகள் பலரும் கலந்து கொண்டனர்.

முதல் நாளான செவ்வாய்க்கிழமை தமிழ், முஸ்லிம் பாரம்பரியக் கலைக் கலாசார நிகழ்வுகள், பரதநாட்டியம், காவடி, கும்மி, கோலாட்டம், பொம்மலாட்டம், கரகாட்டம், பக்தர் கலை, சீனடி உள்ளிட்ட தமிழர் முஸ்லீம்களின் கலை நிகழ்வுகள் சிறப்பாக இடம்பெற்றன.
மறுநாள் கதிரவன் இன்பராசா தலைமையில் பட்டிமன்றம் இடம்பெற்றது.

தொடர்ந்து ஐந்து நாட்கள் கலை நிகழ்ச்சிகள் நடைபெற்று இன்று சனிக்கிழமை நிறைவு பெறுகிறது.

இதேவேளை அக்கரைப்பற்றில் கடந்த திங்கட்கிழமை ஆரம்பித்த கிழக்கின் கலைச் சங்கமம் நிறைவுற்றமை குறிப்பிடத்தக்கது.
, ,

October 09, 2026

 


( வி.ரி.சகாதேவராஜா)


இலங்கை சிதம்பரேஷ்வர நடனாலயம் (வவுனியா) மற்றும் தமிழ்நாடு கோயம்புத்தூர் குருகுல கல்வி நிலையம் இணைந்து நடாத்திய “நாட்டியாஞ்சலி” நிகழ்வில், காரைதீவு விபுலானந்தா நாட்டிய நிருத்தியாலய ஆசிரியை தக்ஷாளினி ஜெயகோபன் "நாட்டிய கலாபமயில்" எனும் விருது வழங்கி கௌரவிக்கப்பட்டார்.



“இலங்கை நாட்டியாஞ்சலி 2026” நடன நிகழ்வு, 03.10.2026 அன்று பிற்பகல் 2.30 மணியளவில் வவுனியா மாவட்ட சேகரம் கலையரங்கில் சிறப்பாக இடம்பெற்றது.

இந்நிகழ்வில் விபுலானந்த நாட்டிய நிருத்தியாலயம், காரைதீவு மாணவர்கள், “நுண்கலைமணி” ஜெயகோபன் தக்ஷாலினி தலைமையில் பங்கேற்று தமது அபாரமான நடனத் திறமையை வெளிப்படுத்தினர்.

14 மாணவர்களின் பங்கேற்பு

சுபாணன் புவேகா,
கேஜோரா சசிகுமார், 
மேகவர்ஷி சுவேந்திரன், 
பகிரதன் தன்சிகா, 
நவேஸ்வரன் வரலக்ஷிகா, நவநீதன் சஞ்சனா, 
ஐதர்ஷன் பிரவிஷ்னா, பிரபாகரன் டக்ஷயா, 
சிவேவந்தன் ரோமிதா, செந்தமிழ்செல்வன் தில்ருக்ஷி, அற்புதநாதன் ரேமிதா, ஜெயகுமார் பிரின்ஸி, 
தனுராஜ் டனிஷிகா மற்றும் சசிகுமார் டக்ஷயா ஆகிய 14 மாணவர்கள் இந்நிகழ்வில் பங்கேற்றனர்.

“சக்தி – தாண்டவம்”

தமிழர் பாரம்பரியத்தின் ஆழத்தையும், ஆன்மீகத்தின் அதிர்வையும், நாட்டியக் கலையின் நுட்பத்தையும் ஒருங்கிணைத்த “சக்தி – தாண்டவம்” என்ற சிறப்புத் தலைப்பில் மாணவர்கள் வழங்கிய நடன நிகழ்வு பார்வையாளர்களின் கவனத்தை ஈர்த்தது.
, ,

October 05, 2026

 


வரலாற்று பிரசித்தி பெற்ற சம்மாந்துறை  ஸ்ரீ பத்திரகாளி அம்பாள் ஆலயத்தின் வருடாந்த தீமிதிப்பு சடங்கு உற்சவத்தின்  பால்குடபவனியானது நேற்று சிறப்பாக இடம்பெற்றபோது...

, ,

October 03, 2026

 ( வி.ரி.சகாதேவராஜா)

மட்டக்களப்பு ராமகிருஷ்ண மிஷனின் நூற்றாண்டு விழாவை (1926-2026) முன்னிட்டு  தெய்வீக ரத ஊர்வலம் இன்று று (3) சனிக்கிழமை காலை கோலாகலமாக ஆரம்பமானது.

இந்த புனித ரத ஊர்வலம் காரைதீவு ராமகிருஷ்ண மிஷன்  சாரதா இல்லத்தில் இருந்து தொடங்கியது.

  மட்டக்களப்பு மாநில இராமகிருஷ்ண மிஷன் பொது முகாமையாளர் ஸ்ரீமத் சுவாமி நீலமாதவானந்த ஜி முன்னிலையில் ரதபவனி ஆரம்பமானது.

பகவான் ஸ்ரீ ராமகிருஷ்ணர், தூய அன்னை ஸ்ரீ சாரதா தேவியர் மற்றும் வீரத் துறவி சுவாமி விவேகானந்தர் ஆகியோரது த திருவுருவங்களை தாங்கிய ரதபவனி பவனியில் வந்தன.


இன்று 03.10.2026 சனிக்கிழமை: காரைதீவு முதல் குருக்கள்மடம் வரையும் நாளை
04.10.2026 ஞாயிற்றுக்கிழமை குருக்கள்மடம் முதல் கல்லடி-உப்போடை வரை ரதபவனி இடம்பெறும்.

வழி நெடுகிலும் ரதபவனியை  வரவேற்று  பூரண கும்பம் மரியாதை, மாலை அணிவித்தல்,  ஆரத்தி போன்ற வழிபாட்டு முறைகளின் மூலம் பக்தர்கள் பக்தியையும் அன்பையும் வெளிப்படுத்தினர்.

, , ,

September 27, 2026

 


(செல்வி வினாயகமூர்த்தி)


அம்பாறை மாவட்ட கலாசார அதிகார சபைக்கான புதிய நிர்வாகிகளை தெரிவு செய்யும் சிறப்புக் கூட்டம், அம்பாறை மாவட்ட கலாசார அலுவல்கள் திணைக்களத்தின் ஏற்பாட்டில் வெள்ளிக்கிழமை காரைதீவு பிரதேச செயலகத்தில் நடைபெற்றது.


நீண்ட காலத்திற்குப் பின்னர், அம்பாறை மாவட்டத்தின் தமிழ் மற்றும் முஸ்லிம் பிரதேசங்களை உள்ளடக்கிய கலாசார அதிகார சபைக்கான புதிய நிர்வாக சபை இரண்டாவது தடவையாக இக்கூட்டத்தின் ஊடாக முறைப்படி தெரிவு செய்யப்பட்டது.


காரைதீவு பிரதேச செயலாளர் ஜி. அருணன் தலைமையில், கிழக்குமாகாண சிரேஷ்ட கலாசார உத்தியோகத்தர் ஏ.எல். தௌஃபீக் ஒருங்கிணைப்பில் நடைபெற்ற இக்கூட்டத்தில், மாவட்டத்தின் பிரதேச செயலகப் பிரிவுகளைச் சேர்ந்த கலாசார அதிகார சபைகளின் தலைவர்கள், செயலாளர்கள், பொருளாளர்கள் மற்றும் கலாசார உத்தியோகத்தர்கள் கலந்துகொண்டனர்.


அம்பாறை மாவட்டத்தின் கலாசார மற்றும் கலை நடவடிக்கைகளை மேம்படுத்தும் நோக்கில், அனைவரினதும் இணக்கப்பாட்டுடன் 15 உறுப்பினர்களைக் கொண்ட புதிய நிர்வாக சபை தெரிவு செய்யப்பட்டது.


இதன்படி, கலாபூஷணம், எம்.எல்.எம்.பாரூக் (பாலமுனை) தலைவராகவும், வா. குணாளன் (ஆலையடிவேம்பு) செயலாளராகவும், எஸ். நாகராஜா (காரைதீவு) பொருளாளராகவும், அஸ்வான் மௌலானா (சாய்ந்தமருது) உபதலைவராகவும், கலாபூஷணம் ஏ.எம். மஷூரா சுகுர்தீன் (கல்முனை) உபசெயலாளராகவும் தெரிவு செய்யப்பட்டனர்.


செயற்குழு உறுப்பினர்களாக எஸ்.தஸ்தஹீர், பரதன் கந்தசாமி (கல்முனை), டாக்டர் நௌஷாத் (சம்மாந்துறை), எம்.ஐ. தயூப் (அக்கரைப்பற்று), எஸ்.எம். அரூஸ் (அட்டாளைச்சேனை), அல்பெர்ட் சிவகாமிதேவி (திருக்கோவில்), எஸ். ஜெயசுந்தரம் (நாவிதன்வெளி), எஸ். ஜனுஸ் (காரைதீவு) ஆகியோர் நியமிக்கப்பட்டனர்.


அம்பாறை மாவட்டத்தின் தமிழ் மற்றும் முஸ்லிம் பிரதேசங்களின் கலை மற்றும் கலாசாரத்துறையை மேம்படுத்துவதே புதிய நிர்வாக சபையின் பிரதான நோக்கமாகும். குறிப்பாக, கிராமியக் கலைஞர்களை ஊக்குவித்தல், அவர்களிடமுள்ள கலைத்திறமைகளை வெளிக்கொணர்தல், அவர்களுக்கான வாய்ப்புகளை ஏற்படுத்துதல் மற்றும் திறமையான கலைஞர்களைக் கௌரவித்தல் போன்ற செயற்பாடுகளுக்கு முன்னுரிமை வழங்கப்படவுள்ளது.


மேலும், மாவட்ட செயலகத்தின் வழிகாட்டலுடன் எதிர்காலத்தில் அம்பாறை மாவட்டத்தின் பல்வேறு பகுதிகளிலும் கலைத்துறை சார்ந்த வேலைத்திட்டங்கள், பயிற்சிப் பட்டறைகள் மற்றும் கலாசார விழாக்களை முன்னெடுக்க புதிய நிர்வாக சபை திட்டமிட்டுள்ளது.


இதன் மூலம் கிராமிய மட்டத்தில் காணப்படும் பாரம்பரிய கலை வடிவங்கள் மற்றும் கலைஞர்களை அடையாளம் கண்டு, அவர்களின் திறமைகளை மாவட்ட மட்டத்திலும் அதற்கு அப்பாலும் வெளிக்கொணர்வதற்கான நடவடிக்கைகள் மேற்கொள்ளப்படவுள்ளன.


இந்நிர்வாக சபையில் அம்பாறை மாவட்ட அரசாங்க அதிபர் அனுபம மங்கள விக்ரமாராச்சி பதவி வழி அதிகாரியாகவும்,மாவட்ட கலாசார உத்தியோகத்தர் மற்றும் பிரதேச செயலகங்களின் கலாசார உத்தியோகத்தர்கள் மற்றும் ஒருங்கிணைப்பாளர்கள் உள்ளிட்டோர் இணைந்து செயற்படவுள்ளனர்.


புதிய நிர்வாக சபையின் அனைத்து உறுப்பினர்களும் ஒன்றிணைந்து, அம்பாறை மாவட்டத்தின் பல்வேறு சமூகங்களின் கலை, கலாசாரம் மற்றும் பண்பாட்டு மரபுகளைப் பாதுகாத்து, அவற்றின் வளர்ச்சிக்கான செயற்பாடுகளை முன்னெடுக்கவுள்ளதாக தெரிவிக்கப்பட்டது.

, ,

September 24, 2026

 ( வி.ரி.சகாதேவராஜா)


அறிவியல் மாற்றம் சமூக மேம்பாட்டு நிறுவனம் "ஒளிர்" எனும் சஞ்சிகையை  வெளியிட்டு வருகிறது.

 அதன் இரண்டாவது இதழ் அண்மையில் வவுனியாவில் வெளியிட்டு வைக்கப்பட்டது.

அதன் அறிமுவிழா கடந்த வாரம் சஞ்சிகையின் உதவி ஆசிரியரும் மேற்படி நிறுவனத்தின் கல்முனை பொறுப்பாளருமான திருமதி ஜெனிதா மோகன் தலைமையில் கல்முனை தமிழர் கலாசார மண்டபத்தில் நடைபெற்றது.

விழுது நிறுவனப் பிரதிநிதிகளும் கலந்து கொண்ட இவ் விழாவில் இச் சஞ்சிகை வழங்கி வைக்கப்பட்டது.

, ,

September 21, 2026

 


பாறுக் ஷிஹான்

 
கல்முனை முஹ்யித்தீன் ஜும்ஆ பெரிய பள்ளிவாசலின் கீழ் இயங்கி வரும் முஹம்மதிய்யா பெண்கள் பகுதி நேர ஹிப்ழ் மத்ரஸாவிலிருந்து முதலாவது அல்-ஹாபிழாவாகப் பட்டம் பெற்ற முஹம்மது பஹ்மி முஹைத்தீன் பாத்திமா நஸ்கா அவர்களைக் கௌரவிக்கும் விசேட நிகழ்வு அண்மையில் ஆஸாத் ப்ளாஸா வரவேற்பு மண்டபத்தில் சிறப்பாக நடைபெற்றது.

கல்முனை முஹ்யித்தீன் ஜும்ஆ பெரிய பள்ளிவாசல் நம்பிக்கையாளர் சபையின் தலைவர் அல்-ஹாஜ் எம்.ஐ. அப்துல் அஸீஸ் தலைமையில் இந்நிகழ்வு இடம்பெற்றது.

பரிசுத்த அல்-குர்ஆனை முழுமையாக மனனம் செய்து, இம்மத்ரஸாவின் வரலாற்றுச் சிறப்புமிக்க முதலாவது ஹாபிழாவாக வெளியான அல்-ஹாபிழா பாத்திமா நஸ்காவின் இச்சாதனையைப் பாராட்டி, பெரிய பள்ளிவாசல் நம்பிக்கையாளர் சபையின் சார்பில் 50,000 ரூபாய் பொற்கிழியும் பாராட்டு நினைவுச் சின்னமும் வழங்கி கௌரவிக்கப்பட்டார்.

 
அதேவேளை, குர்ஆனை மனனம் செய்யும் புனிதப் பயணத்தில் அடுத்தடுத்த நிலைகளில் பயின்று வரும் முஹம்மது ஹனீபா நப்ரிஸா மற்றும் முஹம்மது சபீல் ஸஹ்மத் ஜினா ஆகிய மாணவிகளுக்கும் அவர்களின் கல்வி முன்னேற்றத்தைப் பாராட்டிச் சான்றிதழ்கள் வழங்கப்பட்டன.

மேலும், ஹாபிழாக்களை உருவாக்குவதில் அர்ப்பணிப்புடன் வழிகாட்டி வரும் பெண்கள் பகுதி நேர ஹிப்ழ் மத்ரஸாவின் அதிபர் என்.எப்   பர்ஹத் பாதிமி மற்றும் ஆண்கள் பகுதி நேர ஹிப்ழ் மத்ரஸாவின் ஆசிரியர் அல்-ஹாபிழ் மௌலவி முஹம்மத் தன்ஸீம் கௌஸி ஆகியோருக்கும் அவர்களின் மகத்தான சேவையைப் பாராட்டிப் பொற்கிழிகள் வழங்கி கௌரவிக்கப்பட்டது.

இந்நிகழ்வில் நம்பிக்கையாளர் சபை உறுப்பினர்கள், உலமாக்கள், மத்ரஸா ஆசிரியர்கள், மாணவிகள், பெற்றோர்கள் மற்றும் சமூகப் பிரதிநிதிகள் எனப் பலரும் கலந்துகொண்டதுடன், மாணவிகளின் இஸ்லாமிய கலை நிகழ்ச்சிகளும் இடம்பெற்றன.

கல்முனை முஹ்யித்தீன் ஜும்ஆ பெரிய பள்ளிவாசலின் கீழ் ஆண்கள் மற்றும் பெண்களுக்கென முற்றிலும் இலவசமாக இப் பகுதி நேர ஹிப்ழ் வகுப்புகள் நடாத்தப்பட்டு வருவதோடு, ஆர்வமுள்ள பெற்றோர்கள் பள்ளிவாசல் காரியாலயத்தில் விண்ணப்பப் படிவங்களைப் பெற்றுத் தமது பிள்ளைகளை இணைத்துக் கொள்ள முடியும் எனப் பள்ளிவாசல் நிர்வாகம் அறிவித்துள்ளது.

, ,

September 21, 2026

 


நூருல் ஹுதா உமர்

கல்முனை ஷைனிங் ஸ்டார் நிறுவன அலுவலகத்தில் பெண்களுக்கான ஜனாஸா குளிப்பாட்டுதல் தொடர்பான சிறப்பு விழிப்புணர்வுக் கருத்தரங்கு அண்மையில் நடைபெற்றது.

ஷைனிங் ஸ்டார் நிறுவனத்தின் ஏற்பாட்டில், மனித மேம்பாட்டு அமைப்பு ஸ்ரீலங்காவின் ஒருங்கிணைப்பில் நடைபெற்ற இக்கருத்தரங்கில் 55 பேர் கலந்துகொண்டனர்.

நிகழ்வில் வளவாளராகக் கலந்துகொண்ட மௌலவி அஷ்ரஃப், மரணமடைந்தவரை இஸ்லாமிய மார்க்க முறைப்படி குளிப்பாட்டும் விதிமுறைகள், அதன்போது கடைப்பிடிக்க வேண்டிய ஒழுங்குகள், ஜனாஸா பணிகளில் சமூக உறுப்பினர்களின் பொறுப்புகள் மற்றும் அவசரமான சந்தர்ப்பங்களில் மேற்கொள்ள வேண்டிய நடைமுறைகள் தொடர்பாக விரிவான விளக்கங்களை வழங்கினார்.

ஜனாஸா குளிப்பாட்டுதல் தொடர்பான சரியான மார்க்க அறிவையும் நடைமுறைத் திறனையும் பெண்களிடையே ஏற்படுத்துவதே இக்கருத்தரங்கின் பிரதான நோக்கமாக அமைந்திருந்தது. மரண நிகழ்வுகளின்போது உரிய மார்க்க வழிகாட்டல்களைப் பின்பற்றி பொறுப்புடன் செயற்படுவதற்கான விழிப்புணர்வையும் இந்நிகழ்வு ஏற்படுத்தியது.

இந்நிகழ்வில் ஷைனிங் ஸ்டார் நிறுவனத்தின் இணை நிறுவுநர்களான பஸீரா ரியாஸ், தஸ்னீம் காரியப்பர், செயலாளர் ஆயிஷா சித்தீக்கா மற்றும் உறுப்பினர்களான திருமதி சபீனா, ஃபிரோஸா காரியப்பர் உள்ளிட்டோர் கலந்துகொண்டனர்.

சமூகத்தின் அன்றாட வாழ்விற்கு அவசியமான மார்க்க அறிவு மற்றும் நடைமுறைத் திறன்களை வழங்கும் வகையில் இவ்வாறான பயனுள்ள நிகழ்வுகளை தொடர்ச்சியாக முன்னெடுப்பது சமூகத்தின் அறிவையும் பொறுப்புணர்வையும் மேம்படுத்துவதற்கு உதவும் என ஏற்பாட்டாளர்கள் தெரிவித்தனர்.

, ,

September 16, 2026

 

- எம்.பஹத் ஜுனைட் - 


 ஸ்ரீலங்கா முஸ்லிம் காங்கிரஸின் ஸ்தாபகத் தலைவர் மர்ஹும் எம்.எச்.எம். அஷ்ரப் அவர்களின் 26 ஆவது ஆண்டு நினைவேந்தல் நிகழ்வு புதன்கிழமை (16) பஜ்ர் தொழுகையை தொடர்ந்து புதிய காத்தான்குடி பெரிய ஜூம்ஆப் பள்ளிவாயலில் இடம்பெற்றது.


ஸ்ரீலங்கா முஸ்லிம் காங்கிரஸ் தேசியத் தலைவர் சட்ட முதுமாணி  ரவூப் ஹகீம் தலைமையில் இடம்பெற்ற இந்நிகழ்வில் கட்சியின் தவிசாளர் எம்.எல்.ஏ.எம். ஹிஸ்புல்லாஹ் மற்றும் முன்னாள் பாராளுமன்ற உறுப்பினர்கள் அதிதிகளாக கலந்துகொண்டனர்.


மர்ஹூம் எம்.எச்.எம். அஷ்ரப் அவர்களின் சமூக, அரசியல் மற்றும் மக்கள்சார் பங்களிப்புகளை நினைவுகூரும் இந்நிகழ்வில் குர்ஆன் ஓதுதல், துஆப் பிரார்த்தனை மற்றும் இரங்கல் உரைகள் ஆகியவை இடம்பெற்றது.


ஸ்ரீலங்கா முஸ்லிம் காங்கிரஸின் ஸ்தாபகத் தலைவரின் 26 ஆவது ஆண்டு ஞாபகார்த்த தின நிகழ்வில் கட்சியின் உயர் பீட உறுப்பினர்கள், தொண்டர்கள்,ஆதரவாளர்கள், மத்ரஸா மாணவர்கள் பொதுமக்கள் என பலரும் கலந்து கொண்டிருந்திருந்தமை குறிப்பிடத்தக்கது.

, ,

September 14, 2026

 


மட்டக்களப்பு மாவேற்குடா பிள்ளையார் ஆலய மஹோற்சவம் - நேற்றிரவு திருவேட்டை,இன்று காலை தேரோட்டம்!


​மட்டக்களப்பு, திருப்பழுகாமம் அருள்மிகு மாவேற்குடா பிள்ளையார் திருக்கோவிலின் வருடாந்த மஹோற்சவப் பெருவிழா பக்திப் பெருக்கோடு நடைபெற்று வருகிறது.


​நேற்று (13.09.2026) ஆம் திகதி 10ஆம் நாள் திருவிழாவை முன்னிட்டு விநாயகப் பெருமானின் வரலாற்றுச் சிறப்புமிக்க திருவேட்டை நிகழ்வு சிறப்பாக நடைபெற்றது.


​இதனைத் தொடர்ந்து, விழாவின் தேரோட்டம் இன்று (14.09.2026) ஆம் திகதி காலை நடைபெறுகிறது. 


அலங்கரிக்கப்பட்ட தேரில் விநாயகப் பெருமான் எழுந்தருளி பக்தர்களுக்கு அருள்பாலித்து வருகிறார். 


இதில் திரளான பக்தர்கள் கலந்துகொண்டு சுவாமி தரிசனம் செய்து வருகின்றனர்.மஹோற்சவம் - நேற்றிரவு திருவேட்டை,இன்று காலை தேரோட்டம்!

Rep/PPNews

​மட்டக்களப்பு, திருப்பழுகாமம் அருள்மிகு மாவேற்குடா பிள்ளையார் திருக்கோவிலின் வருடாந்த மஹோற்சவப் பெருவிழா பக்திப் பெருக்கோடு நடைபெற்று வருகிறது.


​நேற்று (13.09.2026) ஆம் திகதி 10ஆம் நாள் திருவிழாவை முன்னிட்டு விநாயகப் பெருமானின் வரலாற்றுச் சிறப்புமிக்க திருவேட்டை நிகழ்வு சிறப்பாக நடைபெற்றது.


​இதனைத் தொடர்ந்து, விழாவின் தேரோட்டம் இன்று (14.09.2026) ஆம் திகதி காலை நடைபெறுகிறது. 


அலங்கரிக்கப்பட்ட தேரில் விநாயகப் பெருமான் எழுந்தருளி பக்தர்களுக்கு அருள்பாலித்து வருகிறார். 


இதில் திரளான பக்தர்கள் கலந்துகொண்டு சுவாமி தரிசனம் செய்து வருகின்றனர்.

,

September 13, 2026

 



பாறுக் ஷிஹான்

மெய்ஞ்ஞானம் கண்ட ஞானி, கௌதுல் அஃலம், குத்புல் அக்தாப், ஹழ்ரத் முஹ்யித்தீன் அப்துல் காதிர் ஜீலானி நாயகம் (கத்தஸல்லாஹு ஸிர்ரஹுல் அஸீஸ்) அவர்களின் 887வது வருட மணாகிப் மஜ்லிஸ் ஆரம்பமும், அதனையொட்டிய புனிதக் கொடியேற்ற நிகழ்வும் கல்முனை முஹ்யித்தீன் ஜும்ஆ பெரிய பள்ளிவாசலில் நேற்று சனிக்கிழமை மிகச் சிறப்பாக நடைபெற்றது.

இதனைத் தொடர்ந்து, நேற்றைய தினத்திலிருந்து தொடர்ச்சியாக 11 நாட்களுக்கு தினமும் மஃரிப் தொழுகையைத் தொடர்ந்து பள்ளிவாசலில் மௌலித் பாராயணம் நடைபெறவுள்ளது.

இந்நிகழ்வுகளின் நிறைவாக, வரும் 2026 செப்டம்பர் 23 ஆம் திகதி புதன்கிழமை மாபெரும் கந்தூரி நிகழ்வு சிறப்பாக நடைபெறவுள்ளது.

இப்புனித நிகழ்வுகளில் அனைத்து முஸ்லிம்களையும் கலந்து கொண்டு, வலியுல்லாஹ்மார்களின் நல்லாசிகளையும், துஆப் பிரார்த்தனைகளையும் பெற்றுக்கொள்ளுமாறு பள்ளிவாசல் நிர்வாகத்தினர் அன்புடன் அழைக்கின்றனர்.

, ,

September 13, 2026

 


நூருல் ஹுதா உமர்


இந்து சமய கலாசார அலுவல்கள் திணைக்களத்தின் ஏற்பாட்டில், 2026ஆம் ஆண்டுக்கான இந்து அறநெறிப் பாடசாலைகளுக்கு தளபாடங்கள் வழங்கும் நிகழ்வு காரைதீவில் நடைபெற்றது.

திணைக்களத்தின் பணிப்பாளர் ய. அநிருத்தனனின் வழிகாட்டலுக்கமைவாக, காரைதீவு பிரதேச செயலாளர் ஜி. அருணன் தலைமையில் நடைபெற்ற இந்நிகழ்வில், காரையடி அம்பாறைப் பிள்ளையார் அறநெறிப் பாடசாலைக்குத் தேவையான தளபாடங்கள் வழங்கி வைக்கப்பட்டன.

நிகழ்வில் மாவட்ட இந்து கலாசார உத்தியோகத்தர் கு. ஜெயராஜி, பிரதேச இந்து கலாசார உத்தியோகத்தர் சி. சிவலோஜினி, கலாசார அபிவிருத்தி உத்தியோகத்தர் க. சுதர்சன் மற்றும் அறநெறிப் பாடசாலை ஆசிரியர்கள் உள்ளிட்டோர் கலந்து கொண்டனர்.

இந்து அறநெறிக் கல்வியை மேம்படுத்துவதற்கும், மாணவர்களுக்கு சிறந்த கற்றல் சூழலை ஏற்படுத்துவதற்கும் இத்தளபாடங்கள் வழங்கும் செயற்பாடு முக்கியத்துவம் வாய்ந்ததாக அமைந்துள்ளதாக தெரிவிக்கப்பட்டது.

,

September 06, 2026


 (  வி.ரி.சகாதேவராஜா)


காரைதீவு ஸ்ரீ பாலையடி வாலவிக்னேஸ்வரர் ஆலயத்தின் வருடாந்த  மகோற்சவத் திருவிழா நேற்று  சனிக்கிழமை  (05) முற்பகல் 11 மணிக்கு கொடியேற்றத்துடன் ஆரம்பமாகியது.

அதற்காக அன்று சனிக்கிழமை காலை 7 மணிக்கு காரைதீவு மாவடி ஸ்ரீ கந்தசுவாமி ஆலயத்திலிருந்து கொடிச்சீலை சம்பிரதாயபூர்வமாககொண்டுவரப்பட்டது.

 
 
தொடர்ந்து, ஒன்பது நாட்கள் திருவிழாக்கள் ஆலய பிரதம குரு சிவஸ்ரீ சண்முக மகேஸ்வரக் குருக்கள்  தலைமையில், மகோற்சவ குரு சுவிஸ் தூண் வரசித்தி விநாயகர் ஆலய பிரதம குரு சிவஸ்ரீ சிவ பிரபாகரக் குருக்கள் முன்னிலையில் நடைபெறும்.

பத்தாம் நாள், எதிர்வரும் 14ஆம் தேதி  திங்கட்கிழமை காலை 8 மணிக்கு சித்திரத்தேரோட்டம் இடம்பெறும்.

எதிர்வரும் 15 ஆம் திகதி செவ்வாய்க்கிழமை 
சமுத்திர தீர்த்தோற்சவமும், கொடியிறக்கமும்  இடம்பெறும்.

 திருவிழா காலங்களில் தினமும் காலை 9 மணிக்கு அபிஷேக பூஜையுடன் ஆரம்பமாகி மாலை 6 மணிக்கு   இரவு திருவிழாக்கள் இடம்பெறும்.

09 ஆம் திகதி மாம்பழத்திருவிழா, 11 ஆம் திகதி வேட்டைத் திருவிழா,12 ஆம் திகதி பாற்குடபவனி,13 ஆம் திகதி முத்துச்சப்பர ஊர்வலம் என்பன சிறப்பாக இடம்பெற ஏற்பாடுகள் செய்யப்பட்டுள்ளன என தலைவர் இரா.தவராசா மேலும் தெரிவித்தார்.
, ,

August 28, 2026

 


நூருல் ஹுதா உமர்


மீலாதுன் நபி பெருவிழாவை சிறப்பிக்கும் வகையில் கல்முனை முஹ்யித்தீன் ஜும்ஆப் பெரிய பள்ளிவாசலினால் கந்தூரி நிகழ்வொன்று மீலாத் தினத்தன்று இரவு சிறப்பாக ஏற்பாடு செய்யப்பட்டிருந்தது.

இதற்கு முன்னதாக மக்ரிப் தொழுகையைத் தொடர்ந்து மலேசியாவில் இருந்து வருகை தந்த மௌலானா அஷ்ஷேக் கலாநிதி முஹம்மத் அப்துல் காதிர் அல் காதிர் அவர்களினால் சிறப்பான மார்க்க சொற்பொழிவு நிகழ்த்தப்பட்டது.

இதன்போது, நபிகள் நாயகம் முஹம்மது (ஸல்) அவர்களின் வாழ்க்கை, போதனைகள், மனிதநேயம், நல்லொழுக்கம் மற்றும் சமூக நல்லிணக்கம் தொடர்பான பல்வேறு விடயங்கள் எடுத்துரைக்கப்பட்டன.
மீலாதுன் நபி பெருவிழாவின் முக்கியத்துவம், நபிகள் நாயகம் (ஸல்) அவர்களின் முன்மாதிரியான வாழ்க்கையைப் பின்பற்றுவதன் அவசியம் மற்றும் சமூகத்தில் ஒற்றுமை, சகோதரத்துவம், அன்பு, பரஸ்பர மரியாதை ஆகியவற்றை வளர்த்தெடுப்பதன் முக்கியத்துவம் குறித்தும் மார்க்கப் போதனைகள் வழங்கப்பட்டன.

மார்க்க சொற்பொழிவைத் தொடர்ந்து நடைபெற்ற கந்தூரி நிகழ்வில் பள்ளிவாசல் நிர்வாகிகள், உலமாக்கள், ஊர் முக்கியஸ்தர்கள் மற்றும் பெருமளவான பொதுமக்கள் கலந்துகொண்டனர்.

மீலாதுன் நபி பெருவிழாவை முன்னிட்டு ஏற்பாடு செய்யப்பட்ட இந்நிகழ்வு, நபிகள் நாயகம் (ஸல்) அவர்களின் பிறப்பையும் அவர்களின் உயரிய பண்புகளையும் நினைவுகூரும் வகையில் பக்தி மற்றும் ஆன்மீக உணர்வுடன் இடம்பெற்றமை குறிப்பிடத்தக்கது.

, ,

August 28, 2026

 நூருல் ஹுதா உமர்


ஆலிம்களும் சமூகத்தின் அறிவுசார் வளமாக விளங்கும் புத்திஜீவிகளும் இணைந்து செயற்பட்டு, சமகால சவால்களுக்கு மத்தியில் சமூகத்தை சரியான பாதையில் வழிநடத்த வேண்டும் என இலங்கை தென்கிழக்குப் பல்கலைக்கழக கலை கலாசார பீடாதிபதி பேராசிரியர் எம்.எம். பாஸில் தெரிவித்தார்.

காத்தான்குடி ஆலோசனைக்கும் வழிகாட்டலுக்குமான ஆலிம்கள் அமைப்பின் ஏற்பாட்டில் இடம்பெற்ற காத்தான்குடி ஐக்கிய மீலாத் விழா, அமைப்பின் பத்தாண்டு நிறைவு விழா மற்றும் பரிசளிப்பு–கௌரவிப்பு விழா ஆகிய முப்பெரும் நிகழ்வில் பிரதம அதிதியாகக் கலந்துகொண்டு உரையாற்றும்போதே அவர் இவ்வாறு தெரிவித்தார்.

ஹிஸ்புல்லாஹ் மண்டபத்தில் நடைபெற்ற இந்நிகழ்வில் உரையாற்றிய பேராசிரியர் பாஸில், மீலாத் விழா என்பது வெறுமனே ஒரு கொண்டாட்டமாக மட்டுப்படுத்தப்படாமல், நபி முஹம்மத் (ஸல்) அவர்களின் உயரிய பண்புகளையும் முன்மாதிரியான வாழ்க்கையையும் நினைவுகூர்ந்து, அவற்றை தனிப்பட்ட மற்றும் சமூக வாழ்வில் நடைமுறைப்படுத்துவதற்கான உறுதிமொழியை மேற்கொள்ளும் சந்தர்ப்பமாக அமைய வேண்டும் எனக் குறிப்பிட்டார்.

காத்தான்குடி கல்வி, வர்த்தகம், கைத்தொழில் மற்றும் பண்பாடு உள்ளிட்ட துறைகளில் குறிப்பிடத்தக்க வளர்ச்சியை அடைந்துள்ளதுடன், பல்வேறு சவால்களுக்கு மத்தியிலும் சமூக ஒருமைப்பாடு மற்றும் வர்த்தகத் திறன் மூலம் தன்னை நிலைநிறுத்திக் கொண்டுள்ளதாகவும் அவர் சுட்டிக்காட்டினார்.

கடந்த காலங்களில் இப்பிரதேசத்தில் ஏற்பட்ட மத ரீதியான முரண்பாடுகள் மற்றும் கருத்து வேறுபாடுகளிலிருந்து ஆக்கபூர்வமான பாடங்களை கற்றுக்கொண்டு, எதிர்காலத்தில் ஒற்றுமை, சகிப்புத்தன்மை மற்றும் நல்லிணக்கத்தை வலுப்படுத்த வேண்டும் எனவும் அவர் தெரிவித்தார்.

மேலும், ஆலிம்கள் வெறுமனே மார்க்கச் சடங்குகளுக்கு வழிகாட்டுபவர்களாக மாத்திரம் தமது பணிகளை மட்டுப்படுத்தாமல், சமூகத்தின் பல்வேறு துறைகளிலும் வழிகாட்டும் முக்கிய பொறுப்பை ஏற்க வேண்டும் எனவும் பேராசிரியர் எம்.எம். பாஸில் வலியுறுத்தினார்.

குடும்பப் பிரச்சினைகள், இளைஞர்களின் உளவியல் சவால்கள், போதைப்பொருள் பாவனை உள்ளிட்ட சமகால சமூகப் பிரச்சினைகளை எதிர்கொள்ள ஆலிம்கள், உளவியலாளர்கள், கல்வியியலாளர்கள், சமூகப் பணியாளர்கள் மற்றும் புத்திஜீவிகள் இணைந்து செயற்பட வேண்டியதன் அவசியத்தையும் அவர் எடுத்துரைத்தார்.

அதேபோன்று, இளைஞர்களின் கல்வி, தொழில், தொழில்நுட்பம், தொழில் முனைப்பு மற்றும் தலைமைத்துவ திறன்களை மேம்படுத்துவதிலும் ஆலிம்கள் முக்கிய பங்காற்ற வேண்டும் எனவும் அவர் குறிப்பிட்டார்.

காத்தான்குடியின் எதிர்கால முன்னேற்றத்திற்காக உலமாக்களின் மார்க்க அறிவு, புத்திஜீவிகளின் அறிவு, இளைஞர்களின் ஆற்றல், பெற்றோரின் அர்ப்பணிப்பு மற்றும் சமூக நிறுவனங்களின் ஒத்துழைப்பு ஆகியன ஒன்றிணைந்து செயற்பட வேண்டும் எனவும் பேராசிரியர் பாஸில் தெரிவித்தார்.

நிகழ்வில் பரிசில்களையும் சான்றிதழ்களையும் பெற்ற மாணவர்களுக்கு வாழ்த்துக்களைத் தெரிவித்த அவர், அவர்களின் திறமைகளை அடையாளங்கண்டு ஊக்குவிக்கும் அமைப்பின் நிர்வாகிகள், உலமாக்கள், ஆசிரியர்கள், பெற்றோர்கள் மற்றும் நலன்விரும்பிகளுக்கும் பாராட்டுக்களைத் தெரிவித்தார்.

நிகழ்வு, அறிவு, ஆன்மீகம், ஒற்றுமை மற்றும் சமூகப் பொறுப்புணர்வை வலுப்படுத்தும் புதிய தொடக்கமாக அமைய வேண்டும் எனவும் அவர் மேலும் தெரிவித்தார்.
, ,

August 27, 2026


 நூருல் ஹுதா உமர்


உத்தம நபி முஹம்மத் (ஸல்) அவர்களின் பிறந்த தினத்தை முன்னிட்டு, சுன்னத்வல் ஜமாஅத் இறாக் நற்புறவு ஒன்றியத்தின் ஏற்பாட்டில் மீலாத் ஊர்வலம் (26) கல்முனை பிரதேசத்தில் சிறப்பாக நடைபெற்றது.
நபி (ஸல்) அவர்களின் வாழ்க்கை, நற்பண்புகள், மனிதநேயம், சகோதரத்துவம், சமாதானம் மற்றும் சமூக நல்லிணக்கம் போன்ற உயரிய விழுமியங்களை நினைவுகூரும் வகையில் இம்மீலாத் ஊர்வலம் ஏற்பாடு செய்யப்பட்டிருந்தது.

ஊர்வலத்தில் சிறுவர்கள், இளைஞர்கள், பெரியவர்கள் உள்ளிட்ட பெருந்திரளானோர் கலந்துகொண்டதுடன், நபி (ஸல்) அவர்களைப் போற்றும் வகையில் பல்வேறு நிகழ்வுகளும் இடம்பெற்றன.

கல்முனை பிரதேசத்தின் முக்கிய வீதிகளூடாக இடம்பெற்ற இவ்வூர்வலம் ஒழுங்குமுறையுடனும் அமைதியான முறையிலும் நடைபெற்றது. ஊர்வலம் சீராக நடைபெறுவதற்கு கல்முனை பொலிஸார் தேவையான பாதுகாப்பு மற்றும் போக்குவரத்து ஒழுங்குபடுத்தல் நடவடிக்கைகளை மேற்கொண்டு ஒத்துழைப்பு வழங்கினர்.

மீலாத் ஊர்வலத்தின் மூலம் நபி (ஸல்) அவர்கள் போதித்த அன்பு, ஒற்றுமை, சகோதரத்துவம், மனிதநேயம் மற்றும் நல்லிணக்கத்தை சமூகத்தில் மேலும் வலுப்படுத்தும் வகையில் இந்நிகழ்வு அமைந்திருந்ததாக ஏற்பாட்டாளர்கள் தெரிவித்தனர்.

சுன்னத்வல் ஜமாஅத் இறாக் நற்புறவு ஒன்றியத்தின் ஏற்பாட்டில் நடைபெற்ற இவ்வூர்வலம் கல்முனை பிரதேசத்தில் மீலாத் விழாவின் முக்கிய நிகழ்வுகளில் ஒன்றாக அமைந்தது.
 
, ,

August 26, 2026

 

அக்கரைப்பற்று மார்கட்,வரத்தக சங்க ஏற்பாடுகளின் கீழ்,அக்கரைப்ற்று மணிக்கூட்டுக் கோபுரத்திற்கு அருகில் .இன்று காலை இடம்பெற்றது

, ,

August 26, 2026

 கல்முனையில் பல்லின மதத் தலைவர்கள் கலந்துகொண்ட ஐக்கிய மீலாதுன் நபி பெருவிழா


(நூருல் ஹுதா உமர், எம். என். எம். அப்ராஸ்)


உத்தம நபி முஹம்மத் (ஸல்) அவர்களின் உதய தினத்தை முன்னிட்டு, கல்முனை முஹ்யித்தீன் ஜும்ஆ பெரிய பள்ளிவாசல் மற்றும் கடற்கரைப் பள்ளிவாசல் நாகூர் ஆண்டகை தர்கா ஷரீப் நம்பிக்கையாளர் சபையின் ஏற்பாட்டில், கல்முனை வர்த்தகர்களுடன் இணைந்து ஏற்பாடு செய்யப்பட்ட மாபெரும் ஐக்கிய மீலாதுன் நபி பெருவிழா இன்று (26) கல்முனை நகரில் சிறப்பாக நடைபெற்றது.


இந்நிகழ்வின் ஆரம்ப மற்றும் முடிவுரையை கல்முனை முஹ்யித்தீன் ஜும்ஆ பெரிய பள்ளிவாசல் மற்றும் கடற்கரைப் பள்ளிவாசல் நாகூர் ஆண்டகை தர்காவின் செயலாளர் முபாரிஸ் எம். ஹனீபா நிகழ்த்தினார். தொடர்ந்து நிகழ்விற்கு தலைமை தாங்கிய கல்முனை முஹ்யித்தீன் ஜும்ஆ பெரிய பள்ளிவாசல் மற்றும் கடற்கரைப் பள்ளிவாசல் நாகூர் ஆண்டகை தர்காவின் தலைவர் எம். ஐ. அப்துல் அஸீஸ் தலைமையுரையாற்றினார்.


இந்நிகழ்வில் பிரதம அதிதியாக அம்பாறை மாவட்ட அரசாங்க அதிபர் அனுபம மங்கல விக்ரமாரச்சி கலந்து கொண்டார். விசேட அதிதிகளாக கல்முனை பிரதேச செயலாளர் ரீ.எம்.எம். அன்சார், அஹ்லுல் சுன்னத்வல் ஜமாஅத் உலமா சபையின் தலைவர் மௌலவி பி.எம்.ஏ.ஜலீல்(பாகவி), அகில இலங்கை ஜம்இய்யத்துல் உலமா கல்முனை கிளை தலைவர் மௌலவி ஏ.எல்.எம். முர்ஷித் (முப்தி), கல்முனை பொலிஸ் நிலைய அதிகாரிகள் ஆகியோர் கலந்து கொண்டனர்.


மேலும், நிகழ்வில் உலமாக்கள், கல்முனை பிரதேச செயலக உத்தியோகத்தர்கள், வர்த்தகர்கள், நலன் விரும்பிகள், பள்ளிவாசல் நிர்வாக உறுப்பினர்கள் மற்றும் பொதுமக்கள் என பெருமளவிலானோர் கலந்து கொண்டு சிறப்பித்தனர்.


இதன்போது சர்வமதத் தலைவர்களின் சிறப்பு உரைகளும் இடம்பெற்றன. இன, மத நல்லிணக்கம் மற்றும் சமூக ஒற்றுமையை வலியுறுத்தும் வகையில் இடம்பெற்ற இவ்வுரைகள் நிகழ்வின் முக்கிய அம்சமாக அமைந்தன.


மீலாதுன் நபி பெருவிழாவின் சிறப்பு மார்க்க சொற்பொழிவை மலேசியாவில் இருந்து வருகை தந்த மௌலானா அஷ்ஷேக் கலாநிதி முஹம்மத் அப்துல் காதிர் அல் காதிர் நிகழ்த்தினார். நபி முஹம்மத் (ஸல்) அவர்களின் வாழ்க்கை, பண்புகள், மனிதநேயம், சமூக ஒற்றுமை மற்றும் நல்லிணக்கம் தொடர்பான கருத்துக்கள் இதன்போது எடுத்துரைக்கப்பட்டன.


மேலும், குர்ஆன் மத்ரஸா மாணவரின் ஆங்கில உரை, முஸ்லிம் கலாசார நிகழ்வு, இஸ்லாமிய பைத் நிகழ்வுகள் உள்ளிட்ட பல்வேறு கலை மற்றும் மார்க்க நிகழ்வுகளும் இடம்பெற்றன.


கல்முனை நகரில் பள்ளிவாசல் நிர்வாகம், வர்த்தகர்கள் மற்றும் பொதுமக்கள் ஒன்றிணைந்து ஏற்பாடு செய்த இவ்வைக்கிய மீலாதுன் நபி பெருவிழா, சமூக நல்லிணக்கம், சமய ஒற்றுமை மற்றும் மக்களிடையேயான புரிந்துணர்வை வலுப்படுத்தும் வகையில் அமைந்திருந்தது.

Subscribe to: Posts (Atom)

இணையவழி,குறுந்தகவல் மூலமாக, பொருட்களைச்,சந்தைப்படுத்துங்கள்! On WEB-ceylon24.com On Twitter @ceylon24 Tel:0777 761 477, 0759 761 477

Powered by Blogger.