Showing posts with label Crime. Show all posts
, ,

November 08, 2026


 பாறுக் ஷிஹான்


பெரிய நீலாவணை முதல் பொத்துவில் வரை போதைப்பொருள் கடத்தலைக் கட்டுப்படுத்த பாதுகாப்புத் தரப்பினரின் ஒருங்கிணைந்த நடவடிக்கை அவசியம்

கிழக்கு மாகாணத்தின் அம்பாறை மாவட்டத்தில் பெரிய நீலாவணை தொடக்கம் பொத்துவில் வரையான பல்வேறு பிரதேசங்களில் போதைப்பொருள் கடத்தல் மற்றும் விற்பனை நடவடிக்கைகள் இடம்பெற்று வருகின்றமையை சமூகத்தின் மத்தியில் காணப்படும் பல்வேறு சம்பவங்கள் எடுத்துக்காட்டுகின்றன.

கடந்த யுத்த காலத்தில் இவ்வாறான போதைப்பொருள் கடத்தல் நடவடிக்கைகளை முன்னெடுப்பது இலகுவான காரியமாக இருக்கவில்லை. அக்காலப்பகுதியில் இராணுவத்தினர், பொலிஸார், விசேட அதிரடிப்படையினர் உள்ளிட்ட பாதுகாப்புத் தரப்பினரின் தீவிர கண்காணிப்பும் வீதியோரச் சோதனைகளும் இவ்வாறான சட்டவிரோத நடவடிக்கைகளைக் கட்டுப்படுத்துவதில் முக்கிய பங்காற்றின.

ஆனால், யுத்தம் நிறைவடைந்த பின்னர் காலப்போக்கில் பல்வேறு வகையான போதைப்பொருட்கள் நவீன முறைகளில் கடத்தப்பட்டு, விநியோகிக்கப்பட்டு, விற்பனை செய்யப்படும் நிலை உருவாகியுள்ளது.

கடந்த காலங்களில் பொலிஸாருடன் இணைந்து இராணுவத்தினர், கடற்படையினர் மற்றும் விசேட அதிரடிப்படையினர் மேற்கொண்ட விஷேட சுற்றிவளைப்புகள் மற்றும் திடீர் சோதனைகள் மூலம் பெருமளவிலான போதைப்பொருட்கள் கைப்பற்றப்பட்டதுடன், போதைப்பொருள் கடத்தலுடன் தொடர்புடைய பலரும் கைது செய்யப்பட்டுள்ளனர்.

குறிப்பாக, வீதிகளில் பயணித்த பேருந்துகள், ரயில்கள் மற்றும் ஏனைய வாகனங்கள் இடைமறிக்கப்பட்டு சோதனையிடப்பட்டன. சந்தேகத்திற்கிடமான வீடுகள் மற்றும் காணிகள் சுற்றிவளைக்கப்பட்டு இரகசியத் தகவல்களின் அடிப்படையில் பல்வேறு சுற்றிவளைப்புகளும் முன்னெடுக்கப்பட்டன.

இத்தகைய நடவடிக்கைகள் போதைப்பொருள் கடத்தல்காரர்களுக்கு அச்சத்தை ஏற்படுத்தியதுடன், சட்டவிரோத போதைப்பொருள் விநியோகத்தைக் கட்டுப்படுத்தவும் உதவின.ஆனால், தற்போதைய நிலையில் பாதுகாப்புப் படையினரின் செயற்பாடுகள் பல்வேறு அபிவிருத்தி மற்றும் ஏனைய பணிகளுடன் தொடர்புபடுத்தப்பட்டுள்ள நிலையில், வீதியோரச் சோதனைகள் மற்றும் தொடர்ச்சியான கண்காணிப்பு நடவடிக்கைகளின் அவசியம் மீண்டும் உணரப்பட்டுள்ளது.

கிழக்கு மாகாணத்தில் பொலிஸார் ஆளணிப் பற்றாக்குறையை எதிர்கொள்வதாகவும், குறைந்தளவிலான உத்தியோகத்தர்களே அதிகளவிலான கடமைகளை முன்னெடுக்க வேண்டியுள்ளதாகவும் தெரிவிக்கப்படும் சூழலில், ஏனைய பாதுகாப்புத் தரப்பினரின் ஒத்துழைப்பைப் பெற்றுக்கொள்வது அவசியமாகும்.

குறிப்பாக, பெரிய நீலாவணை முதல் பொத்துவில் வரையான பல்வேறு பகுதிகளில் விசேட அதிரடிப்படையினரின் முகாம்கள் அமைந்துள்ள நிலையில், போதைப்பொருள் கடத்தல் மற்றும் விநியோகத்தைக் கட்டுப்படுத்துவதற்கான ஒருங்கிணைந்த நடவடிக்கைகளில் அவர்களின் பங்களிப்பையும் அதிகரிக்க வேண்டியுள்ளது.

இவ்விடயத்தில் பொலிஸாரையோ, இராணுவத்தினரையோ அல்லது ஏனைய பாதுகாப்புத் தரப்பினரையோ குற்றம் சாட்டுவது நோக்கமல்ல. மாறாக, சமூகத்தைச் சீரழிக்கும் போதைப்பொருள் மாபியாக்களை கட்டுப்படுத்துவதற்கு அனைத்துத் தரப்பினரும் ஒன்றிணைந்து செயற்பட வேண்டியதன் அவசியத்தையே வலியுறுத்த வேண்டியுள்ளது.

போதைப்பொருள் ஒழிப்பு என்பது பாதுகாப்புத் தரப்பினரின் பொறுப்பு மட்டுமல்ல. பொதுமக்கள், சமூக அமைப்புகள், சிவில் சமூக பிரதிநிதிகள், மதத் தலைவர்கள் மற்றும் இளைஞர் அமைப்புகள் என அனைவருக்கும் இதில் முக்கிய பங்குள்ளது.சந்தேகத்திற்கிடமான நடமாட்டங்கள் மற்றும் போதைப்பொருள் விற்பனை தொடர்பான தகவல்களை உரிய அதிகாரிகளுக்கு வழங்குவதன் மூலம் பொதுமக்களும் இந்நடவடிக்கைகளுக்கு ஒத்துழைக்க முடியும்.

எனவே, பெரியநிலாவனை முதல் பொத்துவில் வரையான பகுதிகளில் விசேட அதிரடிப்படையினர், பொலிஸார் மற்றும் ஏனைய பாதுகாப்புத் தரப்பினர் இணைந்து வீதியோரச் சோதனைகள், திடீர் சுற்றிவளைப்புகள் மற்றும் தொடர்ச்சியான கண்காணிப்பு நடவடிக்கைகளை முன்னெடுக்க வேண்டும்.

போதைப்பொருள் இல்லாத சமூகத்தைக் கட்டியெழுப்புவதும், எதிர்காலச் சந்ததியினருக்கு போதைப்பொருளற்ற நாட்டை ஒப்படைப்பதும் நம் அனைவரினதும் கூட்டுப் பொறுப்பாகும்.

இதற்கான வலுவான நடவடிக்கைகள் இப்போதே ஆரம்பிக்கப்பட வேண்டும். பாதுகாப்புத் தரப்பினரின் ஒருங்கிணைந்த செயற்பாடும் பொதுமக்களின் முழுமையான ஒத்துழைப்பும் கிடைக்குமாயின், கிழக்கு மாகாணத்தில் போதைப்பொருள் அச்சுறுத்தலைக் கணிசமாகக் குறைக்க முடியும் என்பதில் ஐயமில்லை.
, ,

November 05, 2026


 பாறுக் ஷிஹான்


அம்பாறை மாவட்டம், சம்மாந்துறை பொலிஸ் பிரிவுக்குட்பட்ட பகுதியில் கடமையில் ஈடுபட்டிருந்த போக்குவரத்துப் பொலிஸாரை மோட்டார் சைக்கிளால் மோதிவிட்டு தப்பிச் செல்ல முயன்ற இரு இளைஞர்களை எதிர்வரும் நவம்பர் 18ஆம் திகதி வரை விளக்கமறியலில் வைக்குமாறு சம்மாந்துறை நீதிவான் நீதிமன்றம் உத்தரவிட்டுள்ளது.

சம்மாந்துறை சுகாதார வைத்திய அதிகாரி பணிமனைக்கு அருகிலுள்ள பிரதான வீதியில் செவ்வாய்க்கிழமை (03) இரவு சுமார் 9 மணியளவில் இச்சம்பவம் இடம்பெற்றுள்ளது.

வீதிப் போக்குவரத்துக் கடமையில் ஈடுபட்டிருந்த சிரேஷ்ட பொலிஸ் அத்தியட்சகரின் கீழ் இயங்கும்  நெடுஞ்சாலைப் போக்குவரத்துப் பொலிஸ் பிரிவைச் சேர்ந்த அதிகாரிகள்  அவ்வீதியால் மோட்டார் சைக்கிளில் பயணித்த இரு இளைஞர்களை இடைமறித்து சோதனையிட முற்பட்டுள்ளனர்.

இதன்போது, குறித்த இளைஞர்கள் பொலிஸார் மீது மோட்டார் சைக்கிளை மோதிவிட்டு அங்கிருந்து தப்பிச் செல்ல முயன்றுள்ளனர். எனினும், சுதாகரித்துக் கொண்ட பொலிஸார் இரு இளைஞர்களையும் காயமடைந்த நிலையில் கைது செய்ததுடன், அவர்களை சம்மாந்துறை ஆதார வைத்தியசாலையில் அனுமதித்துள்ளனர்.

இச்சம்பவத்தில் காயமடைந்த இரு போக்குவரத்துப் பொலிஸ் உத்தியோகத்தர்களும் மேலதிக சிகிச்சைக்காக அம்பாறை பொது  வைத்தியசாலையில் அனுமதிக்கப்பட்டுள்ளனர்.


இச்சம்பவம் தொடர்பாக சம்மாந்துறை பொலிஸாரினால் நீதிமன்றத்தில் வழக்குத் தாக்கல் புதன்கிழமை (4) செய்யப்பட்டதைத் தொடர்ந்து  பொலிஸாரை மோதி விபத்தினை  ஏற்படுத்தியதாகக் குற்றஞ்சாட்டப்பட்ட இரு இளைஞர்களையும் எதிர்வரும் நவம்பர் 18ஆம் திகதி வரை விளக்கமறியலில் வைக்குமாறு நீதிவான் உத்தரவிட்டுள்ளார்.


கைது செய்யப்பட்ட இரு இளைஞர்களும் சுமார் 17 வயதுடையவர்கள் எனவும், சாரதி அனுமதிப்பத்திரமின்றி குறித்த மோட்டார் சைக்கிளைச் செலுத்தியதாகவும் பொலிஸாரின் ஆரம்பக்கட்ட விசாரணைகளில் தெரியவந்துள்ளது.மேலும், விளக்கமறியலில் வைக்கப்பட்டுள்ள குறித்த இருவரும்  மட்டக்களப்பு மாவட்டத்தின் கும்புறு மூலையில் அமைந்துள்ள சிறுவர் காப்பகத்தில் தடுத்து வைக்கப்பட்டுள்ளனர் என்பதும் குறிப்பிடத்தக்கது.

இதேவேளை, அண்மைக்காலமாக அம்பாறை மாவட்டத்தின் சம்மாந்துறை உள்ளிட்ட பல்வேறு பகுதிகளில் இரவு வேளைகளில் தலைக்கவசம் அணியாமலும், சாரதி அனுமதிப்பத்திரமின்றியும் சிறுவர்கள் மோட்டார் சைக்கிள்களைச் செலுத்தி வருகின்றமை அவதானிக்கப்பட்டுள்ளது.குறிப்பாக பெற்றோர் மற்றும் சகோதரர்களுக்குச் சொந்தமான மோட்டார் சைக்கிள்களை எடுத்துச் செல்லும் சாரதி அனுமதிப்பத்திரம் பெறாத சிறுவர்கள், வீதிகளில் அதிவேகமாகச் செலுத்தி சாகசங்களில் ஈடுபடுவதுடன், இதனால் விபத்துகளும் ஏற்படும் அபாயம் அதிகரித்துள்ளது.இவ்வாறான சம்பவங்களைக் கட்டுப்படுத்த பொலிஸார் பல்வேறு நடவடிக்கைகளை முன்னெடுத்து வருகின்ற போதிலும், பெற்றோர்களும் தமது பிள்ளைகள் தொடர்பில் அதிக கவனம் செலுத்த வேண்டும் என பொலிஸார் வேண்டுகோள் விடுத்துள்ளனர்

, ,

November 03, 2026


 பாறுக் ஷிஹான்


நிந்தவூர் பிரதேச சபையின் நிர்வாகச் செயற்பாடுகள், நிறுவன நிலைத்தன்மை மற்றும் பொதுமக்களுக்கு வழங்கப்படும் சேவைகளைப் பாதிக்கும் வகையில் சமூக ஊடகங்களில் போலியான தகவல்களையும் வதந்திகளையும் பரப்புவோருக்கு எதிராகக் கடுமையான சட்ட நடவடிக்கை எடுக்கப்படும் என நிந்தவூர் பிரதேச சபை எச்சரித்துள்ளது.

இது குறித்து நிந்தவூர் பிரதேச சபைத் தவிசாளரினால் வெளியிடப்பட்டுள்ள பொது அறிவித்தலில் மேலும் தெரிவிக்கப்பட்டுள்ளதாவது:

 சமூக ஊடகங்கள் உள்ளிட்ட பொதுத் தளங்களில் உறுதிப்படுத்தப்படாத தகவல்களைப் பரப்புதல், தவறான கருத்துக்களை வெளியிடுதல், வீண் வதந்திகளை உருவாக்குதல், காணொளிகள் மற்றும் நேரலைகள் (Live videos) மூலம் பொதுமக்கள் மத்தியில் குழப்பத்தையும் சர்ச்சைகளையும் ஏற்படுத்துதல் போன்ற செயற்பாடுகள் கவலைக்குரியதும் கண்டிக்கத்தக்கதுமாகும்.

இவ்வாறான செயற்பாடுகள் தொடர்பில் இனிவரும் காலங்களில் மிகுந்த அவதானத்துடன் செயற்படுவதுடன், சபையின் நற்பெயருக்கும் நிர்வாகச் செயற்பாடுகளுக்கும் பாதிப்பு ஏற்படுத்தும் வகையில் பொய்யான அல்லது அவதூறான தகவல்களைப் பரப்புவோர் தொடர்பில் உரிய ஆதாரங்களின் அடிப்படையில் நடைமுறையிலுள்ள சட்ட ஏற்பாடுகளுக்கு அமைவாகத் தேவையான சட்ட நடவடிக்கைகள் மேற்கொள்ளப்படும்.

 பொதுமக்களின் தேவைகள், சபையினால் வழங்கப்படும் சேவைகளில் காணப்படும் குறைபாடுகள், முறைப்பாடுகள் மற்றும் ஆக்கபூர்வமான ஆலோசனைகளைச் சபை அலுவலகத்தில் நேரடியாகவோ அல்லது பின்வரும் உத்தியோகபூர்வ வழிகளினூடாகவோ முன்வைக்க முடியும்:

தொலைபேசி இலக்கம்: 0672250035,மின்னஞ்சல்: psnintavur@gmail.com,முகநூல் பக்கம்: Pradeshiya Sabha - Nintavur (Inbox),நேரடித் தொடர்பு: கௌரவ தவிசாளர் மற்றும் சபை உறுப்பினர்கள் பொதுமக்களின் நியாயமான விமர்சனங்களுக்கும் கருத்துக்களுக்கும் சபை எப்போதும் மதிப்பளிக்கும். அதேவேளை, உண்மைக்குப் புறம்பான தகவல்களைப் பரப்புதல் மற்றும் சபையின் நற்பெயருக்குக் களங்கம் ஏற்படுத்தும் வகையில் சமூக வலைத்தளங்களில் செயற்படுவதைத் தவிர்த்துக்கொள்ள வேண்டும்.

சபையின் செயற்பாடுகளில் வெளிப்படைத்தன்மை, பொறுப்புக்கூறல் மற்றும் பொதுமக்களின் நம்பிக்கையைப் பேணுவதற்கு பொதுமக்கள் அனைவரும் முழுமையான ஒத்துழைப்பை வழங்க வேண்டும் என நிந்தவூர் பிரதேச சபைத் தவிசாளர் கேட்டுக்கொண்டுள்ளார்.
, ,

November 02, 2026



செய்தியாளர் - அப்துல் சலாம் யாசீம் -

 திருகோணமலை – கப்பல்துறை பகுதியில் இடம்பெற்ற துப்பாக்கிச் சூட்டுச் சம்பவத்தில் மூவர் காயமடைந்து வைத்தியசாலையில் சேர்க்கப்பட்டுள்ளனர்

, ,

October 31, 2026


 கடவத்தை பகுதியில் முச்சக்கரவண்டி ஒன்றை இலக்கு வைத்து பொலிஸார் இன்று (31) பிற்பகல் துப்பாக்கிச் சூடு நடத்தியுள்ளனர்.

 

பொலிஸாரின் சமிக்ஞையை மீறி குறித்த முச்சக்கரவண்டி பயணித்த நிலையில், இந்த துப்பாக்கிச் சூடு நடத்தப்பட்டுள்ளது.

 

இதன்போது, 16 வயதுடைய சிறுவன் ஒருவர் காயமடைந்த நிலையில் ராகம வைத்தியசாலையில் அனுமதிக்கப்பட்டுள்ளதாக தெரிவிக்கப்படுகின்றது.

, , ,

October 29, 2026

 


முன்னாள் அமைச்சர் விஜயதாச ராஜபக்சவின் புதல்வரான ரகித ராஜபக்சவுக்குச் சொந்தமான பல வங்கிக் கணக்குகள் முடக்கப்பட்டுள்ளதாக இலஞ்சம் ஊழல் ஆணைக்குழு தெரிவித்துள்ளது.


குறித்த வங்கிக் கணக்குகள் இடைநிறுத்தப்பட்டுள்ளதாகவும், இது தொடர்பான உத்தியோகபூர்வ அறிவித்தல் ரகித ராஜபக்சவின் இல்லத்திற்கு வழங்கப்பட்டுள்ளதாகவும் ஆணைக்குழு குறிப்பிட்டுள்ளது.

, ,

October 28, 2026

 


🚨 திருகோணமலை நீதிமன்றத்தில் பரபரப்பு! சந்தேகநபர் கூர்மையான ஆயுதத்தால் தனக்குத்தானே காயம்!


திருகோணமலை நீதிவான் நீதிமன்றத்தில் இன்று (28) சந்தேகநபர் ஒருவர் கூர்மையான சிறிய ஆயுதத்தால் தனக்குத்தானே தாக்குதல் நடத்தியதாகத் தெரிவிக்கப்படுகிறது.


இதையடுத்து, காயமடைந்த அவர் திருகோணமலை பொது வைத்தியசாலையில் அனுமதிக்கப்பட்டுள்ளார். 


இந்தச் சம்பவத்தில் சிறு காயங்களுக்கு உள்ளான மேலும் இருவரும் வைத்தியசாலையில் அனுமதிக்கப்பட்டுள்ளனர்.


கைக்குண்டுகளைத் தம்வசம் வைத்திருந்ததாகச் சந்தேகத்தின் பேரில் ஐந்து பேரைத் திருகோணமலை தலைமையகப் பொலிஸார் சில தினங்களுக்கு முன்னர் கைது செய்திருந்தனர்.


அவர்களிடம் 48 மணித்தியாலங்கள் விசாரணைகளை முன்னெடுத்த பொலிஸார், மேலதிக விசாரணைகளுக்காக இன்று திருகோணமலை நீதிவான் எம்.எஸ்.எம். சம்சுதீன் முன்னிலையில் அவர்களை ஆஜர்படுத்தியபோதே இந்தச் சம்பவம் இடம்பெற்றுள்ளது.


பொலிஸாரின் கண்காணிப்பில் இருந்த சந்தேகநபரிடம் கூர்மையான ஆயுதம் எவ்வாறு இருந்தது என்பது தொடர்பில் தீவிர விசாரணைகளை முன்னெடுக்குமாறு நீதிவான் பொலிஸாருக்கு உத்தரவிட்டுள்ளார்.


📌 மேலதிக விபரங்கள் உள்ளே...


🔴 செங்கதிர் பேஸ்புக் பக்கத்தைப் பின் தொடருங்கள்!


𝗙𝗢𝗟𝗟𝗢𝗪 𝗨𝗦 𝗢𝗡

🙏 Like us on Facebook 👉 https://www.facebook.com/share/19DkrR1VC3/


🙏 WhatsApp 👉 https://chat.whatsapp.com/GO7CbPBiuDs2AG5MnuTU5F


#திருகோணமலை #நீதிமன்றம் #பரபரப்பு #சந்தேகநபர் #பொலிஸார் #இலங்கைசெய்திகள் #திருகோணமலைசெய்திகள் #BreakingNews #Senkathir #SenkathirNews

, ,

October 28, 2026


 வண்ணாத்திவில்லு, லக்டோஸ்வத்தை பகுதியில் பயங்கரவாதப் பயிற்சி முகாம் நடத்தி வந்தமை உள்ளிட்ட குற்றச்சாட்டுகளை ஒப்புக்கொண்ட மொஹமட் சரிபு ஆதம் லெப்பை எனப்படும் கபூர் மாமாவுக்கு, கொழும்பு விசேட மூவரடங்கிய மேல் நீதிமன்றம் 12 ஆண்டுகள் கடூழியச் சிறைத்தண்டனை விதித்துள்ளது.

, ,

October 25, 2026

 


[அம்பாறை நிருபர் - பாறுக் ஷிஹான்]


விசேட சோதனையின்  போது  125 பியர் போத்தல்கள் மற்றும் 12 அதிவிசேட   சாராய போத்தல்கள் உள்ளிட்ட பெருந்தொகையான மதுபானங்களை சட்டவிரோதமாக விற்பனைக்காக வைத்திருந்த   36 வயதுடைய சந்தேக நபரை சம்மாந்துறை பொலிஸார் கைது செய்துள்ளனர்.

அம்பாறை மாவட்டம்  சம்மாந்துறை பொலிஸ் பிரிவுக்குட்பட்ட வளத்தாப்பிட்டி பகுதியில் சட்டவிரோதமாக விற்பனை செய்வதற்காகப் பதுக்கி வைக்கப்பட்டிருந்த ஒரு இலட்சம் ரூபாய்க்கும் அதிக பெறுமதியான மதுபான போத்தல்கள் குறித்த இரகசிய தகவல்  சம்மாந்துறை பொலிஸாருக்கு  இன்று (25) ஞாயிற்றுக்கிழமை கிடைக்கப்பெற்றிருந்தது.

இதற்கமைய பொலிஸார் மேற்கொண்ட திடீர் நடவடிக்கையில்  சந்தேக நபர் உட்பட சான்றுப்பொருட்கள் யாவும் கைப்பற்றப்பட்ட  மேலதிக சட்ட நடவடிக்கைகளுக்காகச் சம்மாந்துறை நீதிவான் நீதிமன்றத்தில் ஆஜர்படுத்த நடவடிக்கை மேற்கொள்ளப்பட்டு வருகின்றமை குறிப்பிடத்தக்கது.

மேலும் கிழக்கு மாகாணத்திற்குப் பொறுப்பான சிரேஷ்ட பிரதிப் பொலிஸ் மா அதிபர் மகேஷ் சேனரத்னவின் பணிப்புரைக்கு அமைவாகவும்  அம்பாறை மாவட்ட பிரதிப் பொலிஸ் மா அதிபர் சுஜித் வேதமுல்லவின் உத்தரவின் பேரிலும்  அம்பாறை மாவட்ட சிரேஷ்ட பொலிஸ் அத்தியட்சகர் பிரியந்த பண்டார கஸ்தூரி ஆராய்ச்சியின் நேரடி வழிநடத்தலிலும் கல்முனை பிராந்திய உதவிப் பொலிஸ் அத்தியட்சகர் இப்னு அசாரின் நெறிப்படுத்தலில்  சம்மாந்துறை பொலிஸ் நிலையப் பொறுப்பதிகாரி டபிள்யூ.ஏ.என். நிசாந்த பிரதீப் குமாரவின் ஆலோசனையின் பேரில்  ஊழல் ஒழிப்புப் பிரிவின் பொறுப்பதிகாரி என். றிபாய்டீன் தலைமையிலான பொலிஸ் குழுவினரால்
இந்நடவடிக்கை முன்னெடுக்கப்பட்டது.


சம்பவம் தொடர்பான மேலதிக விசாரணைகளைச் சம்மாந்துறைப் பொலிஸார்  முன்னெடுத்து வருகின்றனர்.
, ,

October 24, 2026


 தனிப்பட்ட தேவைக்காக அரச வாகனத்தைப் பயன்படுத்திய விவகாரம்: முன்னாள் அமைச்சர் ஃபௌஸி பகிரங்க மன்னிப்பு…!!!!


இலங்கையின் முன்னாள் அனர்த்த முகாமைத்துவ அமைச்சர் ஏ.எச்.எம். ஃபௌஸி, அரச வாகனத்தைத் தனிப்பட்ட தேவைக்காகப் பயன்படுத்தியமை தொடர்பாக, ஒக்டோபர் 24ஆம் திகதி சிங்கள அரச செய்தித்தாளில் பகிரங்க மன்னிப்புக் கோரியுள்ளார்.


உச்ச நீதிமன்ற உத்தரவின்படி, அவர் அரசின் ஒருங்கிணைந்த நிதியத்திற்கு சுமார் ரூ. 66 இலட்சம் செலுத்துவதுடன், சிங்களம், தமிழ் மற்றும் ஆங்கில செய்தித்தாள்களிலும் மன்னிப்பை வெளியிட வேண்டும்.


நெதர்லாந்து அரசாங்கம் இலங்கையின் அனர்த்த முகாமைத்துவப் பணிகளுக்காக வழங்கிய வாகனத்தைத் தனிப்பட்ட தேவைக்குப் பயன்படுத்தியதன் மூலம், அரசியலமைப்பின் 12(1)ஆம் உறுப்புரையின் கீழ் உறுதிப்படுத்தப்பட்ட சமத்துவ அடிப்படை உரிமையை அவர் மீறியுள்ளதாக நீதிமன்றம் தீர்ப்பளித்துள்ளது.

, ,

October 21, 2026

 


October 21, 2026 at 6:19 PM


கம்பஹா நீதவான் பந்துல குணரத்ன, நீதிமன்ற உத்தரவை நடைமுறைப்படுத்தத் தவறியமைக்காக, பொலிஸ் மா அதிபர் பிரியந்த வீரசூரியவுக்கு எதிராக நீதிமன்ற அவமதிப்பு நடவடிக்கைகளைத் தொடங்குமாறு, மேன்முறையீட்டு நீதிமன்றத் தலைவருக்குக் கோப்பு ஒன்றை அனுப்பி வைத்துள்ளார்.


பிபிசி சிங்களச் சேவையின் தகவல்படி, பொலிஸ் மா அதிபர் நீதிமன்றத்தின் அறிவுறுத்தல்களைப் புறக்கணித்துள்ளதாகத் தெரிவித்த நீதவான், பொலிஸார் நீதித்துறையைத் தவறாக வழிநடத்த முயற்சிப்பதாகக் குற்றம் சாட்டினார்.


கம்பஹா பொலிஸ் ஊழல் தடுப்புப் பிரிவின் அதிகாரிகள், ஒரே நபர் மீது போதைப்பொருள் தொடர்பான இரண்டு வழக்குகளைத் தொடர்ந்ததிலிருந்தே இந்தச் சிக்கல் உருவானது.


இந்த வழக்குகள் முறையான காரணமின்றித் தொடரப்பட்டவை என்று கண்டறிந்த நீதவான், மூன்று பொலிஸ் அதிகாரிகள் மற்றும் பொலிஸ் திணைக்களம் ஆகிய தரப்பினர், பாதிக்கப்பட்ட நபருக்கு இழப்பீடாக மொத்தம் 200,000 ரூபாயைச் செலுத்த வேண்டும் என்று உத்தரவிட்டிருந்தார்.


மேலும், அப்பாவிப் பொதுமக்கள் மீது நியாயமற்ற வழக்குகளைத் தொடர வேண்டாம் என்று பொலிஸ் அதிகாரிகளுக்கு அறிவுறுத்தும் வகையில், நாடு தழுவிய சுற்றறிக்கை ஒன்றை வெளியிடுமாறும் பொலிஸ் மா அதிபருக்கு நீதிமன்றம் பணித்திருந்தது.


இருப்பினும், அக்டோபர் 21 அன்று இந்த விவகாரம் மீண்டும் விசாரணைக்கு வந்தபோது, ​​மேல் மாகாண வடக்கு வலயத்திற்குப் பொறுப்பான பிரதிப் பொலிஸ் மா அதிபரால் அக்டோபர் 19 அன்று வெளியிடப்பட்ட வழிகாட்டுதல்களைப் பொலிஸ் தரப்பினர் சமர்ப்பித்தனர். இவை மூன்று பொலிஸ் பிரிவுகளுக்கு மட்டுமே பொருந்தக்கூடியவை.


இந்த ஆவணத்தை நிராகரித்த நீதவான், இலங்கை முழுவதும் உள்ள அனைத்து பொலிஸ் அதிகாரிகளுக்கும் பொருந்தும் வகையில் அறிவுறுத்தல்களை வெளியிடுமாறுதான் தனது ஆரம்ப உத்தரவில் தெளிவாகக் குறிப்பிடப்பட்டிருந்தது என்று சுட்டிக்காட்டினார்.


"இது என்னை தவறாக வழிநடத்த மேற்கொள்ளப்பட்ட முயற்சி" என்று நீதவான் பகிரங்க நீதிமன்றத்தில் குறிப்பிட்டார் என பிபிசி சிங்களச் சேவை செய்தி வெளியிட்டுள்ளது.


நீதிமன்றத்தின் அறிவுறுத்தல்களைச் செயல்படுத்துவதற்கு சுமார் ஐந்து மாத கால அவகாசம் வழங்கப்பட்டிருந்தும், பொலிஸார் அதனைச் செய்யத் தவறியதை அவர் கடுமையாக விமர்சித்தார்.


இதனைத் தொடர்ந்து, பொலிஸ் மா அதிபருக்கு எதிராக நீதிமன்ற அவமதிப்பு நடவடிக்கைகளை எடுப்பதற்காக, சம்பந்தப்பட்ட வழக்குக் கோப்புகளை மேன்முறையீட்டு நீதிமன்றத் தலைவருக்கு அனுப்பி வைக்குமாறு நீதவான் உத்தரவிட்டார். 

(NewsWire)

, ,

October 21, 2026


 களுத்துறை சிறைச்சாலை வளாகத்திற்கு வெளியே இருந்து பொதிகளை உள்ளே வீச முயன்ற நபர் ஒருவரை எச்சரிக்கும் வகையில், இன்று (21) பிற்பகல் சிறைச்சாலை அதிகாரிகள் வானத்தை நோக்கித் துப்பாக்கிச் சூடு நடத்தியுள்ளனர்.


சிறைச்சாலையின் பாதுகாப்புக் கோபுரங்களில் பணியிலிருந்த அதிகாரிகள், குறித்த நபரை அங்கிருந்து வெளியேறுமாறு அறிவுறுத்தியுள்ளனர். எனினும், அவர் பொதிகளைச் சிறைச்சாலைக்குள் வீசியதைத் தொடர்ந்து அதிகாரிகள் எச்சரிக்கை துப்பாக்கிச் சூடு நடத்தியதாகத் தெரிவிக்கப்படுகிறது.


அவர் வீசிய பொதிகளில் இரண்டு சிறைச்சாலை வளாகத்திற்குள் விழுந்துள்ளன. அவற்றில் போதைப்பொருட்கள் மற்றும் கஞ்சா இருந்ததாக சிறைச்சாலை வட்டாரங்கள் தெரிவித்துள்ளன.


துப்பாக்கிச் சூட்டைத் தொடர்ந்து குறித்த நபர் அங்கிருந்து தப்பிச் சென்றுள்ளதுடன், சம்பவம் தொடர்பான விசாரணைகளும் ஆரம்பிக்கப்பட்டுள்ளன.


, ,

October 21, 2026

 


திருகோணமலை பொலிஸ் பிரிவுக்குட்பட்ட சிங்ஹபுர, 04ஆம் கட்டை பகுதியில் ஹோட்டல் உரிமையாளர் ஒருவர் கழுத்து அறுத்துக் கொலை செய்யப்பட்டுள்ளார்.


நேற்று இரவு 8.00 மணிக்கும் 9.00 மணிக்கும் இடைப்பட்ட நேரத்தில் இந்தக் கொலைச் சம்பவம் இடம்பெற்றுள்ளதாகத் தெரிவிக்கப்படுகிறது.


இவ்வாறு கொலை செய்யப்பட்டவர், இலக்கம் 54, சிங்ஹபுர, 04ஆம் கட்டை, திருகோணமலை என்ற முகவரியில் வசித்து வந்த மவுண்ட் வியூ கெஸ்ட் ஹோட்டலின் உரிமையாளரான டபிள்யூ.கே. நிமல் கொஸ்கொல்ல (56) என அடையாளம் காணப்பட்டுள்ளார்.


குறித்த கொலையை ஏதேனுமொரு குழுவினர் மேற்கொண்டுள்ளதாகத் தகவல்கள் வெளியாகியுள்ளன. 


எனினும், கொலைக்கான காரணம் இதுவரை கண்டறியப்படவில்லை. சம்பவம் தொடர்பில் திருகோணமலை பொலிஸார் தீவிர விசாரணைகளை மேற்கொண்டு வருகின்றனர்.


அப்துல் சலாம் யாசீம்

, ,

October 19, 2026


 ‘காவந்திஸ்ஸ’ யானை சுடப்பட்ட சம்பவம் தொடர்பில் கைது செய்யப்பட்ட முக்கிய சந்தேக நபர்கள் இருவரையும் எதிர்வரும் ஒக்டோபர் 28ஆம் திகதி வரை விளக்கமறியலில் வைக்குமாறு நீதிமன்றம் உத்தரவிட்டுள்ளது.


சந்தேக நபர்கள் இன்று (19) பிற்பகல் நீதிமன்றத்தில் முன்னிலைப்படுத்தப்பட்டபோது, மஹோ நீதிவான் அனுராத செனவிரத்ன இந்த உத்தரவைப் பிறப்பித்தார்.

, , ,

October 18, 2026

 


நாட்டுக்குள் சட்டவிரோதமாக இறக்குமதி செய்யப்பட்ட 2 கோடி ரூபா பெறுமதியான 7 வாகனங்கள் யாழ்ப்பாணம் மாவட்ட குற்றத்தடுப்புப் பிரிவால் கைப்பற்றப்பட்டன.


யாழ்ப்பாணம் மாவட்ட குற்றத்தடுப்புப் பிரிவினருக்குக் கிடைத்த தகவல்களுக்கு அமையவே இந்த நடவடிக்கை எடுக்கப்பட்டது. 


2 கோடி ரூபா பெறுமதியான குறித்த வாகனங்களில், 4 வாகனங்கள் அதிநவீன மோட்டார் சைக்கிள்கள் என்றும் அவை எவற்றுக்கும் பதிவுப் புத்தகங்கள் இல்லை என்றும் கூறப்படுகின்றது. 


ஏனைய மூன்று வாகனங்களில் ஒரு வாகனம் போலிப் பதிவு காரணமாகவும், இரண்டு வாகனங்கள் இலங்கையில் தடைசெய்யப்பட்ட வாகனங்கள் என்பதாலும் பறிமுதல் செய்யப்பட்டுள்ளன.


இந்த விடயம் தொடர்பில் சந்தேகநபர் ஒருவர் கைது செய்யப்பட்டுள்ள நிலையில், அவரிடம் மேலதிக விசாரணைகள் இடம்பெற்று வருகின்றன.


, ,

October 16, 2026

 


மட்டக்களப்பில் 16 வயது சிறுமியை பாலியல் துஷ்பிரயோகம் செய்தவருக்கு 10 ஆண்டுகள் கடூழிய சிறை!

மட்டக்களப்பு வாழைச்சேனை பொலிஸ் பிரிவில் மனைவியின் சகோதரியான 16 வயது சிறுமியை  2015ஆம் ஆண்டு பாலியல் துஷ்பிரயோகம் செய்த நபருக்கு 10 ஆண்டுகள் கடூழிய சிறைத் தண்டனையும் 5 ஆயிரம் ரூபாய் அபராதமும் சிறுமிக்கு நஷ்ட ஈடாக 50 ஆயிரம் ரூபாயும் செலுத்துமாறு மட்டக்களப்பு மேல் நீதிமன்ற நீதிபதி ரி.ஜே. பிரபாகரன் இன்று வெள்ளிக்கிழமை (16) தீர்ப்பளித்தார்.


குறித்த சிறுமியை 2015 ஜனவரி 15ஆம் திகதிக்கும் டிசம்பர் 31ஆம் திகதிக்கும் உட்பட்ட காலத்தில் மாங்கேணி பிரதேசத்தில் வைத்து பாலியல் துஷ்பிரயோகத்துக்கு உட்படுத்திய குற்றச்சாட்டில் இந்த சந்தேக நபர் கைது செய்யப்பட்டார்.


கைது செய்யப்பட்ட இந்நபருக்கு எதிராக வாழைச்சேனை  பொலிஸாரால் நீதவான் நீதிமன்றத்தில் வழக்கு தாக்கல் செய்யப்பட்டு விசாரணையின் பின்னர் 2023இல் மேல் நீதிமன்றத்துக்கு மாற்றப்பட்டு, இவ்வழக்கு விசாரணை தொடர்ந்து இடம்பெற்று வந்த நிலையில் வழக்கு தொடுநர் சார்பில் அரச சட்டத்தரணிகளான எஸ். அனுஷாங்கன் மற்றும் ரி.தர்சிகா ஆகியோர் ஆஜராகி வாதாடி வந்தனர்.


இந்நிலையில் கடந்த செப்டம்பர் 18ஆம் திகதி   குறித்த நபர் நீதிமன்றில் குற்றவாளியாக ஆதாரங்களுடன் இனங்காணப்பட்டு, இன்றைய திகதியான ஒக்டோபர் 16 தண்டனைத் தீர்ப்பு வழங்கும் திகதி அறிவிக்கப்பட்டது.


இந்நிலையில் குறித்த நபருக்கு 10 வருட கடூழிய சிறைத் தண்டனையும் 5 ஆயிரம் ரூபாய் அபராதமாக செலுத்துமாறும் பாதிக்கப்பட்ட சிறுமிக்கு 50 ஆயிரம் ரூபாய் நஷ்ட ஈடு வழங்குமாறும் மட்டக்களப்பு மேல் நீதிமன்ற நீதிபதி ரி.ஜே. பிரபாகரன் இன்று தீர்ப்பினை அறிவித்தார். 


#Batticaloa #Valaichchenai #ChildProtection #SriLankaNews

, ,

October 15, 2026


 மட்டக்களப்பு மயிலத்தமடுவில் துயரம் - மேய்ச்சலுக்குச் சென்ற பசுக்கள் மீது துப்பாக்கிச் சூடு!


மட்டக்களப்பு மாவட்டத்தின் மயிலத்தமடு, மாதவனை மேய்ச்சல்தரைப் பிரச்சினைக்கு நீண்டகாலமாக நிரந்தரத் தீர்வு எட்டப்படாத நிலையில், அப்பகுதியில் மேய்ச்சலுக்காகச் சென்ற பசுக்கள் துப்பாக்கிச் சூட்டுக் காயங்களுடன் திரும்பி வந்துள்ளதாகப் பண்ணையாளர்கள் மிகுந்த கவலையும் அச்சமும் வெளியிட்டுள்ளனர்.


​வாழ்வாதாரத்தை இழந்து நிற்கும் பண்ணையாளர்கள்.


​மயிலத்தமடு பகுதியில் காலகாலமாக கால்நடை வளர்ப்பில் ஈடுபட்டு வரும் பண்ணையாளர்கள், பல்வேறு சிரமங்களுக்கும் தொடர் அச்சுறுத்தல்களுக்கும் மத்தியில்தான் தமது வாழ்வாதாரத்தைக் கொண்டு நடத்தி வருகின்றனர்.


​இந்நிலையில், நேற்று (14.10.2026) ஆம் திகதி இரவு மேய்ச்சலுக்காகச் சென்ற பசுக்கள், இன்று (15.10.2026) ஆம் திகதி காலை கடுமையான துப்பாக்கிச் சூட்டுக் காயங்களுடன் பண்ணைகளுக்குத் திரும்பியுள்ளன.


​ஆக்கிரமிப்பாளர்களால் தொடரும் அச்சுறுத்தல்.


​இது குறித்துப் பண்ணையாளர்கள் கவலை தெரிவிக்கையில்,

​"வெளிய மாவட்டங்களிலிருந்து வந்து, எமது மேய்ச்சல்தரைப் பகுதியை அத்துமீறிச் சட்டவிரோதமாக ஆக்கிரமித்துப்பயிர்ச்செய்கையில் ஈடுபட்டு வருபவர்கள்தான் இவ்வாறு துப்பாக்கிகளைக் கொண்டு எமது வாய்பேச முடியாத பசுக்களைத் தினம் தினம் சுட்டுக் கொன்று வருகின்றனர்"

​எனத் தெரிவித்துள்ளனர்.


​தற்போதைய சூழலில் தாங்கள் வாழ்வதா அல்லது தமது பிரதான வாழ்வாதாரமான கால்நடை வளர்ப்பை மேற்கொள்வதா என்று அறியாது நிர்க்கதிக்குள்ளாகியுள்ளதாக அவர்கள் அங்கலாய்க்கின்றனர்.


​மனித உரிமைக் குழுக்களின் விஜயம் மற்றும் தொடரும் அவலம்.


​கடந்த மூன்று மாதங்களுக்கு முன்னர் மனித உரிமைகள் ஆணைக்குழுவின் அதிகாரிகள், சட்டத்தரணிகள், மனித உரிமை ஆர்வலர்கள் மற்றும் அரச உயர் அதிகாரிகள் பலரும் இப்பகுதிக்கு நேரடி விஜயம் செய்து, நிலவரங்களை நேரில் பார்வையிட்டுப் பண்ணையாளர்களிடம் குறைகளைக் கேட்டறிந்து சென்றிருந்தமை குறிப்பிடத்தக்கது.


​எனினும், இவ்வாறான உயர் மட்டப் பார்வைகளும் விஜயங்களும் இடம்பெற்ற போதிலும், பண்ணையாளர்களுக்கும் அவர்களின் கால்நடைகளுக்கும் எதிரான வன்முறைகளும் அச்சுறுத்தல்களும் இன்னும் குறைந்தபாடில்லை என்பது இப்பகுதியில் தொடரும் மனித உரிமை மீறல்களையும் வாழ்வாதாரச் சிக்கல்களையும் வெளிச்சம் போட்டுக் காட்டுகின்றன.


​இப்பிரச்சினைக்கு உடனடி மற்றும் நிரந்தரத் தீர்வு வழங்குமாறு உரிய தரப்பினரிடம் பாதிக்கப்பட்ட பண்ணையாளர்கள் கோரிக்கை விடுத்துள்ளனர்.

, ,

October 13, 2026

  


பாறுக் ஷிஹான்

அம்பாறை மற்றும் உகன பொலிஸ் பிரிவுகளுக்குட்பட்ட பகுதிகளில் இரண்டு பெண்களிடம் தங்கச் சங்கிலிகளைத் திருடிய முக்கிய சந்தேக நபர் உட்பட, அத்திருட்டுச் சம்பவங்களுடன் தொடர்புடைய நான்கு பேரை அம்பாறை பிராந்திய ஊழல் தடுப்புப் பிரிவு பொலிஸார் அதிரடியாகக் கைது செய்துள்ளனர்.

கடந்த ஜூலை மாதம் ஏசல பௌர்ணமி தினத்தன்று, அம்பாறையிலுள்ள கொண்டுவட்டுவான்  குளத்திற்கு அருகே பயணித்த பெண்ணொருவரின் தங்கச் சங்கிலி திருடப்பட்டிருந்தது. அதனைத் தொடர்ந்து, கடந்த ஓகஸ்ட் மாதம் 11ஆம் திகதி உகன  பகுதியில் மற்றொரு பெண்ணின் தங்கச் சங்கிலியும் இதே பாணியில் கொள்ளையடிக்கப்பட்டது.


இச்சம்பவங்கள் குறித்து அம்பாறை பிராந்திய ஊழல் தடுப்புப் பிரிவினர் நடத்திய விரிவான விசாரணைகளில், சங்கிலித் திருட்டில் ஈடுபட்ட முக்கிய சந்தேக நபர் குற்றச் செயல்களின் பின்னர் கொழும்பு - கடுவெல பகுதிக்குத் தப்பிச் சென்று அங்கு பேருந்து சாரதியாகப் பணிபுரிந்து வந்தது தெரியவந்தது.

இந்நிலையில், குறித்த சந்தேக நபர் திங்கட்கிழமை (12) அம்பாறைப் பகுதிக்குத் திரும்பியதாகக் கிடைத்த இரகசியத் தகவலையடுத்து, 'அம்பாறை இன்' விடுதிக்கு அருகில் வைத்துப் பொலிஸாரால்   கைது செய்யப்பட்டார்.



கல்முனைத் தங்கக் கடையில் உருக்கப்பட்ட நகைகள் மீட்பு:


கைது செய்யப்பட்ட முக்கிய சந்தேக நபரிடம் முன்னெடுக்கப்பட்ட தீவிர விசாரணைகளின் அடிப்படையில், திருடப்பட்ட சங்கிலிகளை விற்பனை செய்வதற்கு இடைத்தரகராகச் செயற்பட்ட அம்பாறை நகரிலுள்ள தங்கக் கடை ஊழியரொருவர் கைது செய்யப்பட்டார்.

அவரிடம் பெறப்பட்ட தகவலின் அடிப்படையில், திருடப்பட்ட இரண்டு சங்கிலிகளும் கல்முனையிலுள்ள பிரபல தங்கக் கடையொன்றிற்கு விற்பனை செய்யப்பட்டுள்ளமை அம்பலமானது. அதற்கமைய, உடனடியாகச் செயற்பட்ட பொலிஸார் கல்முனைத் தங்கக் கடைக்குச் சென்று, அங்கிருந்து உருக்கப்பட்ட நிலையிலிருந்த இரண்டு சங்கிலிகளையும் கைப்பற்றியதுடன், அக் கடையில் பணிபுரிந்த இருவரையும் கைது செய்தனர்.

கைப்பற்றப்பட்ட தங்க நகைகளின் சந்தைப் பெறுமதி சுமார் ஏழு இலட்சம்   ரூபாவிற்கும் அதிகம் எனப் பொலிஸார் தெரிவித்துள்ளனர். கைது செய்யப்பட்ட நான்கு சந்தேக நபர்களையும் மேலதிக சட்ட நடவடிக்கைகளுக்காக அம்பாறை நீதவான் நீதிமன்றத்தில் ஆஜர்படுத்த நடவடிக்கை எடுக்கப்பட்டு வருகின்றது.

அம்பாறை   மாவட்ட  பிரதிப் பொலிஸ் மா அதிபர் (DIG) சுஜித் வேடமுல்ல அவர்களின் உத்தரவின் பேரிலும், அம்பாறைப் பிராந்தியப் பொறுப்பான பொலிஸ் சிரேஷ்ட அத்தியட்சகர் (SSP) பிரியந்த பண்டார கஸ்தூரியாராச்சி அவர்களின் வழிகாட்டலிலும், உதவிப் பொலிஸ் அத்தியட்சகர் (ASP) சம்பத் விக்ரமரத்னவின் மேற்பார்வையிலும் இச்சுற்றிவளைப்பு முன்னெடுக்கப்பட்டது என எமது செய்தியாளர் பாறுக் சிதான் தெரிவித்தார்..

இச்சோதனை நடவடிக்கையில் அம்பாறைப் பிரிவு குற்றப் புலனாய்வுப் பிரிவின் பொறுப்பதிகாரி தனுஷ்க ரத்நாயக்க, ஊழல் ஒழிப்புப் பிரிவின் பொறுப்பதிகாரி முதித பிரியங்கர தலைமையில் பொலிஸ் கொஸ்தாபல்களான மக்பூல் (43383), சந்திரசேன (67667), ஜயம்பதி (2424), திஸாநாயக்க (86789), மதனசிங்க (35793), சஞ்சீவ (91287), சுனில் (95062) மற்றும் குணவர்தன (17478) ஆகியோர் கொண்ட பொலிஸ் குழுவினர்  சந்தேக நபர்களைக் கைது செய்துள்ளனர்.
, ,

October 12, 2026

 


யாழ்ப்பாணம் - பண்டத்தரிப்பு, பிரான்பற்று பகுதியில் இரு குழுக்களிடையே நேற்றிரவு இடம்பெற்ற மோதலில் சிலர் காயமடைந்த நிலையில் வைத்தியசாலையில் சிகிச்சை பெற்று வருகின்றனர்.


பிரான்பற்று மற்றும் நிற்சாமம் பகுதிகளைச் சேர்ந்த இளைஞர்களுக்கு இடையே இந்த மோதல் இடம்பெற்றுள்ளதாகத் தெரிவிக்கப்படுகிறது.


இதனையடுத்து, சம்பவ இடத்துக்குச் சென்ற இளவாலை பொலிஸார் மற்றும் விசேட குழுவினர் பெரும் முயற்சியின் பின்னர் மோதலைக் கட்டுப்பாட்டுக்குள் கொண்டு வந்தனர்.


மோதலில் காயமடைந்த சிலர் வைத்தியசாலையில் சேர்க்கப்பட்டு சிகிச்சை பெற்று வருகின்றனர்.


இச்சம்பவம் தொடர்பில் சிலரைப் பொலிஸார் கைது செய்துள்ளதுடன், அவர்களிடம் விசாரணைகளை முன்னெடுத்து வருகின்றனர். 

விசாரணைகளின் பின்னர் சந்தேகநபர்களை நீதிமன்றத்தில் முற்படுத்துவதற்கான நடவடிக்கைகளைப் பொலிஸார் மேற்கொண்டு வருகின்றனர்.


(பு.கஜிந்தன்)

, ,

October 09, 2026

🚨ஒழுக்காற்று விசாரணையில் குற்றம் நிரூபிக்கப்பட்டதால் தற்காலிக பணிநிறுத்தம் செய்யப்பட்டிருந்த முன்னாள் நீதிபதி திலின கமகே பதவியிலிருந்து நீக்கப்பட்டார்!

#

Subscribe to: Posts (Atom)

இணையவழி,குறுந்தகவல் மூலமாக, பொருட்களைச்,சந்தைப்படுத்துங்கள்! On WEB-ceylon24.com On Twitter @ceylon24 Tel:0777 761 477, 0759 761 477

Powered by Blogger.