.webp)
குறித்த வங்கிக் கணக்குகள் இடைநிறுத்தப்பட்டுள்ளதாகவும், இது தொடர்பான உத்தியோகபூர்வ அறிவித்தல் ரகித ராஜபக்சவின் இல்லத்திற்கு வழங்கப்பட்டுள்ளதாகவும் ஆணைக்குழு குறிப்பிட்டுள்ளது.
.jpg)
திருகோணமலை சிறைச்சாலையின் உதவி அத்தியட்சகர், 12,35,000 ரூபா இலஞ்சம் பெற்றதாகக் கூறப்படும் குற்றச்சாட்டின் பேரில் இலஞ்ச ஒழிப்பு ஆணைக்குழுவினால் கைது செய்யப்பட்டுள்ளார்.
சிறைக்கைதிகளுக்கான உலர் உணவு விநியோகஸ்தர் ஒருவரிடமிருந்து சிறைக்காவலர் ஒருவர் ஊடாக குறித்த இலஞ்சத் தொகையை கோரி பெற்றதாக அவர் மீது குற்றச்சாட்டு முன்வைக்கப்பட்டுள்ளது.
கொழும்பு குற்றத்தடுப்புப் பிரிவு அதிகாரிகளால் இன்று (4) நீதிமன்றத்தில் ஆஜர்படுத்தப்பட்ட பின்னர் இந்த உத்தரவு பிறப்பிக்கப்பட்டுள்ளது.
அத்துடன், ஞானசார தேரரை நாளை மேன்முறையீட்டு நீதிமன்றத்தில் ஆஜர்படுத்துவதற்கான நடவடிக்கைகளை மேற்கொள்ளுமாறும் நீதிமன்றம் உத்தரவிட்டுள்ளது.
கடந்த 2007ம் ஆண்டு காலப்பகுதியில், ஏறாவூர் பகுதியில், ஹொட்டேல் ஒன்றின் உரிமையாளரின் வீட்டுக்கு அத்துமீறிச் சென்று அவரது மனைவியான நாகமுத்து பிரேமாவதி என்ற பெண் ஒருவருக்கு மரணம் விளைவித்த குற்றவாளியான பாலதாஸ் பாலன் அல்லது திலகர் என்பவருக்கு, மட்டக்களப்பு மேல் நீதிமன்ற நீதிபதி T.J. பிரபாகரன் அவர்கள், மரண தண்டனை வழங்கித் தீர்ப்பளித்துள்ளளார்.
குறித்த வழக்கு ஏலவே மேல் நீதிமன்றில் விசாரிக்கப்பட்டு அப்போதைய மேல் நீதிமனட்ற நீதிபதி சந்திரா விஸ்வலிங்கம் அவர்களால் மரணதண்டணை விதிக்கப்பட்டிருந்தது. இதேவேளை, குறித்த குற்றவாளி தனக்கு எதிராக விதிக்கப்பட்ட மரண தண்டணையை எதிர்த்து மேன் முறையீடும் செய்திருந்தார். மேன் முறையீட்டு நீதிமன்றானது இந்த வழக்கினை் விசாரணைகளை மீள ஆரம்பிக்குமாறு மேல் நீதிமன்றுக்கு கட்டளை விதிக்கப்பட்டிருந்தது
இந்த வழக்கின் மீள் விசாரணைகள் இடம்பெற்று, இன்றைய தினம் குறித்த குற்றவாளிக்கு, மட்டக்களப்பு மேல் நீதிமன்ற கௌரவ நீதிபதி அவர்களால், மரண தண்டணை விதிக்கப்பட்டுள்ளது
இலங்கையில் 2019ஆம் ஆண்டு நடத்தப்பட்ட ஈஸ்டர் குண்டுத் தாக்குதல் சம்பவம் தொடர்பில், குற்றவாளிகளாக அடையாளம் காணப்பட்ட 15 பேருக்கு 200 வருடங்களுக்கும் அதிக கால கடூழிய சிறைத் தண்டனை விதிக்கப்பட்டுள்ளது.
கொழும்பு மூவரடங்கிய விசேட மேல் நீதிமன்றத்தினால் இந்த தீர்ப்பு நேற்று வழங்கப்பட்டுள்ளது.
அத்துடன், ஈஸ்டர் குண்டுத் தாக்குதல் சம்பவத்தில் சந்தேக நபர்களாக கைது செய்யப்பட்டு விளக்கமறியலில் வைக்கப்பட்டிருந்த 9 பேர் விடுவிக்கப்பட்டுள்ளனர்.
ஈஸ்டர் தொடர் தற்கொலை குண்டுத் தாக்குதல் சம்பவம் தொடர்பில் சந்தேகத்தின் பேரில் கைது செய்யப்பட்டவர்களில் 25 பேருக்கு எதிராக 23,270 குற்றச்சாட்டுக்களுடன், சட்ட மாஅதிபரினால் நீதிமன்றத்தில் குற்றப் பத்திரிகை தாக்கல் செய்யப்பட்டிருந்தது.
2021ஆம் ஆண்டு அக்டோபர் மாதம் 4ஆம் தேதி இந்த குற்றப் பத்திரிகையை சட்ட மாஅதிபர் தாக்கல் செய்திருந்தார்.
விளம்பரம்
இவ்வாறு குற்றப் பத்திரிகையில் பெயர் குறிப்பிடப்பட்ட 25 பேரில் ஒருவரான, யாசிம் பாவா அப்துல் ரவூப் 2023ஆம் ஆண்டு உயிரிழந்த நிலையில், இந்த வழக்கில் 24 பேரின் பெயர் உள்ளடக்கப்பட்டிருந்தன.
270-க்கும் அதிகமானோரின் உயிரிழப்பு மற்றும் 500-க்கும் அதிகமானோர் காயமடைய காரணமான தாக்குதலில் பயங்கரவாதத் தடைச் சட்டத்தின் கீழ் தண்டனை வழங்கப்பட வேண்டிய குற்றச்சாட்டு என்ற அடிப்படையில் 23,270 குற்றச்சாட்டுக்கள் சுமத்தப்பட்டு, வழக்கு தாக்கல் செய்யப்பட்டிருந்தது.
இந்த நிலையிலேயே, இந்த வழக்கின் தீர்ப்பு நேற்றைய தினம் வழங்கப்பட்டிருந்தது.
Skip அதிகம் படிக்கப்பட்டது and continue reading
அதிகம் படிக்கப்பட்டது
ரைலி லண்டனில் உள்ள கிங்ஸ் காலேஜ் மருத்துவமனையில் ஆறு வாரங்கள் சிகிச்சை பெற்ற
'2 சளி மருந்திலும் பாராசிட்டமால்' - அதிக அளவு உட்கொண்டதால் மீண்டும் நடக்கவும் பேசவும் கற்ற கல்லூரி மாணவர்
பொதுப் பேருந்து, பேருந்து மாற்று நிலையம் அல்லது முனையத்தின் எந்தப் பகுதியையாவது அழுக்காக்குவது" போன்ற கடுமையான குற்றங்களைச் செய்து பிடிபடும் பேருந்து பயணிகள் 5,000 அமெரிக்க டாலர் வரை அபராதத்தை எதிர்கொள்வார்கள்.
சிங்கப்பூரில் பேருந்துக்குள் சத்தமாக பாட்டு கேட்டால் என்ன தண்டனை தெரியுமா? புதிய விதிகள் அறிவிப்பு
செளதி அரேபியாவில் மரண தண்டனை விதிக்கப்பட்ட இலங்கை இளைஞர் சிவராசா அனோஜன்
முகமது நபிகள் பற்றி பேஸ்புக் பதிவு: செளதியில் இலங்கை தமிழருக்கு மரண தண்டனை - காப்பாற்ற தீவிர முயற்சி
மஞ்சள் கரு சாப்பிட்டால் மாரடைப்பு வருமா? ஒரு நாளைக்கு எத்தனை முட்டை சாப்பிடலாம்? 7 கேள்வி- பதில்
End of அதிகம் படிக்கப்பட்டது
இதன்படி, 15 பேர் குற்றவாளிகளாக அடையாளம் காணப்பட்டதுடன், எஞ்சிய 9 பேர் விடுதலை செய்யப்பட்டிருந்தனர்.
குற்றவாளிகளாக அடையாளப்படுத்தப்பட்ட 15 பேர் யார்?
ஈஸ்டர் குண்டுத் தாக்குதல், இலங்கை, நீதிமன்றம், சிறைத் தண்டனை பட மூலாதாரம்,Getty Images
வாட்ஸ்அப் விளம்பரம் - ஐ புறக்கணித்துவிட்டு தொடர்ந்து படிக்கவும்
வாட்ஸ்அப் விளம்பரம் - படம்
வாட்ஸ்ஆப்பில்
பிபிசி தமிழ் செய்திகளை செல்போனிலேயே படிக்கலாம்
பின்தொடர கிளிக் செய்யவும்
வாட்ஸ்அப் விளம்பரம் - முடிவு
01.மொஹமட் இப்ரைஹிம் மொஹமட் நவுபர் என அழைக்கப்படும் நவுபர் மௌலவி
இந்த வழக்கில் முதலாவது சந்தேகநபராக மொஹமட் இப்ரைஹிம் மொஹமட் நவுபர் என அழைக்கப்படும் நவுபர் மௌலவி இந்த வழக்கில் பெயரிடப்பட்டிருந்தார்.
இந்த வழக்கில் நவுபர் மௌலவி மீது 940 குற்றச்சாட்டுக்கள் முன்வைக்கப்பட்டுள்ளன.
நீதிமன்றத்தில் சாட்சி கூண்டிலிருந்து நவுபர் மௌலவி சாட்சி வழங்கியிருந்தார்.
''இந்த வழக்கில் எனக்கு குற்றச்சாட்டுக்கள் முன்வைக்கப்பட்டுள்ளன. சஹரான், வஸ்துன், இன்ஷாப், இல்ஹாம் உள்ளிட்ட தற்கொலை குண்டுத் தாக்குதலை நடாத்தியவர்கள் உள்ளடங்களாக 9 பேருடன் இணைந்து தேசிய ஒற்றுமைக்கு பங்கம் விளைவிக்கும் வகையில் இனவாதம் மற்றும் பயங்கரவாத நடவடிக்கைகளை மேற்கொள்ள முயற்சித்ததாக குற்றம் சுமத்தப்பட்டுள்ளது. அதேபோன்று, மேலும் பல குற்றச்சாட்டுக்கள் முன்வைக்கப்பட்டுள்ளன. இனவாதம் மற்றும் பயங்கரவாத கருத்தரங்குகளை செய்ததன் ஊடாக இனங்களுக்கு இடையில் ஒன்றுமை மற்றும் நல்லிணக்கத்தை சீர்குலைப்பதற்கு நடவடிக்கை எடுக்கப்பட்டதாகவும், அது தொடர்பில் எனக்கு எதிராக 940 குற்றச்சாட்டுக்கள் முன்வைக்கப்பட்டுள்ளன. அந்த அனைத்து குற்றச்சாட்டுக்களையும் நான் நிராகரிக்கின்றேன்." என அவர் குறிப்பிட்டிருந்தார்.
மொஹமட் இப்ரைஹிம் மொஹமட் நவுபர் என அழைக்கப்படும் நவுபர் மௌலவிக்கு 220 வருட கடூழிய சிறைத் தண்டனை விதிக்கப்பட்டுள்ளது.
02.மொஹமட் ஷரிப் ஆதம் லெப்பை
தேசிய தவ்ஹீத் ஜமாஅத் அமைப்பின் தலைவராக செயற்பட்டு, தற்கொலை குண்டுத் தாக்குதலில் தற்கொலை குண்டை வெடிக்க செய்த சஹரான் ஹஷீமின் மாமனாரே மொஹமட் ஷரிப் ஆதம் லெப்பை ஆவார்.
இவர் இந்த வழக்கின் முக்கிய சந்தேக நபராக அடையாளப்படுத்தப்பட்டு, பின்னர் நீதிமன்றத்தினால் குற்றவாளியாக அடையாளம் காணப்பட்டிருந்தார்.
இந்த நிலையில், மொஹமட் ஷரிப் ஆதம் லெப்பைக்கு 240 வருட கடூழிய சிறைத் தண்டனை விதிக்கப்பட்டுள்ளது.
''எனக்கு எதிராக முன்வைக்கப்பட்டுள்ள அனைத்து குற்றச்சாட்டுக்களையும் நான் நிராகரிக்கின்றேன். இந்த அனைத்து குற்றச்சாட்டுக்களும் குற்றப் புலனாய்வு திணைக்களத்தினால் புனையப்பட்ட குற்றச்சாட்டுக்கள் என கூறுகின்றேன். சஹரானின் மாமனார் என்பதற்காக மாத்திரமே என்மீது இந்த குற்றச்சாட்டுக்களை சுமத்தியுள்ளார்கள்." என அவர் குறிப்பிட்டிருந்தார்.
ஈஸ்டர் குண்டுத் தாக்குதல், இலங்கை, நீதிமன்றம், சிறைத் தண்டனை
படக்குறிப்பு,கட்டுவபிட்டிய தேவாலயத்திற்கு அருகே நடந்த தாக்குதலில் கொல்லப்பட்டவர்களின் கல்லறைகள்
03.ஹயாத்து மொஹமட் மில்ஹான் (அபு சிலா)
ஹயாத்து மொஹமட் மில்ஹான் என அழைக்கப்படும் அபு சிலாவிற்கு நேற்றைய தினம் 240 வருட கடூழிய சிறைத் தண்டனை விதிக்கப்பட்டிருந்தது.
ஆயுதப் பயிற்சிகளை வழங்கிய குற்றச்சாட்டு சுமத்தப்பட்டு, இவர் மீது குற்றப் பத்திரிகை தாக்கல் செய்யப்பட்டிருந்தது.
குறிப்பாக தேசிய தவ்ஹீத் ஜமாஅத் அமைப்புடன் இணைந்து, பாடசாலை மாணவர்கள் உள்ளிட்ட தரப்பினருக்கு ரி-56 ரக துப்பாக்கி, கைத்துப்பாக்கி மற்றும் கத்தி தாக்குதல் நடாத்துவதற்கான பயிற்சிகளை வழங்கியமையின் ஊடாக, தாக்குதலை நடாத்துவதற்கு ஆதரவு வழங்கியதாக குற்றச்சாட்டுக்கள் முன்வைக்கப்பட்டிருந்தன.
04.மொஹமட் இப்ரைஹிம் சாதீக் அப்துல்லா (அபு உமர்)
அபு உமர் மீது சுமத்தப்பட்ட குற்றச்சாட்டுகள் நிரூபிக்கப்பட்ட நிலையில், அவருக்கு 240 வருட கடூழிய சிறைத் தண்டனை விதித்து நீதிமன்றம் தீர்ப்பு வழங்கியுள்ளது.
வண்ணாத்திவில்லு பகுதியில் இரகசியமான முறையில் நடாத்தி செல்லப்பட்ட பயங்கரவாத பயிற்சி முகாமில் ஆயுத பயிற்சி பெற்றுக்கொண்டமை உள்ளிட்ட குற்றச்சாட்டுக்கள் சுமத்தப்பட்டு இவர் மீது சட்ட மாஅதிபரினால் வழக்கு தாக்கல் செய்யப்பட்டிருந்தது.
05.மொஹமட் அன்வர் மொஹமட் ரிஸ்கான் (அபு தாரிக்)
அபு தாரிக் என அழைக்கப்படும் மொஹமட் அன்வர் மொஹமட் ரிஸ்கான் என்ற நபருக்கு 200 வருட கடூழிய சிறைத் தண்டனை விதிக்கப்பட்டுள்ளது.
பயங்கரவாத செயற்பாடுகளுக்கு ஒத்துழைப்பு வழங்கிய குற்றச்சாட்டு உள்ளிட்ட மேலும் பல குற்றச்சாட்டுக்களின் கீழ் இவர் மீது வழக்கு தொடரப்பட்டிருந்தது.
இந்த நிலையில், வழக்கறிஞர்களின் ஒத்துழைப்பை பெற்றுக்கொள்ளாது, இந்த சந்தேகநபர் நீதிமன்ற விசாரணைகளில் அமைதி காத்து வந்திருந்தார்.
ஈஸ்டர் குண்டுத் தாக்குதல், இலங்கை, நீதிமன்றம், சிறைத் தண்டனை
படக்குறிப்பு,கொழும்பு மூவரடங்கிய விசேட மேல் நீதிமன்றத்தினால் இந்த தீர்ப்பு நேற்று வழங்கப்பட்டுள்ளது.
06.மொஹமட் மன்சூர் மொஹமட் சனஸ்தீன் (அபு மிஸான்)
அபு மிஸான் என அழைக்கப்படும் மொஹமட் மன்சூர் மொஹமட் சனஸ்தீனுக்கு கொழும்பு மூவரடங்கிய விசேட மேல் நீதிமன்றம் 200 வருட சிறைத் தண்டனையை விதித்து தீர்ப்பளித்துள்ளது.
பாணந்துறை பகுதியில் வீடொன்றிலிருந்து எடுக்கப்பட்ட பெட்டியொன்றில் காணப்பட்ட பிளாஸ்டரில் தனது கைரேகை இருந்ததாக தெரிவித்தே தன்னை போலீஸார் கைது செய்ததாக மொஹமட் மன்சூர் மொஹமட் சனஸ்தீன் நீதிமன்றத்தில் தெரிவித்திருந்தார்.
தான் இதுவரை பாணந்துறை பகுதிக்கு செல்லவில்லை என தெரிவித்த அவர், தனது வீட்டிலிருந்தவாறே இனிப்பு பண்டங்களை தயாரிக்கும் வியாபாரத்தை செய்து வருவதாகவும் கூறியுள்ளார்.
இனிப்பு பண்டங்களை பெற்றுக்கொள்வதற்காக ஒரு தரப்பினர் தனது வீட்டிற்கு வந்த வேளையில், அவர்களுக்கு அதனை பொதி செய்துகொடுப்பதற்காக வீட்டிலிருந்த பிளாஸ்டருடனான பெட்டியை கொடுத்ததாகவும் அவர் குறிப்பிடுகின்றார்.
இந்த நிலையிலேயே, அபு மிஸான் என அழைக்கப்படும் மொஹமட் மன்சூர் மொஹமட் சனஸ்தீனுக்கு 200 வருட சிறைத் தண்டனை வழங்கப்பட்டுள்ளது.
07.அப்துல் மனாப் மொஹமட் பிரிதவுஸ்
இந்த ஈஸ்டர் குண்டுத் தாக்குதல் வழக்கில் அதிக கால சிறைத் தண்டனையை பெற்றுக்கொண்ட நபராக அப்துல் மனாப் மொஹமட் பிரிதவுஸ் காணப்படுகின்றார்.
இதன்படி, அப்துல் மனாப் மொஹமட் பிரிதவுஸிற்கு 260 வருட கடூழிய சிறைத் தண்டனை விதிக்கப்பட்டுள்ளது.
தனது வாக்குமூலத்தை கட்டாயப்படுத்தி பெற்றுக் கொண்டதாக இந்த வழக்கு விசாரணைகளின் போது அவர் சாட்சி வழங்கியிருந்தார்.
08.அப்துல் லதீப் மொஹமட் சாபி (சாபி மௌலவி)
சாபி மௌலவி என அழைக்கப்படும் அப்துல் லதீப் மொஹமட் சாபிக்கு 220 வருட கடூழிய சிறைத் தண்டனை விதிக்கப்பட்டுள்ளது.
தனது வாக்குமூலத்தை கட்டாயப்படுத்திப் பெற்றுக்கொண்டதாக அப்துல் லதீப் மொஹமட் சாபி நீதிமன்றத்தில் சாட்சியம் வழங்கியிருந்தார்.
09.மொஹமட் இப்ரைஹிம் அப்துல் ஹக் (அபு பலா)
அபு பலா என அழைக்கப்படும் மொஹமட் இப்ரைஹிம் அப்துல் ஹக்கிற்கு 240 வருட கால கடூழிய சிறைத் தண்டனை வழங்கப்பட்டுள்ளது.
ஈஸ்டர் குண்டுத் தாக்குதலை நடாத்துவதற்கு ஒத்துழைப்பு வழங்கிய குற்றச்சாட்டின் கீழ் இவருக்கு இந்த தண்டனை வழங்கப்பட்டுள்ளது.
10.மொஹமட் ரமிஷ் மொஹமட் சாரிக்
மொஹமட் ரமிஷ் மொஹமட் சாரிக்கிற்கு 220 வருட கடூழிய சிறைத் தண்டனை விதித்து தீர்ப்பளிக்கப்பட்டுள்ளது.
ஈஸ்டர் தொடர் தற்கொலை குண்டுத் தாக்குதல்களுக்கு ஆதரவு வழங்கியமை உள்ளிட்ட குற்றச்சாட்டுக்களின் கீழ், சட்ட மாஅதிபரினால் இவர் மீது குற்றப் பத்திரிகை தாக்கல் செய்யப்பட்டிருந்தது.
11.உசைனுல் ரிஸ்வி காலித் சமீர்
உசைனுல் ரிஸ்வி காலித் சமீரிற்கு நீதிமன்றத்தினால் 200 வருட கடூழிய சிறைத்; தண்டனை விதிக்கப்பட்டுள்ளது.
ஈஸ்டர் தொடர் தற்கொலை குண்டுத் தாக்குதல்களுக்கு ஆதரவு வழங்கியமை உள்ளிட்ட குற்றச்சாட்டுக்களின் கீழ், சட்ட மாஅதிபரினால் இவர் மீது குற்றப் பத்திரிகை தாக்கல் செய்யப்பட்டிருந்தது.
12.மொஹமட் ஹனீபா சேயினுல் ஆபீதீன் (அபு ஹினா)
அபு ஹினா என அழைக்கப்படும் மொஹமட் ஹனீபா சேயினுல் ஆபீதீனிற்கு 200 வருட கடூழிய சிறைத்தண்டனை விதித்து நீதிமன்றம் தீர்ப்பு வழங்கியுள்ளது.
ஈஸ்டர் தொடர் தற்கொலை குண்டுத் தாக்குதல்களுக்கு ஆதரவு வழங்கியமை உள்ளிட்ட குற்றச்சாட்டுக்களின் கீழ், இவர் மீது வழக்கு தொடரப்பட்டிருந்தது.
13.மொஹமட் முஸ்தபா மொஹமட் ஹாரிஸ் (அபு நான்ஷியார்)
மொஹமட் முஸ்தபா மொஹமட் ஹாரிஸ் என்ற நபர் குற்றவாளியாக அடையாளம் காணப்பட்டதை அடுத்து, அவருக்கு 220 வருட கடூழிய சிறைத் தண்டனை விதிக்கப்பட்டுள்ளது.
14.ரஷீக் ராசா உசைன்
ரஷீக் ராசா உசைன் என்ற நபருக்கு 220 வருட கடூழிய சிறைத் தண்டனை விதித்து, நீதிமன்றம் தீர்ப்பளித்துள்ளது.
ஈஸ்டர் தொடர் தற்கொலை குண்டுத் தாக்குதல்களுக்கு ஆதரவு வழங்கியமை உள்ளிட்ட குற்றச்சாட்டுக்களின் கீழ், சட்ட மாஅதிபரினால் இவர் மீது குற்றப் பத்திரிகை தாக்கல் செய்யப்பட்டிருந்தது.
15.கச்சி மொஹமட் ஜெஸ்மின்
கச்சி மொஹமட் ஜெஸ்மின் என்ற நபருக்கு 200 வருட கடூழிய சிறைத் தண்டனை விதித்து தீர்ப்பளிக்கப்பட்டுள்ளது.
விடுதலை செய்யப்பட்ட 9 பேர் யார்?
ஈஸ்டர் குண்டுத் தாக்குதல், இலங்கை, நீதிமன்றம், சிறைத் தண்டனை பட மூலாதாரம்,Getty Images
படக்குறிப்பு,இலங்கையில் 2019ஆம் ஆண்டு நடத்தப்பட்ட ஈஸ்டர் குண்டுத் தாக்குதல்
குற்றம் சுமத்தப்பட்டிருந்தவர்களில் 9 பேரை நீதிமன்றம் விடுவித்து விடுதலை செய்ய நேற்றைய தினம் தீர்மானித்திருந்தது.
இதன்படி, விடுதலை செய்யப்பட்ட 9 பேரின் பெயர் விவரங்கள் தற்போது வெளியாகியுள்ளன.
01.மொஹமட் சவாஹிர் மொஹமட் ஹசன் (அபு தாவுத்)
02.மொஹமட் இப்னிகார் மொஹமட் இன்சாப் (அபு மொஹமட்)
03.ரஷிட் மொஹமட் இப்ரைஹிம்
04.சேயினுல் அப்தீன் மொஹமட் ஜசின்
05.மொஹமட் முஸ்தபா மொஹமட் ரிஷ்வான்
06.மீரா சஷிட் மொஹமட் நப்லி (அபு சனா)
07.மொஹமட் அமீன் அயன்முல்லா
08.மொஹமட் அன்சார் தீன் ஹில்மி
09.மொஹமட் அக்ரம் அஹமட்
வழக்கு விசாரணையின் போது உயிரிழந்த நபர்
ஈஸ்டர் குண்டுத் தாக்குதல் சம்பவத்திற்கு ஆதரவு வழங்கிய குற்றச்சாட்டின் கீழ் கைது செய்யப்பட்டு, சட்ட மாஅதிபரினால் குற்றப் பத்திரிகை தாக்கல் செய்யப்பட்டிருந்த 25 பேரில் ஒருவர் வழக்கு விசாரணைகளின் இடைநடுவில் உயிரிழந்திருந்தார்.
யாசிம் பாவா அப்துல் ரவுப் என்ற நபரே இவ்வாறு உயிரிழந்திருந்தார்.
பாராளுமன்ற உறுப்பினர் நாமல் ராஜபக்ஷ, எயார்பஸ் ஒப்பந்தம் தொடர்பாக வாக்குமூலம் அளிப்பதற்காக இன்று காலை (04) இலஞ்ச ஆணைக்குழுவிற்கு அழைக்கப்பட்டார். இந்நிலையில், வாக்குமூலம் அளித்த பின்னர் அவர் இலஞ்சம் மற்றும் ஊழல் தடுப்பு ஆணைக்குழுவால் கைது செய்யப்பட்டார்.
பிரபல பாதாள உலக தலைவர் கஞ்சிப்பான இம்ரான் கைது செய்யப்பட்டுள்ளதாக அறிவிக்கப்படுகிறது.
இன்னும் சில தினங்களில் அவர் இத்தாலியில் இருந்து இலங்கைக்கு கொண்டுவரப்படுவார் என்று பாதுகாப்பு பிரதியமைச்சர் அருண ஜெயசேகர தெரிவித்துள்ளார்.
.jpeg)
.jpg)
கைதிகளை பார்வையிட சென்ற உறவினர்கள், சிறைச்சாலை முன்பாக போராட்டத்தில் ஈடுபட்டுள்ளனர். காயமடைந்த கைதிகளை ராகம வைத்தியசாலைக்கு கொண்டு செல்லும் பணிகள் இடம்பெறுகின்றன.
விசேட அதிரடிப்படையினர் அங்கு குவிக்கப்பட்டுள்ளனர்.அதேசமயம் சிறைச்சாலைக்குள் இருந்து புகை வெளியேறுவதால் உள்ளே தீப்பரவல் ஏதேனும் இடம்பெற்றிருக்கலாமென அஞ்சப்படுகிறது.துப்பாக்கிச் சூட்டு சத்தங்களும் கேட்பதாக அங்கிருக்கும் செய்தியாளர்கள் தெரிவிக்கின்றனர்.
நிலைமையை கட்டுப்படுத்த முயற்சிகள் எடுக்கப்படுவதாக பொலிஸார் தெரிவிக்கின்றனர்.
.jpg)
நூருல் ஹுதா உமர்
அரசாங்கத்தால் அங்கீகரிக்கப்பட்ட அதிகபட்ச சில்லறை விலையை (MRP) விட அதிக விலைக்கு கீரி சம்பா அரிசியை விற்றதாக குற்றத்தை ஒப்புக்கொண்ட ஒரு மொத்த வியாபாரி மற்றும் ஒரு சில்லறை கடைக்கு, தம்புள்ளை நீதவான் நீதிமன்றம் மொத்தம் ரூ. 2 இலட்சம் அபராதம் விதித்துள்ளது.
தம்புள்ளையிலுள்ள இரண்டு வணிக நிறுவனங்களில் நடத்தப்பட்ட சோதனைகளைத் தொடர்ந்து, நுகர்வோர் விவகார அதிகாரசபையின் (CAA) மாத்தளை மாவட்ட அலுவலகத்தால் இந்த வழக்குகள் பதிவு செய்யப்பட்டன.
ஒரு வழக்கில், தம்புள்ளை பிரத்தியேக பொருளாதார மையத்தில் உள்ள ஒரு மொத்த வியாபார நிறுவனம் சம்பந்தப்பட்டது. அங்கு, ஒரு கிலோகிராம் ரூ. 255 என அறிவிக்கப்பட்ட அதிகபட்ச சில்லறை விலை கொண்ட இறக்குமதி செய்யப்பட்ட கீரி சம்பா அரிசி, ஒரு கிலோகிராம் ரூ. 261-க்கு விற்கப்படுவதை புலனாய்வாளர்கள் கண்டறிந்தனர்.
இரண்டாவது வழக்கில், தம்புள்ளையிலுள்ள ஒரு சில்லறை கடை சம்பந்தப்பட்டது. அங்கு, உள்ளூரில் தயாரிக்கப்பட்ட கீரி சம்பா அரிசியின் அதிகபட்ச சில்லறை விலை ரூ. 255 ஆக இருந்தது. ஒரு கிலோகிராம் ரூ. 260 மதிப்புள்ள பொருள், ரூ. 360 என்ற விலையில் விற்கப்பட்டு வந்தது.
குற்றவாளிகள் தங்கள் குற்றங்களை ஒப்புக்கொண்டதை அடுத்து, நீதிமன்றம் ஒவ்வொரு நிறுவனத்திற்கும் ரூ. 100,000 இலட்சம் அபராதம் விதித்தது.
முன்னாள் நீதி அமைச்சர் விஜயதாச ராஜபக்சவின் மகனான சட்டத்தரணி ரகித ராஜபக்ச உள்ளிட்ட மூவர் இலஞ்ச ஊழல் ஒழிப்பு விசாரணை ஆணைக்குழுவினால் கைது செய்யப்பட்டு, கொழும்பு பிரதான நீதிவான் நீதிமன்றில் முன்னிலைப்படுத்தப்பட்டபோது அவர்களை ஜூலை 03 ஆம் திகதிவரை விளக்கமறியலில் வைக்க நீதிமன்றம் உத்தரவிட்டுள்ளது.
பிரபல பாதாள உலகக் குழுத் தலைவர் 'ஹரக் கட்டா' என்பவருக்கு சட்டவிரோத உதவிகளை வழங்குவதற்காக அவரது மனைவியிடம் பெருந்தொகை பணத்தை இலஞ்சமாகக் கோரிப் பெற்றுக் கொண்டமை தொடர்பில் இவர்கள் மீது குற்றம்சாட்டப்பட்டிருந்தது.
2023 ஆம் ஆண்டு டுபாயில் வைத்து 'ஹரக் கட்டா'வின் மனைவி மதுஷிகா மதுவந்தியிடம் இருந்து முதலில் 50 கோடி ரூபாய் இவர்களால் இலஞ்சமாகக் கோரப்பட்டுள்ளது.
பின்னர் அத்தொகை 20 கோடி ரூபாயாகக் குறைக்கப்பட்டு, அதில் முற்பணமாக 12 கோடி ரூபாய் இலஞ்சம் பெற்றுக்கொண்டதாக இவர்கள் மீது குற்றம் சுமத்தப்பட்டுள்ளது.
இந்நிலையில், 'ஹரக் கட்டா' பொலிஸாரால் கொல்லப்படுவதைத் தடுப்பது, அவரது தடுப்புக் காவல் உத்தரவை நீக்கி பூஸா சிறைச்சாலைக்கு மாற்றாமல் வேறு சிறைக்கு மாற்றுவது மற்றும் விசாரணைகளில் இருந்து அவரை விடுவிப்பது ஆகியவற்றுக்கு உதவுவதாகக் கூறியே இந்த இலஞ்சம் பெறப்பட்டுள்ளதாக கூறப்படுகிறது.
முன்னாள் அமைச்சர் விஜயதாச ராஜபக்சவின் மகன் சட்டத்தரணி ரக்கித ராஜபக்ஷ மற்றும் ஐக்கிய மக்கள் சக்தியின் ஹொரண தொகுதி அமைப்பாளர் சரித் அபேசிங்க ஆகியோர் இலஞ்ச ஊழல் ஆணைக்குழுவினால் கைது செய்யப்பட்டுள்ளனர்.
.webp)
வவுனியா மாநகர சபை மேயர் சு.காண்டீபன் பதவி நீக்கம் செய்யப்பட்டுள்ளதாகவும், உறுப்பினர் பதவியில் இருந்து நீக்கப்பட்டதாகவும் அரச அச்சக திணைக்களத்தினால் வர்த்தமானி வெளியிடப்பட்டுள்ளது.
வவுனியா மாநகரசபை முதல்வரான சுந்தரலிங்கம் காண்டீபன் வவுனியா மாநகரசபை மேயர் பதவியிலிருந்தும், மாநகரசபை உறுப்பினர் பதவியிலிருந்தும் ஆளுநருக்கு உரிய அதிகாரங்களை பயன்படுத்தி நீக்கப்படுகிறார் என வர்தமானியில் தெரிவிக்கப்பட்டுள்ளது. அது தொடர்பான வர்த்தமானி அறிவிப்பில் மேலும் தெரிவிக்கப்பட்டுள்ளதாவது,
1947ஆம் ஆண்டின் 29 ஆம் இலக்க உள்ளூராட்சி மன்றங்கள் கட்டளைச் சட்டத்தின் 277 ஆம் பிரிவும், 1989 ஆம் ஆண்டின் 12 ஆம் இலக்க மாகாண சபைகள் (தொடர்புடைய ஏற்பாடுகள்) சட்டத்தின் 2 ஆம் பிரிவும் இணைந்து வழங்கியுள்ள அதிகாரங்களின் கீழ் இந்த அறிவிப்பு வெளியிடப்படுகிறது.
வடக்கு மாகாண ஆளுநரான நாகலிங்கம் வேதநாயகன், மேற்கூறிய சட்டங்களின் கீழ் எனக்கு வழங்கப்பட்ட அதிகாரங்களின் அடிப்படையில், தனிநபர் விசாரணைக் குழுவினால் சமர்ப்பிக்கப்பட்ட விடயங்களை ஆழமாக ஆராய்ந்து, அதனைப் பரிசீலித்ததன் பின்னர் ஒரு முடிவுக்கு வந்துள்ளேன். இதற்காக, ஓய்வு பெற்ற மாவட்ட நீதிபதி கே.கந்தையா அரியநாயகம் அவர்களை ஆணையாளராக நியமித்துஇ வவுனியா மாநகரசபை தொடர்பான நடவடிக்கைகளை விசாரணை செய்து அறிக்கை சமர்ப்பிக்குமாறு 277(1ஏ) பிரிவின் கீழ் பணித்திருந்தேன்.
அந்த விசாரணை அறிக்கையின் அடிப்படையில், வவுனியா மாநகரசபை முதல்வர் சுந்தரலிங்கம் காண்டீபன், உள்ளூராட்சி மன்றங்கள் கட்டளைச் சட்டம் (அத்தியாயம் 576) பிரிவு 277(1) இன் (ஏ) மற்றும் (டீ) உபபிரிவுகளில் குறிப்பிடப்பட்டுள்ள ஏற்பாடுகளின் படி மேயராகத் தொடரத் தகுதியற்றவர் என நான் திருப்தியடைந்துள்ளேன்.
எனவே, 1947 ஆம் ஆண்டின் 29 ஆம் இலக்க உள்ளூராட்சி மன்றங்கள் கட்டளைச் சட்டத்தின் 277(1) பிரிவும், 1989 ஆம் ஆண்டின் 12 ஆம் இலக்க மாகாண சபைகள் (தொடர்புடைய ஏற்பாடுகள்) சட்டத்தின் 2 ஆம் பிரிவும் வழங்கியுள்ள அதிகாரங்களின் அடிப்படையில், 2026 ஜூன் 24 முதல் அமுலுக்கு வரும் வகையில் சுந்தரலிங்கம் காண்டீபன் அவர்கள் வவுனியா மாநகரசபை மேயர் பதவியிலிருந்தும், மாநகரசபை உறுப்பினர் பதவியிலிருந்தும் நீக்கப்படுகிறார் என அறிவிக்கப்படுகிறது என அதில் மேலும் தெரிவிக்கப்பட்டுள்ளது.
வவுனியா மாநகரசபை தேர்தலில் ஜனநாயக தமிழ் தேசியக் கூட்டணி சார்பில் புளொட் அமைப்பின் ஊடாக போட்டியிட்ட சு.காண்டீபன் வெற்றி பெற்று தமிழரசுக் கட்சி, ஐக்கிய மக்கள் சக்தி, ஜனநாயக தேசியக் கூட்டணி மற்றும் தமிழ் தேசிய மக்கள் முன்னணி ஆகிய கட்சிகளின் 11 உறுப்பினர்களின் ஆதரவுடன் மேயர் பதவியை கைப்பற்றி இருந்ததுடன், எதிரணியில் 10 உறுப்பினர்கள் இருந்தனர்.
வவுனியா மாநகரசபை மேயர் மற்றும் பிரதி மேயர் தெரிவுகள் பிழையாக இடம்பெற்றதாகவும் அப் பதவிகளை வறிதாக்கி மீள தெரிவை மேற்கொள்ளுமாறும் மேன் முறையீட்டு நீதிமன்றத்தில் எதிர் கட்சி உறுப்பினர்களான சு.பிறேமதாஸ், விஜயகுமார் ஆகிய இருவரால் தொடர்பட்ட வழக்கிற்கு அமைய கடந்த 8 மாதங்களாக செயற்படாது இருந்த வவுனியா மாநகரசபை இம் மாதம் உயர் நீதிமன்றத்தால் வழங்கப்பட்ட இடைக்கால தீர்ப்பை அடுத்து பிரதி மேயர் தவிர்ந்து மேயரின் கீழ் சபை இயங்கி வந்த நிலையில் குறித்த வர்த்தமானி வெளியாகியுள்ளதுடன், மேன்முறையீட்டு நீதிமன்றமும் யூலை மாத முற்பகுதியில் தீர்ப்புக்காக திகதியிடப்பட்டுள்ளமை குறிப்பிடத்தக்கது.
