இச்சந்திப்பில் கலந்துகொண்ட அனைவருடனும் சுமுகமாகக் கலந்துரையாடிய ஜனாதிபதி, கிரிக்கட் விளையாட்டின் மேம்பாட்டுக்கு முழுமையான ஒத்துழைப்புகளை வழங்க நடவடிக்கை எடுப்பதாகத் தெரிவித்தார். கடந்த இரண்டு வருட காலப்பகுதியில், கிரிக்கெட் விளையாட்டுத்துறை பெற்றுக்கொண்டுள்ள வெற்றிகள் குறித்து விளையாட்டுத்துறை அமைச்சர் தயாசிறி ஜயசேகரவும் கிரிக்கெட் சபையின் தலைவர் திலங்க சுமதிபாலவும், இங்கு கருத்துத் தெரிவித்தனர். கிரிக்கெட் விளையாட்டுத்துறையின் மேம்பாட்டுக்காக, ஜனாதிபதி மைத்திரிபால சிறிசேன வழங்கிய பங்களிப்புகள், இங்கு நன்றியுடன் நினைவுகூரப்பட்டன. வருகைதந்த அனைவருக்கும், ஜனாதிபதியினால் இராப்போசன விருந்து ஏற்பாடு செய்யப்பட்டிருந்தது என்பது குறிப்பிடத்தக்கது.
