சாய்ந்தமருது நகர சபை சட்டப்பூர்வமாக நிறுவப்பட்டுள்ளது

 

இலங்கை உயர்நீதிமன்றம், சாய்ந்தமருது நகர சபை சட்டப்பூர்வமாக நிறுவப்பட்டுள்ளதாகவும், அது தொடர்பாக வெளியிடப்பட்ட வர்த்தமானி அறிவித்தல் முழுமையாக நடைமுறையில் உள்ளதாகவும் அறிவித்துள்ளது.  

கல்முனை மற்றும் சாய்ந்தமருது ஆகியவற்றை வட்டாரங்களாகப் பிரிப்பதற்காக இரண்டு மாதங்களுக்குள் தேசிய எல்லை நிர்ணயக் குழுவை நிறுவுமாறு உள்ளூராட்சி அமைச்சர் பணிக்கப்பட்டார்.  

எல்லை நிர்ணயம் வர்த்தமானியில் வெளியிடப்பட்டவுடன், கல்முனை மாநகர சபை மற்றும் சாய்ந்தமருது நகர சபை ஆகிய இரண்டிற்கும் தேர்தல்களை நடத்துவதற்குத் தேவையான நடவடிக்கைகளைத் தேர்தல் ஆணைக்குழு எடுக்க வேண்டும்.