22வது அரசியலமைப்புத் திருத்தத்திற்கு எதிராக 21 மனுக்கள் தாக்கல்

 

அரசாங்கத்தினால் முன்மொழியப்பட்ட, 22வது அரசியலமைப்புத் திருத்தத்தை எதிர்த்து மொத்தம் 21 மனுக்கள் உயர் நீதிமன்றத்தில் தாக்கல் செய்யப்பட்டுள்ளன. 

இந்த சட்டமூலம் பொது இறையாண்மையையும் நீதித்துறையின் சுதந்திரத்தையும் பாதிக்கக்கூடும் என்று மனுதாரர்கள் வாதிடுகின்றனர்.

வினிவிட அறக்கட்டளையின் பொருளாளர் சுனில் ஜயசுந்தர, டாக்டர் அஜந்த பெரேரா, சட்டத்தரணி ஷிரால் லக்திலக்க மற்றும் இளம் சட்டத்தரணிகள் சங்கம் உள்ளிட்ட குழுவினரால் சமீபத்திய மனுக்கள் தாக்கல் செய்யப்பட்டுள்ளதாக தெரிவிக்கப்பட்டுள்ளது.

முன்னதாக, இந்த சட்டமூலத்தின் அரசியலமைப்புச் செல்லுபடியை எதிர்த்து இலங்கை சட்டத்தரணிகள் சங்கம் (BASL), முன்னாள் அமைச்சர் பேராசிரியர் ஜி.எல்.பீரிஸ், பேராசிரியர் ரஞ்சன் அபேயரத்ன மற்றும் பலரும் மனுக்களைத் தாக்கல் செய்திருந்தனர்.

அரசாங்கத்தால் பாராளுமன்றத்தில் முன்வைக்கப்பட்ட, இந்தத் திருத்தம் சட்டம், உயர் நீதிமன்ற நீதிபதிகளின் ஓய்வு பெறும் வயதை 65-லிருந்து 67 ஆகவும், மேல்முறையீட்டு நீதிமன்ற நீதிபதிகளின் ஓய்வு பெறும் வயதை 63-லிருந்து 65 ஆகவும் உயர்த்தப் பரிந்துரைக்கிறது.