தேர்தல் ஆணைக்குழுவின் கோரிக்கையை மீறி வைத்தியர்கள் பணி பகிஷ்கரிப்பில்

அரச வைத்திய அதிகாரிகள் சங்கத்தினர் இன்று நாடளாவிய ரீதியில் பணிபகிஷ்கரிப்பை முன்னெடுத்துள்ளனர்.

பல்வேறு கோரிக்கைகளை முன்வைத்து, தொழிற்சங்க நடவடிக்கையில் ஈடுபட்டுள்ளதாக அரச வைத்தியர்கள் அதிகாரிகளின் சங்கத்தின் உதவி செயலாளர் நலிந்த ஹேரத் தெரிவித்துள்ளார்.

இன்று காலை 8 மணிமுதல் நாளை காலை 8 மணிவரை, 24 மணித்தியாலங்கள் இந்த பணிபகிஷ்கரிப்பு முன்னெடுக்கப்படுகின்றமை குறிப்பிடத்தக்கது.

இதனால் நோயாளர்கள் பெரும் அசௌகரியங்களை எதிர்நோக்கியுள்ளனர்.

இதேவேளை தேசிய நீ்ர் வழங்கல் தொழிற்சங்க ஒன்றிணைந்த கூட்டமைப்பு இன்று காலை 9 மணிமுதல் 4 மணித்தியாலய அடையாள பணிபகிஷ்கரிப்பை முன்னெடுத்திருந்து.

சம்பள உயர்வை கோரி இந்த பணிபகிஷ்கரிப்பு முன்னெடுக்கப்பட்டது.

இதேவேளை ரயில் சாரதிகள் மற்றும் ரயில் பாதுகாப்பாளர்களின் பணிபகிஷ்கரிப்பு இன்று 7 ஆவது நாளாகவும் தொடர்கின்றது.

பெப்ரவரி 15 ஆம் திகதி வரை எவ்வித தொழிற்சங்க நடவடிக்கைகளிலும் ஈடுபட வேண்டாமென தேர்தல்கள் ஆணைக்குழு அண்மையில் கோரிக்கை விடுத்திருந்த நிலையிலேயே தொழிற்சங்க நடவடிக்கைகள் முன்னெடுக்கபடுகின்றமை குறிப்பிடத்தக்கது,