புத்தல பகுதியில் லொறி - பேருந்து விபத்து

 

புத்தல - மொனராகலை பிரதான வீதியில் 11ஆம் மைல்கல் பகுதியில் இலங்கை போக்குவரத்து சபைக்கு சொந்தமான பேருந்தும் லொறியொன்றும் மோதி விபத்துக்குள்ளாகியுள்ளது. 

இன்று (10) மதியம் இவ் விபத்து இடம்பெற்றுள்ளது.

விபத்தில் லொறியின் சாரதியும் உதவியாளரும் காயமடைந்த நிலையில், புத்தல பிரதேச வைத்தியசாலையில் சேர்க்கப்பட்டுள்ளனர்.

இந்நிலையில் பேருந்தில் பயணித்த சில பயணிகளுக்கு சிறிய அளவில் காயம் ஏற்பட்டுள்ளதாக தெரிவிக்கப்படுகின்றது.

விபத்து தொடர்பில் புத்தல பொலிஸ் நிலைய அதிகாரிகள் மேலதிக விசாரணைகளை முன்னெடுத்து வருகின்றனர்.