19 வயதுக்குட்பட்ட, உலக கோப்பையை.இந்தியா வென்றது

 

2026ஆம் ஆண்டுக்கான 19 வயதுக்குட்பட்ட இளையோர் ஒருநாள் உலகக் கிண்ணப் போட்டியில் இங்கிலாந்து அணியை 100 ஓட்டங்களால் வீழ்த்தி இந்திய அணி கிண்ணத்தை கைப்பற்றியது.

நாணயச் சுழற்சியில் வெற்றி பெற்று முதலில் துடுப்பாடிய இந்திய இளையோர் அணி, நிர்ணயிக்கப்பட்ட ஓவர்களில் 9 விக்கெட்டுகளை இழந்து 411 ஓட்டங்களைப் பெற்றது.

இந்திய அணி சார்பாக அதிரடியாக விளையாடிய வைபவ் சூர்யவன்ஸி 80 பந்துகளில் 175 ஓட்டங்களைப் பெற்றுக் கொண்டார்

அணித்தலைவர் ஆயுஸ் மத்ரே 53 ஓட்டங்களையும், அபிக்யான் குண்டு 40 ஓட்டங்களையும், வேதாந்த் திரிவேதி 32 ஓட்டங்களையும் பெற்றுக்கொடுத்தனர்.

பந்துவீச்சில் இங்கிலாந்து அணி சார்பில் ஜேம்ஸ் மின்டோ 03 விக்கெட்டுகளையும், செபஸ்டியன் மோர்கன் மற்றும் அலெக்ஸ் கிரீன் ஆகியோர் தலா 02 விக்கெட்டுகளையும் வீழ்த்தினர்.

அதன்படி, 412 ஓட்டங்கள் என்ற இமாலய இலக்கை நோக்கி பதிலளித்தாடிய இங்கிலாந்து இளையோர் அணி, 40.2 ஓவர்களில் சகல விக்கெட்டுகளையும் இழந்து 311 ஓட்டங்களை மாத்திரமே பெற்று தோல்வியை தழுவியது

இங்கிலாந்து அணி சார்பாக கலேப் பால்க்னர் அதிரடியாக துடுப்பாடி 115 ஓட்டங்களைப் பெற்றார்.

பென் டவ்கின்ஸ் 66 ஓட்டங்களையும், பென் மேயஸ் 45 ஓட்டங்களையும், அணித்தலைவர் தோமஸ் ரூ 31 ஓட்டங்களையும் பெற்றுக்கொண்டனர்

இதன்படி, 100 ஓட்டங்கள் வித்தியாசத்தில் 19 வயதுக்குட்பட்ட இளையோர் இந்திய அணி இன்று உலக கிண்ணத்தை கைப்பற்றியது.